اشحالكن خواتي. عساكن ابخير؟
بغيت اسالكن انا سايرة البحرين فالويك اند هذا … بغيت مساعدكم
شو اروم اشتري من اهناك و من وين؟
و تحياتي لكم
ام خرباش
سيري سوق محرق عندهم عبي حلوه انا ما شفتها بس ختيه خذت مناك وايد و جاهزه العبي و اذا تبين تفصيل ياخذ 24 ساعه
خذي بعد الحلوى البحرينيه وايد محلات موجوده هناك
عندج سوق المحرق هناك ترومي تفصلني عبايات وتأخذ جلابيات وفي وايد اشياء حلوه وبعد بوابة البحرين اغراضهم حلوه واسعاره حلوه وعندج محلات شويطر تشترين من عندهم حلوى بحرينيه ومتاي وحتى البهارات تحصليه عندهم..
وسلامتج وتروحي وتردي بسلامه…….
تسلمين عالتفاعل السريع
ربي يعطيج العافيه
بالتوفيق الغالية
مرحبا اختي أخبارك
واهلا وسهلا فيك في ديرتك الثانية
أما التسوق مثل ما قالوا لك البنات عندك سوق محرق حق الحلوى البحرينيه والمتاي وبعد عندك التسوق بس أكثر شيء العبي واذا كنتي تدورين التميز في العبي عندك طبعا المحلات الموجوده على شارع الكازينو مثل اميرة الورد وسيدتي ومذهلة وانصحك باميرة الورد هذا عن تجربتي عن نفسي اسوي عباياتي عندها وتحصلين اشكال حلوه واسعار أحلى.
أما المجمعات فعندك السيف/ الدانه/ العالي/ وانصحك بالستي سنتر لأنه كبير وراح تحصلين فيه كل الماركات يعني تقدرين تتشرين منه دون ما تنقلين من مجمع لين ثاني.
بالنسبة للجلابيات عندك الرفاع تحصلين أشكال حلوه، وهناك سوق بروحه تحصلين فيه اللي تحبين واسعاره متفاوته.
وسلامتك واي استفسار أقدر اساعدك فيه تراني حاضره
وااوو
شكرا بنات ماقصرتن حمستوني .. يعطيكم العافيه
بس اسعاركم نفس اسعارنا ؟؟
و تحياتي لكن