السلام عليكم
خواتيه انا توني ام شهورين ونص واليوم الصيح عزكم الله رحت الحمام وعقب مامثيت لقيت دم بس لونه بني غامج والحين بس نزل بس شوي
رحت المستشفى الصبح بس دخلوني ع دكتوره عامه و صورو البيبي كله اوك ولله الحمد
بس قالتلي ارتاحي وتمي منسدحه
وعطتني دوا فولتين بس حبوب عادي اخذهن ولالا
طمنوني هذا اول حمل اليه ادعواليه الله يثبته
الله يثبته ان شاء الله يا رب
لا اتخافين اختي مدام طمنتج الدكتورة انا استوالي جي في الشهر الثالث بس اهم شي الراحه وعدم الحركة القوية والله يثبتلج حملج وحمل كل حامل يا رب
الله يثبت حملج اختي كانت حامل وكان ينزل منها دم عادي لا تحاتين
الله يثبته يارب لاتخافين
اذا زاد الدم سيري المستشفة
انا نفس الحاله لما كنت في الثاني وتمت لين ال3
وعطتني دوا تثبيت دوفاستون … وما فاد وآخر شي عطتني ابره تثبيت وتم ينزل اكثر ولما يا موعد الابره ال2 …. وقف النزيف الحمد الله …..
بس انتي دام جيكتي وشاكه روحي دكتوره ثانيه….والله يشفيج
صح نسيت … قالت ان هذا كله من المشي قالت لي كله ارتاحي ولا تتحركين
الله يثبت حملج أختي …
وروحي عند دكتوره نساء أحسن ، تفهم أكثر من الدكتوره العامه وممكن تعطيج مثبت أذا تحتاجينه .