انا توني بادية اهتم في بشرتي عند دكتور
وقال لي احتاج 3 جلسات بس لأنه ويهي مب وايد خربان
المهم … الجلسة الأولى حرقني حرااااااااااااااااااااااق.. حسيت فوادي بيظهر
وقمت شوي خف… بس طبعا يحرقني ولازم احط مرطبات… ويوم احط يحرقني…
وبدا يتقشر مب ثاني يوم التقشير لأ .. اليوم اللي عقبه….
وتبلح ويهي من الخاطر….
وتوه يخف من التقشير … الا يا وقت الجلسة الثانية..
وسرت…. وحرقني ويهي اكثر… ويوم خلص قال قومي اغسلي ويهج…
يوم قمت اغسله شفت ويهي مبيض مثل المحروق.. وتميت اغسله زياده ما راح
جان اربع حجرة الدكتور وقلتله دكتور ويهي مبيض كأنه محروق .. ومتلطع
قال عادي.. لين توصلين البيت بيكون خف
وفعلا وصلت البيت ماشي ولا نقطة…
ونفس الشي.. تقشر اليوم الثاني من التقشير…
أووووفففففففففففففففففففففف… بصراحة كرهت ويهي لأني اداوم… وقمت انخش في المكتب موول ما اظهر ههههههههه
المهم .. انا مقشرة الاثنين… الخميس شوي خف… مب وايد…
بس امس السبت الحمدلله وااايد كان احسن…
حتى اليوم ما صدقت بشرتي حلوت قمت وتصبغت ههههههههههههه
بس باجر الجلسة الأخيرة.. وبنرجع لنفس الموال وعقبها ان شاءالله تكون بشرتي احسن..
انا حاسة بتغير.. وخواتي.. وربيعاتي في الدوام كلهم قالولي بشرتج متغيره ومحلوه..
بس انا بنفس الوقت استخدم ريكوتان…