بصراحة قرأت موضوع الأخت شواطئ الحب وحبيت أخبرها عن قصتي لأن مثل ما يقولون اللي يشوف مصيبة غيره تهون عليه مصيبته
أنا مزرجة من ست سنين وعندي بنت وولد في المدارس الحين والحمدلله
ساكنه في ملحق زين ثلاث غرف ومطبخ وصالة .. المشكلة بدأت الحين بعد ما بنينا بيتا وأقصد في كلمة بيتنا إني أنا وهو تساعدنا عشان نبنيه والكل يدري بهذا الشئ..
طلع بطلعه أخوه وبغى البيت ييلس فيه بعد ما جهز عشان يبني له بيت (للعلم هو عنده بيت ايجار ملكه وأظن غيره والله يزيدهم وهم حالتهم المادية وايد احسن من حالتنا والله عاطنهم بس ليش هذي الانانية ) وزوجي عطاه كلمة ووافق وقالي بعد ما اتفقوا أنا استحيت أقول لأخوه أو لزوجته أو لأهله إني انا رافضة .. وسكت وما قلت شئ وكتمت قلت بناخذ اجرهم بس عقلي يقول هم عندهم وأنا كيف ما قدرت اقول لأ هذا بيتي بيت أحلامي بنيته وحلمت كيف أثثه وأرتبه ووايد أفكار .. وهم ليش ما يحسون ويتلومون من اليلسه في بيتي .. بس أنا السبب لأني سكت وفعلا أنا كاره البيت وما لي خاطر فيه ….انا عاتبت زوجي وفهمته خطأه بس بعد خراب مالطا وضاع كل شي.. شو رايكم ؟؟؟؟
الله يعينـج حياتـي
ماحبيت ادخل موضوعج بدون رد ..!i
الصراحه انا انقهرت والله لو مكانج بحلف على ريلي اذا ما غير رايه انا ما بسكن في بيت بنيته من خاطري وحدد غيري سكن فيه قبلي ولعب فيه لعب والله اهله ما يستحون والله يرفعون الضغظ يعني كيف بيسكنون في بيتكم انتوا ابدى ……………حبيبتي لا تقهرين عمرج ورفضي وخلهم يزعلون بالطقاق وقولي هذا بيتي ومحد بيسكن فيه غيري انا وعيالي وبس ولا تراعين مشاعرهم دام انهم ما راعوا مشاعرج واستولوا على بيتج
ناس ما عندهم ذووووووووووووووووووووووق
حبيبتي الله يعينج
بس اذا هم بعد ما سكنوا قولي لهم انج بتقعدين بالبيت وتعبتي من الاجار
وخل هم يقعدون بالملحق الي نتي قاعدة فيه لين يخلص بيتهم انت مو ملزومه فيهم
وخلي السالفة في وجهج انت اذا زوجج يستحي من اهله ما فيها شيئ
عطيهم ملحقج وسيري سكني في بيتج والله ما عندج سالفه لو سكتي
عادي غيري كلامج شو يعني
حلو ووالله ما ابوك واركب على الذيل
لو هو بناه برحه ما عليه لكن هذا تعبج انتي وياه مستحيل حد يسكنه غيركم
قليلهم خذوا الملحق انا بسير بيتي ما فيه بعد ارد ااثثه مره ثانيه
انا عايفه الملحق ومب رايمه اتم فيه يوم زياده
ما عليج لا تستحين والله لا تراهم بتحلالهم اليلسه ولا بيطلعون خير شر وبتقولين قالت سحايب
لا اجار ولا شي شو بيطلعهم
عادي باجر يمو يزهب بيتهم بيقول اخوه باجره كمن سنه لين يطيح الدين ولا الين اكن نفسي ووو
وانتي عاد …
الله يهديج للصواب
Allah e3eench bas ana ashoof ina fe hal zeman elwa7ed mayeste7i wala yetlawam and if they still didnt move into ur dream house then STOP them and tell them that you want it its urs o inti ta3bana feeh
يعني هم ما استحوا يطلبون بيتج وانتي تستحين تقولين لا واتمين في الملحق ؟؟؟؟
هاي ما استوت يا اختي
باجر اذا طولوا وانتي انجبرتي تطلعين من الملحق ما بترومين تقوليلهم سيروا اجروا انا ابا بيتي خلاص
فاحسن لج تقلعين الفكره من بالهم من الحين وتسكنين بيتج بلا مشاكل