أختفاء حركة الجنين طبيعي ام لا ؟!!

من 3 اسابيع بديت احس بحركة الجنين في بطني
وخاصةً الصبح اول ما آصحى من النوم
ومن يومين احس الحركة اختفت بالمرة
وكل شوي اتحسس بطني عل وعسى اني احس بشي
لكن ماشي فايدة .. وواااااااااايد افكر في الموضوع وحاسة بخوف

لاتحاتيــــــــــــــــــــن اختي وعسى خير انشاللهـ ~

جربي وصفة البصل وشووفي ..

حبيبتي الامر طبيعي جدا في الشهور الاولى عادي تمر ايام وماتحسين بحركة الطفل لان الرحم اكبر عن الطفل فحركته ما تكون محسوسه يمكن يكون يتحرك بس ماتحسيبه لان الماي الي يحيطه يخفف من احساسج له
ثانيا متى تخافين على حركة الطفل اذا خفت .. فالشهور الثلاث الاخيره اذا ما حسيتي بالطفل تحرك خلال 24 ساعه ساعتها لازم تسيرين الدختر وتطمنين

اما الحين فانتي فالبدايه وانا مريت بنفس خوفج وكنت مرات احاتي وطفرت ريلي كثر ما يوديني وايبني واخر شي يكون الامر سليم الحمدلله

المشاركة الأصلية كتبت بواسطة Fafi

إن شاء الله خير .. بخصوص البصل المعلومه صحيحه اختي .. اتخبرت امي .. لو ما اتحبينه .. كلي بصل ابيض ووو اعصري عليه لومي وو اشوي ملح وحطيه في الشمس بس مب وااايد شوي عشان ريحته اطير .. و كليه ويا العيش .. وو حتى الأخضر خله يدخلونه لج في السلطـــه ..

لو شفتي ما صار شيء .. حبيبتي سيري و اطمني .. لو عند دكتورج نفسهااا عشان اتشوفلج البيبي .. ووو إن شاء الله تتطمنين على البيبي .. الله يخليه لج و لأبوه ..

مع اني ما كنت مصدقة هالمعلومة وقطعت صديقتي عليها !!
انشالله بجرب اليوم ومشكورة الغالية

الاخت أمل كفت و وفت
و الله يطمنج على البيبي و يكون كل شي تمام

اكلي كاكاو