السلام عليكم ورحمة الله وبركاته
اخواتي انا اتعلم قيادة السيارة في مدرسة تيمور ، صار لي فترة
طبعا المدربات فلبينيات
اول شيء تعلمت في الباركان وكانوا المدربات OK ما عليهم كلام والحمد لله قدمت تراي ونجحت
وبعدها استلمتني وحدة فلبينية تعلمني في الشارع ، اول يوم ودتني مكان في الخور ، يعني اسوق على
على شوارع فرعيه ، وكلما اغلط في شيء احس وكأني مسوية جريمة تقعد تصارخ علي احس شوية
شوية بتضربني ، وما تكون ردت فعلى الا ان شاء الله ، رغم انها غلطاتي بسيطة ، بس هي بعد السبب
المروض اول يوم انا اتعلم الاساسيات في الشارع ، متى اعطي بترول زيادة ، متى اخفف ، شو اسوي
اذا ابي الف ، ، قلت موب مشكلة خلني اصبر عليها .
كملت يومين في هالمكان وبعدني من جثر ما تصرخ علي ، ما فهمت شو اسوي اذا ابي الف او غيره
في اليوم الثالثة مودتني الشارع ، ولفي بالدوار ابيج تطلعين الفة الخامسة ، او الرابعة وتشوفينها
تتنازع ومحتشرة علي ، وانا والله موب فاهمة للحين شيء ، ويوم اسألها وين اروح او شو اسوي تقعد
تطنز علي .
الحين في موضوعي هذا
الي ابيه منكم ، الي مثلا راحت وتعلمت في هالمدرسة ، او مدارس التعليم الثانية ، تقولي عاملوكم
بنفس الاسلوب ، والا المفروض هي تصرخ على شان الوضع خطر
والا بشو تنصحوني
انا ما لجأت لسؤالكم الا على شان استفيد من خبراتكم وتجاربكم في هالشيء
احترامي
اختي نصيحه تدربي عند المرور نفسهم === احيد كانت مواطنه تدربهم على السواقه لان بصراحه المدارس ما يدربونا عدل و الله يوفقج
خلاص اختي انا دفعت فلوس للمدرسة
وما جنت اعرف انهم بيعاملوني بهالطريقة
الله يجزيج خير على الاهتمام
"اللهم أصلح لي ديني الذي هو عصمةُ أمري، وأصلح لي دنياي التي فيها معاشي، وأصلح لي آخرتي التي فيها معادي، واجعل الحياة زيادةً لي في كلِّ خيرٍ، واجعل الموت راحةً لي من كل شرٍّ".