الوسم: الفجيرة

خواتي أبا وحدة تأجر فساتين حلوة بإمارة الفجيرة أو خورفكان أو دبا ظروري بسرعة

طبعا العنوان واضح بغيت رقم الحرمة والمكان اليوم أو بكرة وأتريا ردكم

لو كنتي من بوظبي كنت بساعدج … ب انشالله البنات ما يقصرن

في الشارجة ما ينفع

للاسف ما ينفع لانه بعيد قبل في وحدة من دبا الحصن عارضة فساتين دخيلكم وينها

اختى اذا تبغين انا اعرف وحده تاجر فى جلباء

فساتين

عندج مريم من الخور ومشاعل بعد من الخور وفاطمة مايد

اذا تبين ارقامهم دزيلي رساله على الخاص وفالج طيب

عندج الأخت العظوة مطلع الشمس55 تبيع فساتين و مكانها في الفجيره …. و محلها يديد … راسليها عالخاص و أعرفي مكانها و لو بغيتي رقمها راسليني عالخاص

اللي مسافرات للحج مع حملة الفجيرة

سلام عليكم ورحمة الله وبركاته
مابقى على السفر للحج غير ايام قليله يالله يسره علينا وتقبله منا واجعله حجاً مبروراً

بدأ العد العد التنازلي
يلا نبغي نحصي الاخوات اللي مسافرات للحج مع حملة الفجيرة يوم الثلاثاء تاريخ 110

انا ببدأ 1 اول رحله لله

بنات الفجيرة .بليزززز دخلن أبيكن بسرعة

بنات الفجيرة كيف حالكن…؟؟؟

بغيت منكن ادلني على خياط يخيط ملابس المدرس يعني يضبط الخياطة عدل
لأن الخياط اللي متعودة أودي عنده مسافر..

ردن علي بسرعة حبوبات

و السموحة

حبوبة عندج خياط الما في خورفكان وايد يضبط وخياطه نظيفة ومرتبة وروحي الحين عن الزحمة وموفقة ان شاء الله

المشاركة الأصلية كتبت بواسطة MAHA21
حبوبة عندج خياط الما في خورفكان وايد يضبط وخياطه نظيفة ومرتبة وروحي الحين عن الزحمة وموفقة ان شاء الله

جزاج الله خير الغلا بس وين مكانه في خور فكان ؟؟

الغاليه روحي خياط نوال ف مريشيد

والسموحه

واحلى رفع لعيونج

موفقه

مدرسة خاصة في امارة الفجيرة

ارجو اخباري عن مدرسة خاصة للبنين في الفجيرة تكون مستواها حلو واذا تقدرون تخبروني مصروفاتها الدراسية وجزاكم الله خيرا

أختي الكل يمدح مدرسة الفجيرة الخاصة بس هي غالية عن المدارس الثانية

شكرا وجزاك الله كل خير

تعليم الانجليزي اوكي بس العربي دااااااون ومصاريف غاليه على الفاضي

عيادة كيا . في الفجيرة

بنوتاااات عندي سؤااااال :

بخصوص عيادة كيا .. عندهم علاج ل زيادة التعرق

اقصد .. ابر البوتكس ,,, <<<
وهذا الي قريته عن الابر …

حقن البوتكس: يعتبر هذا العلاج من العلاجات الناجحة والامنة لزيادة التعرق في الابطين وراحة اليدين وباطن القدمين وتدوم فاعلية هذة الحقن إلى أكثر من 6أشهر ولا يوجد له أي تأثيرات جانبية على جسم الإنسان.

اتمنى احصل الجواب سريعا .. ^^

معقووووووووووله … ولا رد !!!!

الله يساااامحكم خوااااتي …

خذي رقمهم من البداله و اتصلي فيهم ساليهم الموضوع وايد سهل ..
ولا تنسين تخبرينا الاجابه

تسلمين اختي ..

انا اريد تجارب البنات … عسب استفيييييد !!!

