السلام عليكم ورحمه الله وبركاته …
وايد بنات سمعنا عنهم عرسوا … وعقب شهر او شهرين او خمسه اطلقن ….. ليش ؟؟؟
1- يكون السبب من الريال … انه راعي سوالف مب زينه …
2- يا يكون من امه مخربه عيشتهم وتوز على ولدها ان يطلق حرمته …
3- او لاسباب اخر ….
المهم …………………….. كل الاسباب تكون البنت مالها ذنب فيها والطلاق يا من طرف الريال …
انا ما ارمس ولا كتبت هذا الموضوع من فراغ … انا وحده من هالبنات .. اطلقت بدون سبب مقنع …
في نفس الوقت … انا احس اني ارتحت منهم بصراحه لان مثل هالناس ما ينعاش وياهم …
بس في خاطري تكون لي اسرتي وابا اشوف عيال …..
وبعد شي ريايل …. اتزوجوا بنات وطلقوهم لان يكون العيب من البنت …. او يعني السبب هو من البنت ..
يعني بعد هالفئه من الريايل مالهم ذنب .. واكيد يبون يردون يعرسون ويكون عندهم عيال …
فخطر فبالي شي …. ان نحن اهني اكيد في بنات او حريم يعرفون ريال يعني اخوانهم او نسايبهم او حتى حد من اهلهم صار له نفس هذا الموقف انه طلق … او يعرفون بنات من هذي الفئه اللي اطلقن وهن مالهن ذنب …
فليش ما نوفق راسين بالحلال … ونجمع هالفئتين مع بعض …
فما ادري شو رايكم …. ابا ارائكم حبيباتي …
صح رمسستج
وحلوه فكرتج
بس تتوقعين انه لو العيب كآن مني بقول انه العيب مني ؟؟
لا .!
ف كيف تثقيين بالنآس وانتي مآ تعرفينهم ؟
مآ ادري جيه احس انآ
كل شي قسمه ونصيب … واحيانا احد الطرفين ياخذ الموضوع بحساسيه ويسويها مشكله اذا بقيتي توفقين من بين اثنين
لا حول ولا قوه الا بالله
حراااااااام ليش جيه ؟؟ اتذكر مواضيعج بقسم العروووس
انصدمت يوم قريت انج اطلقتي .؟؟
اهم شي شريتي راحتج والله يعوضج ان شاءالله
ربيعتي بعد اطلقت بعد كم شهر من الملجه لانه الريال داش على طمع
الله يعييييييين وفكرتج حلوه
انا من البنات اللي اطلقن بدون ذنب
حسبي الله و نعم الوكيل
و مصيري وكلته الى الله رب العالمين
و ان شااللله يا رب انه يرزقني بالزوج الصالح عاجلا غير اجل و اشوف عيالي ويهديني و يوفقني
لان جد جد الطلاق متعب خصوصا ف مجتماعاتنا