السلام عليكم ورحمة الله وبركاته
بنات بتخبركن
انا مالجه تقريبن قبل رمضان بأسبوعين
يعني قولوا كملت شهر ونص على ملجتي
بس ماعرف شو اقولكن
ماحس ان ريلي قريب عني او شي من هذا القبيل
ماعرف لو يمر اليوم مايكلمني عادي عنده
كلامه وياي كله عن الدوام واهله
مايني الا مره ف الاسبوع او الاسبوعين واذا مايي عادي عنده
مااعرف ليش جي هو
احسه مايعرف يعبر عن مشاعره
مع انه انسان طيب وايد والحمدلله
بس بعد
واايد اتملل من سوالفه على موبايل
كله عن اهله او الدوام او عن دراستي واهلي
ماعرف افتح مواضيع ثانيه وياه وكيف افتح وعن شو
بس جد انا متممله من السالفه كلها
واحسه تابع لهله لان وايد متعلق فيهم
ماعرف كيف اكسبه
انا مابا يودر هله او يبتعد عنهم بس بعد ابا يتقرب مني
ينام عند امه فاليل
اقرب الناس له ابوه واخوه
همه الشاغل اهله وبس
وانا والله من النوع الي احب الناس الي يحبون اهلهم
لان فيهم خير بس بعد ابا احسه قريب مني
ولاهله يستاهلون كل خير
مليت من سوالف اليوميه
ماعرف احس اني مشتته وانا اكتب لكن ماعرف بتفهمون عليه او لا
شو تنصحوني
الله يوفقج وياه
ماعليه حبوبه توكم تراج اتقولين ملجه بتعرفينه شوي شوي
انتي ابدي وفاتحيه ف اي موضوع
شو اللي اتحبه شو اللي ماتحبه
يعني هواياته شو يحب من الوان اكلات من صفات وجي بتطلع السوالف
المشاركة الأصلية كتبت بواسطة قصايد الهاملي 
ماعليه حبوبه توكم تراج اتقولين ملجه بتعرفينه شوي شوي
انتي ابدي وفاتحيه ف اي موضوع
شو اللي اتحبه شو اللي ماتحبه
يعني هواياته شو يحب من الوان اكلات من صفات وجي بتطلع السوالف
آميين يارب
تصدقين عاد اني سألته شو هوياتك وشو تحب ماتحب
هواياته ييلس وياهله ويتيمع فيهم
ويحب سوالف ابوه ولمة اخواته وخلاته
وماعنده لون محدد يحبه
ومايهتم وايد فالاكل
مادري متملله
فديتج بعدج ما كملتي شهر شوفي وايد اسباب تخلي الريال جي وتراج مب اول وحده تمر بهالمشكله انا اعرف وايدات ….واعرف بنت من كثر ما طفرت حاولت تطلب الطلاق !!!!!!!!!! خبله بس الحمدالله الله هداها
شوفي …
أولا …الريايل بطبعهم الغالبيه ما يعرفون يعبرون يعني مب شرات البنت ..البنت بطبعها رومانسيه تحط في بالها الحياه حياة زوجيه مثاليه كلها حب وحنان وكلام حلو من اول مكالمات !! بس الواقع شي ثاني يختلف …
الريال خاصة اذا ما كان من النوع اللي عنده علاقات قبل الزواج يكون ما يعرف يتعامل ويا البنت …ما يعرف كيف يكسبها شو يقولها ؟ يعاملها جنه واحد من الشباب والا احيانا يكون جاف شوي ! هذا طبيعي
في البداية بتحسين يبى يتكلم عن عمره عن الاشياء اللي يحبها في حياته مثلا أهله أو ربعه أو السياير اذا كان من هواة السياير والا الكـــوره أي شي هو يحبه ويحس يقدر يرمس فيه !
