الوسم: Vintage

Vintage Victorian – Evening Dresses

Vintage Victorian – Evening Dresses

يالسه فاضيه .. فقلت بدوور بعض الموديلات الفيكتوريه .. لغرض ما ..
فقلت اعرض عليكم بعض الصور ..
وان شا الله تعجبكم المجموعه .. وراح انزل مجموعه اخرى كل ما حصلت صوور ..

حلوين ما شاء الله ربي يعطيج العافيه يا قلبي

Ms BnOoOtA
مشكورة على مرورج عزيزتي

تعرفين اني انا اتخبل عليهن..وادورهن دواااار
اذا بعد عندج لاتبخلين نزليهن

تعيبني هالنوعيه من الفساتين فيها فخامه

احب كل شي يخص الـvictorian style

احلى شي ان كثر ما مر عليها الوقت ما تجدم

ربي يعطيج العافيه…

حلويييين
تسلمييين الغاليه

تسلم ايدج حبيبتي عالصور انا اتخبل عالستايل الفكتوري ابا افصل فستان شراتهم عشان اطلع سندريلا فالعرس خخ

من وين اشتري VInTAGE bagsماركات طبعا

بنات بليز خبروني اللي يعرف لانه تاجرات يحطون اسعار خيالية ّ!!!!!!!!!! اشتري يديد احسن

ما عندي فكرة

للرفع

موووووفقة

Vintage Box Studio صور

مرحبا … لمحبي التصميم و التنسيق و الديكور … أقدم لكم صور غرفة التصميم الخاصة بي

تذكرون يوم تكلمت عن كيفية ترتيب هالغرفه في الموضوع بتلقونه في هالرابط

http://forum.uaewomen.net/showthread.php?t=304532

الغرفة شوي مب مرتبه و بعدها ما كملت …. بس حبيت اراويكم ياها … قولوا ما شاءلله

هنيه طاولة زجاج … فضلت الطاولة زجاج لانها سهلة في التنظيف اذا طاح عليها شمع من مسدس الشمع او اي شي … و في ارفف جانبية مخزنه فيها الاحجار و الكريستالات دخل علب بلاستيك

و هذا كرسي حبيته يوم شفته … و حطيته قريب الدريشه لاني احب نور الشمس …للاسترخاء

و هاي ارفف مخزنه فيهم الدانتيلات و الشرايط و بعض الكلف

و هنيه حاطة ورق لف الهدايا و اشياء للتغليفات و بوكسات فيها قطع و اشياء وايد

ها شرايكم …. و اللي اتحب التصميم و اتعرف بعض الاعمال اليدوية أنا ادعوها عندي … عشان اتعلم أشياء يديدة و نتسلى في نفس الوقت …. ترى الدعوة مفتوحه

ما شاء الله حلوووووة الغرفة، تتهنين فيها ان شاء الله وإلى الأمام

المشاركة الأصلية كتبت بواسطة AZYA
ما شاء الله حلوووووة الغرفة، تتهنين فيها ان شاء الله وإلى الأمام

تسلمين حبوبة ……

أنا أحب التصميم واااااااااااااااااااااايد بس ماعندي خبره أبدن أبدن >_<وكان حلمي ادرس تصميم في جامعه بس حرام شهاده الجامعه مب معترف فيها أنا أصلن كنت رسامه بس هديت الرسم من أربع سنوات ^_^ روووعه اللون وااايد حلو

المشاركة الأصلية كتبت بواسطة مريوم ش
أنا أحب التصميم واااااااااااااااااااااايد بس ماعندي خبره أبدن أبدن >_<وكان حلمي ادرس تصميم في جامعه بس حرام شهاده الجامعه مب معترف فيها أنا أصلن كنت رسامه بس هديت الرسم من أربع سنوات ^_^ روووعه اللون وااايد حلو

أي شهادة و من اي جامعه مب معترف فيها …. اذا عندج موهبة الرسم من قبل اكيد اذا حاولت و رديتي ترسمين شوي شوي اكيد بتبدعين …. و اذا حبيت اللون أفا عليج بس بالعافيه عليج تعالي و ارسمي فيها اذا حابة بعد

ماشاالله عليج دومج مبدعه

ماشا ء الله عليج حلووووووو التصميم

واحسها صدق تخلي اوواحد يصمم ويبدع فيها

تتهنين فيها يارب والله يوفقج

همسة : أنا ماعرف اصمم00 عادي ايي اتطالعج وانتي تبدعين؟ ^_^

فساتين vintage

اعرضلكم اليوم مجموعة من الفساتين القديمة و الفينتج .. هذا الكوليكشن ماينباع محطينة في معرض لانة كل قطعة لها تاريخها على قولتهم لووول.. و شي منهم فساتين قديمة من السبعينات و الخمسينات .. القصات وايد حلوة اتمنى تعيبكم الصور ^_^

