السلام عليكم ورحمة الله وبركاته
خواتي الغاليات بغيت استفسر عن موضوع
اختي اليوم راحت مستشفى دبــــا ، بنتها عندها تطعيم بو سنة
لما وصلت طلبوا منها بطاقة البنوتة ، وبعدين قالوا لها أنه ما يستوي تاخذ التطعيم لان بطاقتها من اصدار البدية !!!
مع انها والدة في مستشفى دبــــا
وقالوا لها أن اللقاحات من حق عيال دبا!!! ( والبدية ودبا تابعين لامارة الفجيرة )
وبنفس الوقت يات وحدة من دبـــا بس والده في مستشفى دبي ، وبعد رفضوا يطعمون ولدها
أونـــه روحي دبي وين ما ولدتي وطعمي بنتج !!
يعني للي والدة في دبا و بنتها من منطقة ثانية ، مارضوا يطعمونها
وللي والدة في دبي بس من دبا ، بعد ما رضوا يطعموون ولدها
انا وديت ولدي بنص شهر سته ما سوولي هالعبالة كلها خذت كرت التطعيم و دخلت مركز الأمومة والطفولة ، وعطوه التطعيم ، ورجعت البيت
ما طلبوا مني البطاقة الصحية ن ولا وصفة ، ولا خربطااان
الحين أنا ابا اعرف شو ها القانون اليديد مال التطاعيم و مراكز الأمومة والطفولة ؟؟؟ وهل هو معمم على كل المستشفيات ولا منكر يديد من مستشفى دبا ؟؟؟
ومشكورات مقدما خواتي ^^
حبيبتي ماعندي علم ان شاء الله يفيدونك
رررررررررفع لعيونك
يفضل تتصلين بالامومه والطفوله وتستفسري
الله يوفقج
انا بتكلم عن امارة الشارقة عندنا في كل منطقة مركز طبي اطعمين ولدج على حسب المنطقة السكن بغض النظر عن مكان الولادة يمكن انتوا جي بعد
اتصلي مركز الأمومة وسأليهم عسب ما تتأخرين عن موعد التطعيم
اول مره اسمع جي ،،، انا ولدت فمستشفى الكورنيش
وولدي خذ تطعيمه من مركز صحي برع بوظبي وعادي محد قال شي!