مرحبا بنات ياليت اللي كانت تعاني من خلل في غدة الحليب (زيادة البرولاكتين) و تعالجت و قدرت تحمل بعد العلاج تفيدني . وين تعالجت؟ عند أي دكتور؟
للرفع
الغاليه بخبرج اذا رحتي عند كذا دكتوره ترا العلاج واحد
بيعطونج حبوب اسمها اظني الدوستنكس شي جيه
كل الدكاتره يعالجون ارتفاع البرولاكتين بهالحبوب
و طبعا لو فيه زياده في الوزن الافضل الوحده تتخلص من الوزن
و اذا تبين علاج عشبي ما يضر ان شاء الله ووصى به الرسول عليه الصلاة و السلام لعلاج الهرمونات الانثويه
عندج البردقوش (المردقوش) موجود عند العطارين ورق ريحته شبيهه بالزعتر بس اخف و شي منه اللي معباي في اكياس مثل الشاي
تغلين ماي و عقب ترفعين الماي عن النار و اتحطين البردقوش و اتغطينه 5 دقايق و عقب تشربينه ولو ما تقهرين طعمه حطي شكر ولا عسل
المهم تشربينه يوميا مرتين في اليوم و ان شاء الله تتشافين من ارتفاع البرولاكتين
(^_^)
و ان شاء الله البنات بيفيدونج
صحيح حبيبتي وانا بعد انصحج بالمرقدوش والميراميه
عن تجربه انا كنت اعاني مثلج من هرمون الحليب مرتفع
وجزاها الله كل خير الأخت تاجره عاديه كانت كاتبه تجربتها وقلت ليش ما اجرب
والحمدلله نزل عندي الهرمون للمعدل الطبيعي
ادعولي بالذريه الصالحه
هلا حبيبتي
انا ما احب ارد ع المواضيع , ما فيه ع الطبااااعه
ههههههههههههه
بس حبيت افيدج
انا كان فيه نفس حالتج
سرت عند الدكتوره, و يوم شافت التحاليل
اتقولي انتي اترضعين؟؟؟
قلتلها لاء
و جان اتقولي انزين تبين تفطمين؟؟؟
قلتلها لاء, اصلن انا ما عندي عيال, و مب معرسه !!!
و حوفتني , انا الهرمون وايد مرتفع عندي
و جي , و عطتني حبوب. و قالت لازم اخذهن كل اسبوع, و سالفه طويله و عريضه
المووووووووووهيم
وايد طولت ف الكلام
يا طويلة العمر
انا بنت خالتيه دكتوره و هالسوالف تخصصها
جان اسالها عنهن
اتعرفين شو قالت
عصبت عليه, و سوت سالفه
قالت, المفروض ما اكلهن الحبوب, لان مب منا و الدرب اخذهن
و انتي يعني بعدج ياهل و جي
و قالت ان هاي فتره و بتعدي, و الحين الحمدالله رد الهرمون طبيعي
و يمكن انتي سويتي الفحوصات ف وقت الدوره
هذا ياثر بعد
و السموحه منج اختي
موضوع تعبير مب رد
ههههههه