استغلال الصديقات

حبيت اطرح هالموضوع لاني صدق طفرت من هالصديقات اللي ما يبوني الا عشان شي عندي وحده من صديقاتي طفرتني لدرجة انه اي شي تشوفه عليه تباه ولو تاخذه ماترد ومن يستوي اول الشهر اتم تتعلث انه ما عندها فلوس ويوم اسلفها ما ترده ملللللللللللليت حتى يوم تي عندي البيت اتم تنبش واذا شافت شي تقولي سلفيني وبرده ولا ترده شو اسويبها بتقولولي البسيها حاولت بس هي تفرظ نفسها عليه شو اسوي طفرت

ودريهم..

الله يعينج
بس تقدرين باسلوبج اتعودينها انها ما تطلب كل شي منج
مثلا يوم تطلب منج شي ،قوليلها انج الحين انتي في حاجته وما تقدرين تعطينها، وكل ما تطلب شي ثاني ردي عليها باسلوب مزح ،شو كل شي تبينه
وتقدرين اتقوليلها انج ما تحبين حد يستعمل اغراضج( ما اريدج اتكونين شريرة ،بس كوني صارمة علشان ما اتمين متضايجة)
والسموحة

بس انا مول ما عندي ربع واحس بالضيق اذا تميت بروحي خاصه انه ريلي على طول مشغول..

صارحيها او ودريها

لاتعطينها فرصه تستغلج وقوليلها سوري الميزانيه هالايام مش ولا بد ماقدر

فديتج انا بستوي ربيعتج بس انا صغيرونه هههههههه

لانها مرابعتنج مصلحه

اختي يمكن انتي عودتيها من البدايه على هالشي

ربي يفرجها عليج ان شاء الله