السلام عليكم ورحمة الله وبركاته
مرحبا خوااتي
حبيت انكم تساعدوني بمعلوماتكم عن مرض أنيميا الفول
أنا عندي بنتين والحين الله رزقني بالولد وتفاجأت من تحليل الدم انه ولدي فيه أنيما الفول علما انه بناتي ماصابهم مع لأني كنت أكل البقوليات
وأنا تفاجأت اني أنا بعد فيني انيما الفول لما خذت تحليل دم لأني كنت أعاني طول فترة حملي بنقص الدم حتى وصل الى 7 علما بأني خذت ابر الحديد بالوريد والحبوب ولافادتني فنصحتني الدكتور بعمل تحليل أنيما الفول فيوم سويت تحليل الدم تبين لي انه انا فيني بعد
سؤالي ابي معلومات كامله عن انيميا الفول وأثره ع الحامل والمصاب لهذا المرض وهل الحنا لها تأثير فيني لأني اللي اعرفه انه اذا هديت الرضاعه مابيكون له تاثير لأني حامل للمرض مش مصاب وهل بيتم طول عمري احاسب ما اكل اي من البقوليات انا وولدي
أفيدوني
اختي اللي اعرفه طول ما ترضعين تمتنعين عن البقوليات بانواعها وما تتحنين…
وبعد ما تفطمين ولدج اتحني عادي
اللي اعرفه ان البنت تحمل هذي الصفه (انيميا الفول) وراثه من الاب او الام
ويطلعون في عيالها وبناتها
البنات يحملونه المرض
والاولاد يطلع فيهم ويتأثرون لو كلو البقول
سوي بحث في قوقل واقري من مواقع طبية افضل من المنتديات عشان تكون عندج معرفة تامة بالموضوع ..
واذا تعرفين انجليزي دوري في مواقع اجنبية بعد
عزيزتي بناتي الثلاث عندهن أنيميا الفول ف ان شاء الله افيدج باللي اعرفه
معلومه عامه : اذا الام مصابه بأنيميا الفول تورثه لعيالها الذكور ، والعكس اذا الأب هو اللي عنده الانيميا يورثنه البنات من عنده..
بالنسبه للحناء لج انتي اذا كنتي من قبل تتحنين وما بأثر عليج ف عادي لا تحرمين نفسج وعشان الولد ما يأثر فيه يعني الاكل اوكي يروح ف الحليب بس الحناءوالجحال عن تجربه شخصيه أقول ما يأثر وتوكلي ع الله
الحناء عشان البيبي لا تحنينه اللحين صبري عليه لين ما يكبر شوي يعني تقريبا 6 شهور او اكبر شوي وعقب لاحظي عليه
البقوليات ع حسب فيه ناس يتأثرون وفيه ناس عادي مثلا انا عندي اختي لو كلت بقوليات ع طول تتعب من الم ريولها ، وعندي وحده من بناتي لو تأخذ حُمُّص او فول بطرف صبعها تتاثر ويبان عليها ك حياسيه عشان جي مانعه عنهن البقوليات والمكسرات احتياطا
ع كلام دكتوره الأطفال اذا ترضعين ولدج طبيعي ف ابتعدي عن البقوليات لين يكمل ثلاث شهور وعقب آكلي شوي شوي عشان لا سمح الله تاثر تقدرين تلاحظين عليه
بشكل عام ما ترومين تحرمين نفسج او ولدج من البقوليات والمكسرات ع طول عشان جي اهم شي تلاحظين 2 أمور هذيلا يُبين لج اذا فيه تاثر لا سمح الله و ع طول المفروض تأخذين احتياطاتج
– اصفرار العيون
-لون البول عزج الله احمر داكن
لا تحاتين عزيزتي وايد منتشر وما من خوف ان شاء الله بس اهم شي تكونين متحذره وتاخذين احتياطاتج دائماً
المرض هذا منتشر وما منه خوف بس انتبهي لأمور منها انه المصاب بالمرض ما يقدر ياخذ أنواع معينة من الأدوية وخاصة المضادات الحيوية
عشان جذيه كوني حريصة عند زيارة أي طبيب انج تبلغينه بالمرض وهو بيتجنب هالأدوية .
أكثر شي يأثر في مريض أنيميا الفول هي الباجله فتجنبوها أحسن
اذا الحنا ما أثرت عليج من قبل فلا باس انج تتحنين لأنها ما تأثر على كل مصاب
المشاركة الأصلية كتبت بواسطة ياقوتةخضرا 
عشان جذيه كوني حريصة عند زيارة أي طبيب انج تبلغينه بالمرض وهو بيتجنب هالأدوية .
أكثر شي يأثر في مريض أنيميا الفول هي الباجله فتجنبوها أحسن
اذا الحنا ما أثرت عليج من قبل فلا باس انج تتحنين لأنها ما تأثر على كل مصاب