الوسم: الويكند

بنات بوظبي اللي راحت المول في الويكند تدخل .

السلام عليكم ورحمه الله وبركاته

خواتي بما اني حامل وعيزانه ادور في المولات قلت اسالكم…..

ابا اخذ درسات ( فساتين ناعمه) تنفع للحوامل.

فاللي شافت شي وهي في المول تخبرني. ثوين واي محل؟

للرفـــــــــ،ـ،ـ،ـ،ـــــــــع

مذركير عندهم

مامز اند بابز

للرفع

مشكورات خواتي…

للرفع

محل يديد فاتح في بوظبي مول .. عنده درساااااات رووووعه ..

مشكوره ام سيافي بس وين مكانه اي طابق؟

مشكلة ربيعتي إستوت تكره طلعة الويكند ويا ريلها بسبة الملل

مشكلة ربيعتي قالتلي إياها بس للأسف ماعندي حل لاني مب معرسة ولا إنحطيت في هالموقف..هم معرسين من فتره بسيطة وزواج تقليدي ..وقمت أشوف وايد نماذج مثلهم في المولات والكافيهات..تقوللي إنها إستوت ما تحب الطلعة ويا ريلها وكأنها تأدية واجب تقول أطلع لاني مابا أقوله لا عشان ما يحس بشي بس تقول وايد أمل مافي شي لدرجة هم لو سارو كافيه أو قهوة مثل ويلسوا فالويكند يكون ريلها يقرا الجريدة أو يرمس فالموبايل..تقول مالومه مافي شي أحصله أتكلم فيه. وكله نيلس ساكتين كأننا طالعين بدون هدف حتى هي تقول ماداني أسير مطاعم أو جي عشان لو سرت بيلس ساكته…هي ما تشتغل وتقول ما عندي مواضيع تقول شو أقول له وفي شو نتكلم لو ظهرنا…ياريت تعطونها نصايح

لي عوده انشالله ..

انا اول ماعرست كنت جذه .. مب لاني ماعندي سوالف لأني كنت استحي من ريلي وما اعرف ف شو اسولف

كنت وايد اقعد ساكته بس لااااازم اطلع اي سالفه واقولها حتى لو جديمة حتى لو مالها معنى .. بس المهم اتكلم

وبالتدريج سالفه مني وسالفه منه … وتعودنا عاااادي

بس خلها اتغير الاماكن اللي يسيرونها يعني هب دوم كافيه او مطعم لااااا .. يسيرون يتعشون ع البحر

او يتمشون ف مكان … او حتى بالسيارة وتسولف فأي شي ….

بس لااااا ثم لاااا انها تتحسس ريلها بالملل

ولا تحسسه بانها ممله ونكدية واليلسه معاها مب حلوة عشان مايطلع وايد ويدورله حد يسولف وياه >> مب شرط بنات اقصد ربعه الشباب

لآنه اذا تعود على هالوضع مابيقعد عندها بعد فتره … والله يهنيهم

اختي خلها ادور مواضيع

يعني ترمس عن مواقف صارت لها او اي شي

خليها تتكلم في اي شئ حتى الازياء!

و كله بشكل تساؤلي

يعني فلان شو رايك او انا اشوف ذوقك حلو و من هالقبيل

و ان ما فاد

خلها تشل كتاب وياها

و هو يقراء جريدة هي تقراء الكتاب هههههههههههههه

وحدة بوحدة خخخخخخخخ

انا ماشتغل ولا ادرس يالسه ع جبده

واذا ظهرنا ولا يلسنا فالبيت مازخ عمري وايد اهذرب وياه هههه

حتى احيانا سكتني

ولو سكت اشوي يقولي بليز سولفي لا تسكتين

اغلب يلساتي وياه وطلعاتي وياه يعني ماعندي شي يديد بس اظهر سوالف من تحت الارض ^^

مع اني ويا الناس كلامي قليل جدا

بس وياه هو غير ^^

قوليلها ماعندها عذر خ تشد حيلها تقرا اخبار واتشوف واتخبره واتسولفله

الحرمه مافي شي صعب عليها

^_^

خلها تتكلم عن فترة الملجه او عن الاكلات الي اتحبها او مواقفها وهيه صغيره او في المدرسه

وماشاءالله علينه نحن الحريم انطلع السالفه من تحت الارض

^^

وين بترووحوون في الويكند

هلا حبيبااتي

ادري انه الموووضووع متكرر الف مرة وين بنرووح في الوكند او الايام الاجاازه


بس انا في موضووع اهني ابا منكم تكتبوون الاماكن الحلوه في البلاد من موولات اليديده والقديمه اماكن السيااحه اماكن الترفيه
حتى الكل يستفييد ويخطط وينانرووح في الويكند
وحتى لا يتكرر الموضووع الف مره في المنتدى يعني الهدف الكل يحضر في موضوع وااحد

نبدا في المووضووع …….

