الله يحفظ عيالكم عندي بنوتة اليوم عمرها 4 شهور بالضبط الله يخليها………… بحكم دراستي في الجامعة فخليت لها رضعتين صناعي الصباح والباقي الحمدلله كان طبيعي وكان أول شهر بطنها زين ولكن بعد الأربعين الى الحين وهي تعاني من الإمساك( الله يعزكم).قالولي عطيها ماي تمر عطيتها وماشي فايده وكملت شهرين وأنا بس إستخدم التحاميل معها. وبعدين قررت أقطع الرضعتين الصناعي نهائي وفعلا قطعتهم وللحين ماشي فايدة تجلس أسبوع و10 أيام والله أرحمها بس شو أسوي؟ هاي أول طفلة عندي؟ ساااااااااااااااااااااااعدوني………
هيه بعد قالولي عطيها ليانسون وماجاب فايدة……………..
حبوبه مدام كملت 4 شهور عطيها عصير برتقال يسهل والله يعافيها ان شاء الله
الغاليه عطيها شوي عصير برتقال و ماي التمر هذا من تجربتي الشخصه بس انا سمعت ان ملعقه صغيره من زيت الزيتون الاصلي او ماء غريب يمشي بطن الرضيع ( بس ما جربت لاني توني عرفت المعلومه )
مشكورات الغاليات بجرب وبشوف عسى يفيدها والله بدعيلكم من كل قلبي
الله يسهللها حبيبتي بس انصحج يا الغالية انج ما تكثرين عليها بالتحاميل لاه يسبب كسل وبالتالي بتتعود انها ما تخرج شي الا بالتحاميل عليج بالحلبة مع اشوي زيت زيتون
عطيها عصير برتقال
ربي يشافيها
أقول أم ولوودي كيف الحلبة أسويها؟ تقصدين ماي الحلبة ولا شو؟ تراني طمة مافتهم عدل……زصبرج علي شوي وإستحمليني………