السـلام عليكم ورحمه الله وبركاته
اخباركم سيدات الإمارات ،،
رحت اليوم مشــرف مول ،،
وشفت محل فريدريكس اهنـاك ،
طبعا خلاص ،، مايحتــاي ،، تطلبون من امريكا ولا شي ،،
المحل يايكمـ لين الإمــارات ،،
اتمنى لكم shopping مميــز ،،
مشكورة الغالية على التبليغ …
قريت الخبر في الجريدة من فترة 
بس تبين الصدق !
يوم كنت في أمريكا سرت المحل …
لأنه مثل ما أنتم عارفين فريديريك كانت عارضة أزياء لفيكتوريا سيكرت
والظاهر عيبتها السالفة وانشقت عنهم 
(شو رايكم في انشقت ؟ عشان تمشي مع جو الثورات الحالي )
وفتحت لها محل سمته …
فريديريك أوف هوليوود !
واتوقعت بضاعتها تنافس فيكتوريا سيكرت من حيث النوعية ..
لكنني اتفاجأت برداءة الصنع والأقمشة المستخدمة !!!!!
وقلت : "لا بديل للطعم الأصيل" ورديت على فيكتوريا سيكرت
وعلى فكرة كانوا مسوين مقابلة ويا فريديريك هاذيج الأيام
وسئلوها : انتي تلبسين الأندروير مال محل فريديريك (يعني محلها)
شو تتوقعون الإجابة ؟!!!
مطت تيشيرتها ووايجت فيه وقالت :
NEVER ! IT’S ALWAYS VICTORIA SECRET’S !!!!
والله ؟!!!
عيل شحقه فاتحه محل ؟
أتمنى من البنات اللي ساروله يخبرونا : هل اتحسنت نوعية الملابس والا بعدها زي ما هيّه
مادري والله قبل كيف الماتيريال مالهم
بس حاليا مجربه اغراضهم
حلوه وناعمه وتحسين عندهم ديزاينات مب متواجده عند اغلب المحلات اللي عندنا
شغلهم ارقى وتحسينه انثوي اكثر ،،،
وترا كله اخر شي made in china هههههه
كننا نتعنى قبل يوم نطلب من عندهم وخاصه انهم مايوصلون دايركت للإمارات
ندفع شحن امريكا وشحن ارامكس
واحين خلاص وصل لين عندنا ،
مشكوره غناتي على مرورج ،،
وتسلمين ,,
المشاركة الأصلية كتبت بواسطة شوق الظبي 
بس حاليا مجربه اغراضهم
حلوه وناعمه وتحسين عندهم ديزاينات مب متواجده عند اغلب المحلات اللي عندنا
شغلهم ارقى وتحسينه انثوي اكثر ،،،
وترا كله اخر شي made in china هههههه
كننا نتعنى قبل يوم نطلب من عندهم وخاصه انهم مايوصلون دايركت للإمارات
ندفع شحن امريكا وشحن ارامكس
واحين خلاص وصل لين عندنا ،
مشكوره غناتي على مرورج ،،
وتسلمين ,,
.gif "12 (80)")
اتحسنت النوعية ؟
عيل هجوووووووووووم عليه عشان أشوف بنفسي
لكن شوق الظبي وينج !
اذا طلع مقلب انتي اللي بتدفعين الفاتورة
(وفوقهم بيجامتين )
(بس بالسوسته بعد تلات ايام )
ههههههههههههههههههه
لا والله
ثيابهم ماتخترب مجربتنها صدق
حتى مرات اختج تتعايز تغسلهن بايدها ،، اغسلها بالغساله وحياتج ،،
بتلاقينه تحت ماكس ،في المول ،
المشاركة الأصلية كتبت بواسطة شوق الظبي لا والله
ثيابهم ماتخترب مجربتنها صدق
حتى مرات اختج تتعايز تغسلهن بايدها ،، اغسلها بالغساله وحياتج ،،
بتلاقينه تحت ماكس ،في المول ،
عيل بأغيّر ..
عقابج بدفع الفاتورة
الى
مكافأتج بـ برتقال "أبو صـُـرّه"
وأخليكي "تعصري" مخك وتقولي :
"دوّخيني يا لمونه"
اووه اشوووف الكل يمدحه جان ما ادخل على موقعهم واذا يوصلوون الإمارات الحينه
لانه ما سمعت فتحوه في دبي الا اذا هم فاتحينه وانا اصلا ما كنت اعرفه