السلام عليكم خواتي
شو اخباركم ؟؟؟؟؟؟؟؟
طبعا تشجيعا للسياحة بالامارات وخاصة بوظبي…احب اخبركم عن صالة البولنج الخاصة
الموجودة في مارينا مول
حيث يمكن حجزها بالساعة …..للعب مع الاهل …او الشلة
الحجز لمدة ساعة كاملة ب 400 درهم …ويجب الحجز مسبقا بالهاتف
المكان اكثر عن رائع عبارة عن 4 كابينات للعب البولنج كل كابينة يمكن ان يلعب بها 4 لاعبين …( المجموع 16 لاعب)
الصالة مغلقة ولها مدخل خاص ….وتوجد بالبيسمنت الطابق السفلي م نمركز المارينا مول القسم الجديد ………. وبالتفصيل موقعه اسفل وكالة سيارات المرسيدس
القاعة مثل ما خبرتكم مغلقة ولا يمكن لاحد من الخارج النظر بداخلها …يوجد بها تلفزيون بلازما وكراسي للاستراحة والويترز تقدم لكم المينيو للطعام …وطبعا الاكل والشرب له فاتورة مستقلة عن سعر القاعة.
والحلو انه ممكن للاطفال من 4 سنوات اللعب ويتم رفع حاجز في احد الكابينات لتكون مناسبة للطفل وتساعده على اللعب ورمي الكرة
يقدمون لكم ال( النعل) تكرمون الخاصة باللعب مجانا على حسب المقاس
وتتم الخدمة من قبل فلبينية ….يعني ممكن البنات ياخذون راحتهم …في فسخ العباة والشيلة……….( بس خبروا الفلبينية ) انه لا احد يدخل المكان وهي بتحترم خصوصيتكم
هناك اسعار اخرى وخاصة للقاعة اذا حابين اتسوون فيها حفلات مثل عيد ميلاد واعتقد السعر يصير 800 بالساعة
المكان اكثر من رائع ومميز …وانا سرته مرتين
المرة قضيت فيه ساعة ….والمرة الثانية 2 ساعتين
بس الصراحة احس ساعة تكفي …..للعب والاستمتاع
وسلامتكم
مشكووووره الغاليه
الغالية ممكن توضحين لي أكثر… 400 درهم تحجزين بها القاعة كاملة يعني لل 16 شخص(الأربع كباين) وإلا 4 أشخاص(كبينه وحدة)..
كل كابينة يلعب بها 4 لاعبين …وفي القاعة 4 كابينات يعني المجموع 16 لاعب
هي نعم 400 درهم تحجزين القاعة من غير الطعام او الشراب لمدة ساعة كاملة …بس الحجز مسبق
ابصراحه هالمكان عجيب .. انا رحته بعد .. حجزنا انا وربيعاتي .. انصحكم تروحونه لا تفوتونه .. 
ويوم حجزنا خبرناهم انه ما نبي حد يكون ويانا وجي .. يعني ما نبي ناس ما نعرفهم يدشووون
و طلبنا الاكل والشرب .. والحمدلله استانسنااا
تسلمون على تشجيعكم ….والردود …
ام ضرار ….تسلمين على ابداء رايج بالمكان ,,,