للرفع

الغاليه … ماا عرف بس بغيت اخبرج سعاد لطفي تسووي حقن سمعتها تقوول . وصح مااتستوي رييييحه ابدا

واكيد اختها … سميحه لطفي بعد تسووي ترى هن نفس الشغله… ومكانها ف ع البحيره ف الشارقه عمارها اسمها

شي جي البتراء مقاابله عشاان البحيره بالضبط .. بس دووري ع البحيره .. بتشووفيها

اما سعاد ماا دل وين مكاانه

واضني مره وحده بس مب جلساات … وخلاص عال العال

الغاليه انا سمعت سعاد لطفي ترمس عنه قالت سووت حق وحده اونه ريالها يشتكي من ريحتها ووووو الخ

قالت هي عباره عن ابر وجي … وهي تسوي بس سعاد ما ادل مكاانها

اما اذا تبين اختها ونفس الشغله هي واختها اسمها سميحه .. لطفي قريبه منكم ف الشارجه .. ع البحيره خالد

البرج اسمه البترااء اضني … جي … ف الطاابق العااشر

سمحلي .. هذا الي اعرفه .. وهم بعد ماا جربت بس قلت الي سمعته

ساعدوني بسرعة بنات الفجيرة

ساعدوني اريد مطوع او مطوعة تقرا على يهال من حس او رقية الشرعية ارجوكم والله ولديية ثلاث شهور ما يرضى يرضع يظل سبع ساعات بدون حليب اذا بيرضع بس هو نايم اذا حس بحليب يطلعه كله

اريد مطوعة او مطوع بفجيرة وضواحيها

ان شاء الله تلقين …

بسرعة منو تعرف ارجوكم

بسرعة

السموحة منج اختي ما عندي فكرة
الله يشفي لج ولدج يارب
بس انتي اقراء عليه يكون احسن الانج بتقرين من قلبج

الله ييسرلج امورج بس الافضل انج انتي تقرين عليه سورة البقرة كاملة لها اسرار خاصة

الله يشفي لج ولدج يارب
بس انتي اقراء عليه يكون احسن الانج بتقرين من قلبج
ويوم بترضعيه كوني بروحج بالغرفه لاترضعيه جدام حد

أبا شهادة ICDL والسكرتاريه،، الفجيرة

السلام عليكم ورحمة الله وبركاته

بنات ابا اقدم على شهادة ICDL والسكرتاريه فالفجيرة,,,
ابا مساعدتكم بليز,,,
شو الاوراق المطلوبه ووين أقدمها ومتى التسجيل والرسوم…
أوأي شي تعرفنه عن الموضوع

أتمنى تردن على استفساري

Up
Up
Up

[IMG]http://www.*******.org/images/gwyd205jj504k83ocwq.gif[/IMG]
[IMG]http://www.*******.org/images/zttwilaaq1ezm8s5pj53.png[/IMG]

لو كان قسم التوظيف و الموظفات موجود كنت راح تستفيدي بس للأسف ألغو القسم بس يا ليت يراجعو موضوع القسم و يرجعوه…. للرفع

انا اعرف معهد بخور فكان وااايد حلوو..

والكل يمدحه..

اسمه الابتكار للتدريب والتطوير..

خذي الدورات من عندهم اريح لج..

ما يلعوزيونج شرات باجي المعاهد..

المشاركة الأصلية كتبت بواسطة وحييدهـ
انا اعرف معهد بخور فكان وااايد حلوو..

والكل يمدحه..

اسمه الابتكار للتدريب والتطوير..

خذي الدورات من عندهم اريح لج..

ما يلعوزيونج شرات باجي المعاهد..

حلووو ،،، من باجر بتصل لهم
تعرفين كم الرسوم؟؟ ومدة الدراسة؟؟

ربي يوفقج اختي

مركز الفجيرة

منو منكم جربت مركز الفجيرة الطبي الجديد بدبا الفجيرة هي دكتورة هندية للنساء والولادة خبروني تجاربكم وياها

وين محد رد علي

مااعرفه بس حبيت ارفعلك الموضوع .

مافيج رد

انا اعرفها … جربتها مرة وحدة بس … فنانة اتقول لج شو المفروض اسوين وشو مااسوين ..

رحت لها في حلي الاول … جهازها مطور وااايد … وهي اللي بشرتني بان البيبي مالي نبض قلبه .. وعطتني تفاصيل حملي …

منو بعد جربتها تاخرت بالحمل ولما سارت عندها حملت