اذا عجبكم شكلها وخاكركم تاكلون قطعه منها ….تابعوني وبخبركم عن طريقة عملها بالتفصيل الممل:::::
المقادير:
كوب سميد + كوب جوز هند مبشور + ملعقتين صغار بيكنغ باودر وتخلطينهم عدل وتتركيهم على جنب..
في وعاء كبييييير تخفقين ثلاث بيضات +كوب سكر + ملعقه صغيره من الفانيليا + كوب زيت + علبتين من قشطة نستله .. ولازم تخفقين بالمضرب الكهربائي حتى يصير المزيج عندج قشدي وكثيف وهني عاد تضيفين خليط السميد وجوز الهند على الخليط السائل لكن بالتدريج وبملعقه خشبيه وبعدها تسكبين الخليط في صينيه فرن مستطيلة الشكل ومدهونه بشوية سمنه من لورباك … وتزينينها باللوز.
أما الشيره فطريقتها الكل يعرفها أكيد بس بعد بحط طريقتها::
كوب ونصف من السكر + كوب واحد من الماء + زعفران وهيل للنكهه ونتركه على نار متوسطه الين ما يغلي وبعدها نخفف عليه النار الين ما يصير قوامه غليظ شوي بس مش وايد عشان ما يعسل ويصير ثجييل …
وبعد ما تظهر البسبوسه من الفرن توزعين عليها الشيره وتتركينها ساعه على الأقل قبل التقديم .. وصحتين على قلوبكم::
وان شاء الله تستفيدون من اللي قدمته لكم وكلوها وادعولي ان الله يتمم عليه هذا الحمل ويثبته قولوا آآآمين..
ماشاء الله روووووووووووووووووووووووووووووعة
ممكن اطرشين لي اول قطعة ————— خخخخخخخخخ
احسها لذيذه لان البسبوسه بروحها مافيها شكرر ..والشكر عدوي هههه
تسلمين ميره عالبسبوسه
سلمت يمناااك ياا ميره…
وعسى الله يثبت لج حملج ويرزقج بالذريه الصااالحه يااارب
المشاركة الأصلية كتبت بواسطة عالية الغالية 
ممكن اطرشين لي اول قطعة ————— خخخخخخخخخ
ردج الأروع حبيبتي .. تسلمين
المشاركة الأصلية كتبت بواسطة الحب الاول تسلمين ميره عالبسبوسه
بالعكس البسبوسه ما تصلح من غير سكر بس انتي ما انتبهتي للسكر من بين المقادير …
تسلمين عزيزتي … على مرورج الحلو
المشاركة الأصلية كتبت بواسطة مــــيره دبــي وعسى الله يثبت لج حملج ويرزقج بالذريه الصااالحه يااارب
الله يسلمج حبيبة قلبي ومشكوره على الدعوه الحلوه ::