خواتي بغيت اعرف شو احسن الحضانات في ابوظبي ردوا علي الله يخليكم
إختي كم مرة سألت هالسؤال وماحد جاوبني كنت محتارة وين أودي ولدي عمره سنتين ونص بس الحمدلله رسيت على فيرست ستب صح هي غالية بس أحسها أوكي والاسبوع الياي يوم الاحد بيبدون دوام إنشاءالله
مرحبا الغالية .. ما ادري بس انا بودي بنتي 3سنوات وكم شهر .. حضانه البجعة the swoan سمعت البعض يمدحها وبعد سعرها مقبول ..واهم شي قريبه من بيتي يعني اوصلها قبل ما اروح الدوام . انشالله اكون افدتج .. موفقة
اختي حضانة (عالمي الممتع) بمنطقة الكرامة ، حلوة ومفيدة لليهال، ومديرتها مواطنة
انصحج تروحين الحضانة وتشوفين كيف نظامهم وتعاملهم مع اليهال ، وبعدين قرري
وبالتوفيق ان شاء الله
أخواتي أنا بعد أدور حضانة لولدي .. فيرست ستبس كيف على الطبيعة؟؟شفت الصور في الويب سايت وما اقتنعت بالمكان
بالنسبة لحضانة Swans Nursery أبد ماعيبتني سرتلها..وماشي نظام أوكي..والمدرسات أحس مالهم خبرة..والنظافة بعد مب أوكيه فسحبت فلوسي
حد سمع عن حضانة الدانة؟؟؟صاحبتها مواطنة..وبعد في حضانة الثريا…أفيدونا يا بنات
مشكورات ياحلوات على الرد
نفس الحاله أدور حضانه في بوظبي تفيد اليهال ويتعلمون منها.. وفي نفس الوقت متخصصين حق شغلهم.. إلي تعرف لا تبخل بالرد..