السلام عليكم ورحمة الله وبركاته
شحالكن خواتي ؟
آبا اطلبكن مساعدة آتمنى تكون مقدور عليها !
اي حد عنده بيوت يأجرها أو تعرف حد يأجر بيوت في أبوظبي .
لـ 10 افراد , يعني على الاقل يحتاجون 5 غرف أو 4 غرف مع الشغالة .
اتمنى تراعون الحرمه في السعر لانه ريلها مب عندها يشتغل برع البلاد وعلى معاش مايزيد عن
والحرمة تشتغل وتصرف على عيالها مع هالظروف اللي حتى نحن احياناً تصعب علينا !
للاسف الحرمه يعطونها لمت محدد حق البيت وماطاعوا يزيدونها واللي هو بس 100 ألف !!!!
بس مع هالعايله وهالظروف …..!
بتسألوني ليش في بوظبي بالذات ! مب مشكله لو لقت في خليفة أ او ب .
بس في بوظبي لانه بيكون سهل عليها تمشي لين الشارع وتوقف تاكسي بس ف خليفة مستحيل تحصلين تاكسي ! وغيره وايد اشياء
بس حتى لو حد يعرف حد من خليفه يأجر بيت بهالقيمة ويراعي الحرمه وظروفها لانه في خليفة بتكون قريبه من بيت بعض اقاربها.
لو حد يعرف يخبرني لانه الحرمه جد ظروفها صعبه !
اللي يعرف حد يأجر ممكن يكلمه ويأجرلها بيت بهالقيمة لها ولعيالها .
والله بيآجره ان شاءالله
دخيلكم .. آكيد تبون الأجر مب الإيجار 
!
آي حد يقدر وفيه الخير ومستعد يساعدها يخبرني .
الحرمه شرات اختي بالنسبالي ولو قدرت اساعدها ماترددت !
بس ماقدرت اساعدها إلا بهالموضوع اللي اطرحه لكم, واعرفكم خواتي ما بتقصرون وياها .
والسموحه منكم .
فيه بالجرايد اعلانات عن فلل ايجارها 100 الف وفوق بمدينة محمد أ و ب وفيه بالباهية
الله ييسر عليها يا رب
الله يسهل عليها
الله اييسر امرها ويفرج همها
الله يسر امرها
شي وانا معاج .. بس فيه بيوت تكون مجمعات وابداً ماشي خصوصيه !!
وبعض البيوت ماتكون زينه .. شرات منطقة خليفة أ اتوقع .. فيها تشققات بسبة الارض مب صالحه للبناء وغيرها !!
دورت وايد وانا ساعدتها بس مالقينا لين الحين … ولقينا كم بيت بس اسعارهن 120 او 130 بس للاسف مايطيعون ينزلون السعر ابدا !!
وانا قلت بجرب اسوي موضوع هني لاني واثقه انه محد بيقصر لو يقدر !!
مشكورين وايد والله يسهل على الجميع
الله يفرجها عليها ان شاء الله اكيد اختى بتحصلين بهالمناطق وانا اذا سمعت او عرفت حد عنده ايجار بهالحدود بخبرج ان شاء الله