السلام عليكم بنات مبروك عليكن الشهر
بنات بغيت اتخبركن تعرفون الحين العبي كلها ايدها وسيعه و طبعا انا احب انوع فالعبي بس ما احب ايدي تطلع لا لا هب ما احب غصب عني المفروض ما تطلع لان حرام
قبل فتره عرفت ان فيه اكمام تنلبس بس ما اعرف وين بالضبط ياريت تخبروني ابى اخذ
و يزاكن الله خير
نسيت و ياريت المكان فبوظبي
التاجرة هيام2 و بداية new يبيعونهن
واختي الغالية تقدرين اتفصلين بعد .. يعني تروحين تاخذين الدانتيل الي يعيبج واتفصلينه عند الخياط كم سادة وانتي في البيت انتي وابداعج … مثلا اتركبين دانتيلات او اي حركة ناعمه وبيطلع حلو
والسموووووحه
و انا بعد ابا اعرف وين في العين
المشاركة الأصلية كتبت بواسطة المؤمنة دائما 
مشكوره غاليتي
بس انا احب اشوف الشي جدامي عسب اختار
بشوف فالمحلات اذا ما حصلت بشوف الاخوات التاجرات
المشاركة الأصلية كتبت بواسطة وحدة صريحة واختي الغالية تقدرين اتفصلين بعد .. يعني تروحين تاخذين الدانتيل الي يعيبج واتفصلينه عند الخياط كم سادة وانتي في البيت انتي وابداعج … مثلا اتركبين دانتيلات او اي حركة ناعمه وبيطلع حلو
والسموووووحه
مشكوره فديتج
تعرفين انا فرمضان ما احب اطلع من البيت فما فيني اظه رو اروح اشوف الدانتيلات و عقب الخياط يعني شغلانه حابه شي جاهز
مشكوره حبيبتي
بتحصلين في بن سوقات فوق واحد يبيع في كشك
وبتحصلين في محلات المتحجبة