بس حاولي تصبرين وحطي في بالج انه الريال اللي الحين تعرفينه بيتغير 180% عقب الزواج بس اهم شي يكون طيب ومافي عيوووب انتي ما تتحملينها مثلا بخيل والا اي شي انتي ما تقدرين تتأقلمين وياه …
حاولي انتي تكسبينه والا تكسرين الروتين مثلا …فاجئي كل ما اييج بستايلج او مثلا مره تسويله العشا مب كل مره تطلبيله من برع تاخذيله شي اي شي يخطر على بالج …خلي يحب هالشي …اقصد انه يي عندج
حاولي تفتحين المواضيع اللي هو يحبها عسب تعرفين ترمسينه …
بس نصيحه لا تاخذين انطباع عن ريلج في فترة الملجه لانه كل شي بيتغير عقب العرس …عقب ما يتعود عليج
وترى أحلى أيام هالأيام انتي حاولي تستانسين فيها ولا تتكدرين …بتذكرين كلامي عقب العرس
وانشاءالله الله يسعدج ويا ريلج ويوفقج حبوبه ….
المشاركة الأصلية كتبت بواسطة الدكتــوره شوفي …
أولا …الريايل بطبعهم الغالبيه ما يعرفون يعبرون يعني مب شرات البنت ..البنت بطبعها رومانسيه تحط في بالها الحياه حياة زوجيه مثاليه كلها حب وحنان وكلام حلو من اول مكالمات !! بس الواقع شي ثاني يختلف …
الريال خاصة اذا ما كان من النوع اللي عنده علاقات قبل الزواج يكون ما يعرف يتعامل ويا البنت …ما يعرف كيف يكسبها شو يقولها ؟ يعاملها جنه واحد من الشباب والا احيانا يكون جاف شوي ! هذا طبيعي
في البداية بتحسين يبى يتكلم عن عمره عن الاشياء اللي يحبها في حياته مثلا أهله أو ربعه أو السياير اذا كان من هواة السياير والا الكـــوره أي شي هو يحبه ويحس يقدر يرمس فيه !
بس حاولي تصبرين وحطي في بالج انه الريال اللي الحين تعرفينه بيتغير 180% عقب الزواج بس اهم شي يكون طيب ومافي عيوووب انتي ما تتحملينها مثلا بخيل والا اي شي انتي ما تقدرين تتأقلمين وياه …
حاولي انتي تكسبينه والا تكسرين الروتين مثلا …فاجئي كل ما اييج بستايلج او مثلا مره تسويله العشا مب كل مره تطلبيله من برع تاخذيله شي اي شي يخطر على بالج …خلي يحب هالشي …اقصد انه يي عندج
حاولي تفتحين المواضيع اللي هو يحبها عسب تعرفين ترمسينه …
بس نصيحه لا تاخذين انطباع عن ريلج في فترة الملجه لانه كل شي بيتغير عقب العرس …عقب ما يتعود عليج
وترى أحلى أيام هالأيام انتي حاولي تستانسين فيها ولا تتكدرين …بتذكرين كلامي عقب العرس
وان شاءالله الله يسعدج ويا ريلج ويوفقج حبوبه ….
كلامج وااايد ريحني 
الله يسعدج ياارب
اشكرج واايد يالغاليــه ,,
حاولي تكسبين اهتمامه باسلوبج
تدلعي عليييييييه يوم يزورج ويوم ترمسينه فالتلفون ،، رمسيه عن هواياتج انتي واذارمس بموضوع لو سخيف تفاعلي معاه يحبون اللي تهتم بسوالفهم ( انا ريلي جي من البدايه مايعرف بشو يرمسني وتخيلي يرمسني عن الكره والانديه اخر شي امري لله تابعت مباراه مره ودقيتله وخبرته وجي واستانس وانكسر الحاجز اللي بينا الحمدلله وطلعت السوالف
بس لاتحطين فبالج ان هووو جي ومابيتغير ومابيهتم فيني وتخربين حياتج
اصبري عليه وشوي شوي
والله يسخره لج ياااارب ويوفج من بينكم
ختيه .. انتي ابدي بالتغير
مثلا لو ما اتصل لج اكثر من مره فاليوم اتصلي له او طرشي له مسج
وينك غناتي اشتقت لك .. << سوالف الحبايب
بيبدأ هوو يقول كلام حلو ويرمس في مواضيع غير الاهل والدراسه
كل التووووفيق لج حبووبه
