السلام عليكم 
انا فتاه مقبله على الزواج ،، والدوره مول مش منتظمه عندي
يعني اتيني اسبوعين وعقب 4 او 5 شهور توقف عني ،،
ومره رحت بتعالج بس الدكتوره ما كانت شاطره وقالوا تكيس
ع الخفيف ما ياثر وايد ،، 
وزني قام يزيد ،،، واللي صدق متعبني انه
كل شهر لازم 3 مرات اروح احف ،،، اتعب وايد ،، 
اللي عندها خلفيه عن هالموضوع بليز ما لا تبخل عليه
بغيت دكتوره شاطر وفنانه في هالموضوع ،،
عادي لو تكون من دبي ولا الشارجه او عيمان ،،
المهم دورتي تنتظم ،، 
العلاج بيعطيج اياه الدكتور المختص بـ الغدد الصماء، نصيحة لا تروحين عند دكتورة نساء و ولادة روحي عند أخصائي غدد صماء وبيسويلج تحليل كامل
كل هالاشيا تأثر على الحمل يوم بنتزوج، تعالجي من الحين أحسن
و الدوا لا يزيد الوزن ولا ينقص ، عادي
اذا تبين اسم الدكتور ف بوظبي خبريني و بطرشلج
للررفع
حبيبتي سلامتج من كل شر
مثل ما قاقلتج الاخت اللي قبلي . المشكلة اللي عندج في هرمونات الجسم و ليس بالمبايض و غيره من المشكلات النسائية .
انصحج اذا ما حصلتي طبيب في الغدد الصماء سيري عند طبيب عام و قوليله يكتبلج على اسماء الهرمونات و يحولج على مختبر للتحليل . و سوي تحاليل الغدد و خذي النتيجة و ارجعي للطبيب العام لانه بيعرف اذا كان في ارتفاع او انخفاض في بعض الهرمونات . و بيعطيج العلاج ان شاء الله
المسألة مب محتاجة طبيب غدد حصريا . ممكن اي طبيب عام شاطر يساعدج فيها و ما فيج الا العافية
الله يشفيج حببيتي
سيري اول شي عند دكتورة نساء وولادة تفحص لج بالتصوير التلفزيوني الرحم و المبايض و هي بتحولج على الدكتور المختص باغدد مثل ما نصحوج الاخوات و في مستشفى الكندي دكتورة وايد شاطرة اسمها كولشان.وهي في مستشفى الكندي اللي في ديرة .
المشاركة الأصلية كتبت بواسطة انفاسک تذوبني 
كل هالاشيا تأثر على الحمل يوم بنتزوج، تعالجي من الحين أحسن
و الدوا لا يزيد الوزن ولا ينقص ، عادي
اذا تبين اسم الدكتور ف بوظبي خبريني و بطرشلج
ربي يعطيج الف عافيه مشكلتي ما اقدر اروح بوظبي ،،
لو تعرفين دكاتره في دبي ولا الشارجه او عيمان خبريني
مشكوره لانج افدتيني ،،
المشاركة الأصلية كتبت بواسطة nooraaaa مثل ما قاقلتج الاخت اللي قبلي . المشكلة اللي عندج في هرمونات الجسم و ليس بالمبايض و غيره من المشكلات النسائية .
انصحج اذا ما حصلتي طبيب في الغدد الصماء سيري عند طبيب عام و قوليله يكتبلج على اسماء الهرمونات و يحولج على مختبر للتحليل . و سوي تحاليل الغدد و خذي النتيجة و ارجعي للطبيب العام لانه بيعرف اذا كان في ارتفاع او انخفاض في بعض الهرمونات . و بيعطيج العلاج ان شاء الله
المسألة مب محتاجة طبيب غدد حصريا . ممكن اي طبيب عام شاطر يساعدج فيها و ما فيج الا العافية
الله يسلمج حبيبتي
انا من النوع اللي اتحمس ف البدايه وعقبها اطفر وما اكمل العلاج
عشان جي اسال دكتوره شاطره ،، مب اتيني وحده وتعطيني ادويه ويلا روحي وانا مب عارفه شي ،، ف ان شاء الله الاقي وحده اوكي ،،
مشكوره وما قصرتي ع المساعده ،،،