انا مخزنة الصور في لابي من فترة و اليوم بنزلهم قبل ما فرمت لابي … حرام ينمسحون

هذا فضيييييييع

وهذا فكتوري

وهذا بعد جورجيان ستايل

وهذا بعد فكتوري اسود

وهذا نعووووووووم ولونة وايد عيبني

تابع

هذا شكلة وااااااااايد حلو ملكي.. احسبة فستان كوين فيكتوريا هههههه

وهذا كيووووووووووت يذكرني بفستان ريس ويذرسبون يوم كانت في الاوسكار و كان تصميم شانيل

هذا انعم عن اللي قبلة

وهذا شوي غير.. ماعيبني وايد احس الاخضر مخرب

هذا تخبلت علييييييييييية .. وايد ناعم وحركة الصدر حلوة تعيبني هاي القصة

هذا لونة حلو.. بس ماتخيل حد يلبسة لوول احس فستان يهال

وهذا راقي.. نفس قصة اللي قبلة

هذا شكلة انيق و اليجانت

وهذا القميص ستايل السبعينات

وهذا بعد حلو

وهذا يذكرني ب مارلين مونرو

تابع

وهذا وايد انيق

وهذا بعد حلو

وهذا عيبني بعد والوانة رهيبة

وهذا رقيق و الوانة هادية

و هذا عادي .. ماعيبني موول لوول

وهذا تخبلت علييييييييييييية وايد عيبني و الحزام يجنن.. اباة لووول

رووووووعة الغلاا ما قصرتي
و كل موديلات الستينات و السبعيناات رجعت مووضة الحين

حلوييييييييييييييييييييين ..

تسلمين الغلا

واااو مودي الحين جيه

^__* عندي وايد صور جان تبين تاخذين افكار

المشاركة الأصلية كتبت بواسطة المؤمنة دائما
رووووووعة الغلاا ما قصرتي
و كل موديلات الستينات و السبعيناات رجعت مووضة الحين

هيه واللة صدقج الموضة ترد..

تسلمين عل مرور الغالية : )

صور مشتريات Vintage Box من القرية العالمية

ما عرفت وين أحط الموضوع … المهم يا بنوتات يا حلوات يقولكم أمس رحت القرية و لفيتها لين ما أتكسرت ريولي …

و الجو كان حلو و مب برد وااايد عادي … و كانت زحمة لانه كانت نهاية الاسبوع.

و بما أنكم يا البنات أتحبون سوالف المشترى حبيت أراويكم شو أشتريت …

طبعاَ أنا كان هدفي أروح أشتري أحجار من القرية الإيرانية … و مشاءلله السنة منزلين ألوان أتجنن

فعجبني حجر يجنن أسمه (( جمشت )) ع قولة الإيرانيين … المهم كان عندهم منه علاقة …. فأنا خذت علاقتيين و خليته يسويهم شغابات … و من حسن حظي لقيت أساورة أتناسب الطقم … بس للأسف ما حصلت خاتم …. قولوا ما شاءلله

و بعدها رحت القرية الصينية و خذت من عندهم

كوشنات ستايل ريفي يجننوووون و السعر يبلااااش

و دلاغات حريرية من عند وحدة صينيية …حتى خفت منها يوم خذت من عندها كنت أجلب أبى أطالع الديزاينات .. جان أتقولي كله موجود فوق دونت تتش فخذت من عندها هالديزاينات بس …

و من عند القرية الفيتنامية خذت هالأكياس القطنية …. كنت أبى آخذ كمية بس ما لقيت الألوان اللي اتعيبني إلا حبة من كل لون …

و على فكرة عندهم أشياء عيبتني مثل سلال اتغطين فيهم الأكل مثلا فواكه او أي شي

ومن عند القرية الفلبينية خذت هالكليبات …

ومن عند القرية اليمنية خذت هالبيبي روز حق الشاي … كل سنه اروح و آخذ من عندهم …. لا أطوفووونه

و على آخر الوقت رحت القرية الإماراتية .. و خذت سجاد حرير إيراني .. قطعتين وحدة مستطيلة و الثانية أصغر و بيضاوية

ها شو رايكم ..

تسلمين فديت روحج

مشالله فيج هبة انا والله لو شو ما بحوط هالحواطة

الاغراظ وااايد حلوة خاصة الاحجار ..

تقبلي مروري ّّمــــــــــلاذّّ

يسلمو على هل موضوع الرائع

المشاركة الأصلية كتبت بواسطة ّمـــلاذّّ
تسلمين فديت روحج

مشالله فيج هبة انا والله لو شو ما بحوط هالحواطة

الاغراظ وااايد حلوة خاصة الاحجار ..

تقبلي مروري ّّمــــــــــلاذّّ

تسلميين الغالية …. و اسعدني مرورج

روعه ذوقج ماشاءالله

تتهنين فالاغراض خيتو ^^


.
.

مـــاشالله أغراضج حلــــوه ^.^

.
.

حبيت البيبي روز ^.^
باخذ منه وبجربه ان شالله . . .

.
.

تسلمييــــن عالتقرير الحلو
والتصــويــر الأحلــى


.
.

روووعه بصراااحه بس يالليت لو كتبتي اسعارهم ^_^