وين اسير في الويكند هااي الاسبوع ؟؟؟؟؟؟
خلاص قرب الحر واكيد الكل بسر الامااكن الحلوه في البلاد ؟؟؟؟؟؟؟؟؟؟

وين بترووحون في الويكند

يالله نبا همتكم

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله هالايام أنا احب اروح كورنيش بوظبي
وعندج الممشى دبي ( ذا ووك )
ومسرح الدلافين في دبي روعه

المشاركة الأصلية كتبت بواسطة الناعمة_999
والله هالايام أنا احب اروح كورنيش بوظبي
وعندج الممشى دبي ( ذا ووك )
ومسرح الدلافين في دبي روعه

هلا حيااتووو
مشكوورة ع الرد
بس بسالج وين موقع

مسرح الدلافين في دبي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا احب اسير صوب البحر في كورنيش بوظبي او بحر البطين اليديد
او المولات في البراد..
بس نبي نعرف عن المولات اليديدة والحلوة؟؟؟

موفقه

سبحان الله وبحمده سبحان الله العظيم

بليز مساعدة وين اسير هالويكند

مرحبا الغاليات

بغيت منكم خدمة طول الله في اعماركم ويخليكم حق غاليينكم يارب

ابا اسير شهاليه خاص بالعايلة يكون في دبي او ابوظبي او عجمان او الشارقة
ويكون خاص يعني مب مختلط لان تعرفون الريايل مايرضون حد يشوف حريمهم

وجزاكم الله كل خير حبيباتي

بالتوفيق الغاليه .. اختج @مبدعه@

للرفع

احجزي في شاليهات المبزرة فالعين

موفقه

اللهّم اغننا بحلالك عن حرامك ،
وبطاعتك عن معصيتك ، وبفضلك عمن سواك ،
اللهّم لا تكلنا إلى أنفسنا طرفة عين ،
اللهّـــم آميـــن .

بالتوفيق

جدولك كيف؟اذا ريلج ينزل الويكند

مرحبا يا حلوات يا مدامات اليوم حالة اناقشكم ف موضوع جدول الويكند ف حالة انه ريلج اتشوفينه بس الويكند كيف اتفسمينه بين الزوج وزيارة اهلك التجمع ف بيت العائلة والطبعات هل أتكون كل اسبوع والا هل تمشون علي جدول معين والا كيف أنا بصراحة حالة آراب وقتي مب عارفة كيف متي اروح عند أهلي متي اطلع ويا ريلي يعني الإجازة بس يومين شو كيف تتصرفون؟

الصراحه انا ملقوفه هع بس عادي ف الويكند ظهري ويا ريلج ويوم يكون محد خلصي شغلج ف البيت عقب روحي عند هلج < وجهه نظري

الصراااحه انا اخلي تجمع الاهل يكون في غير الويكند

الويكند يكون حقي وحق عيالي وحق اهله

انا يوم لي ويوم حق ريلي وحق بيت اهل زوجي كل اسبوع مره يعني اسبوع اي واسبوع لا

للرفع

والله يسعدكم

مثلا الخميس ارتاحي في البيت

اليمعه تزورون هلكم

السبت تطلعين ^_^

للرفع

كيف تقظي الزوجة الويكند مع زوجها اذا كان ينزل ف بس ويكاند

من العنوان

تقدرون اتعرفون الموظوع

حبيت كل وحده اتخبرنا كيف تقظون اوقات الوكيند لما ينزل زوجج من الدوام ف الويكاند
؟؟؟

انا ريلي ينزل في الويكند وهاي اكبر معاناتي يوم يكون طووووووووووول الاسبوع في بوظبي . طبعا دوامه يخلص الساعه 2 يوم الخميس , يطلع من بوظبي لين البيت ساعتين , يعني يوصل الساعه 4 . يرقد لين المغرب يكون تعبان من الخط . ينش المغرب . ايلس معاه لين الساعه 9 . من 9 لين 12 يروووح عند الشباب يلعبون كوره . طااااااااف يوم الخميس ايرد تعبان من الكوره ينام على طول . الجمعه مرااااااات نطلع نروووووح دبي واكثر الاوقاااات طبعا فالبيت الان وااااايد زحمه فالويكند , واذا ما طلعنا نرووووح صوب اهلي اسلم عليهم >> وطاف الجمعه , ويوم السبت دواااام يرجع بوظبي مره ثانيه .

وهذه الويكند اللي اقضيه انا وريلي

يسلــــــــــــــــــــــــــــــمووووو الغلا عالموضوع ( يتي عالعوق )

وانا ثاي وحده ارد..

يوم الخميس ريلي يدخل البيت الساعه 4 يقعد ويانا ساعه وبعدين يرووح يلعب كوووره ويرجع المغرب ونطلع مع بعض الين بالليل وبعدين نرجع انام
ويوم الجمعه يرووح طبعا يصلي الجمعه وبعدين يرجع وخلاص هوامه وحواطه انا وياااه الين العصر بعد العصر يروح الكوره يرجع المغرب وبعد نطلع الين بالليل وخلاص اني انام
يوم السبت الصبح نفس الشي نطلع نشتري الاغراض اللي ناقصتنا انا وعياالي ونهوم الين قرب العصر ويروح يلعب كووره العصر وخلاص المغرب يروووح الدواام وبس

على حسب ظروف الاسبوع …
طبعا يوم الخميس يخطف ع الفاااضي
يوم الجمعه اذا عندي موعد في عياده للحمل .. ولا احيانا نطلع صوب شمال
السبت اشتري الاغراض الناقصه .. واسلم على اهلي …. ويروح عني فالليل …

…………..
الله يعين

أنا ماصارت عيشتي أرف الا من دوام بوظبي … الله يعيني ويصبر عيالي

الله يكون في عونكم

والله حاسه فيكم

قبل كنت شراتكم .. بس الواحد ما يقول غير الحمد الله

وين بتروحون في اجازة الاسراء و المعراج الي شبكوها ويا الويكند ؟؟؟

وين بتروحون في اجازة الاسراء و المعراج الي شبكوها ويا الويكند ؟؟؟

خبروني فديتكم ابا اخطط حق اجازتي

متى الاجازة بالضبط من اي يوم ختيه؟

آآآآآه محلاة الإجاااازه

عني انا يمكن أسير العمره ولا بحجز في فندق أستجم وأرتااااح

المشاركة الأصلية كتبت بواسطة Desire
متى الاجازة بالضبط من اي يوم ختيه؟

الاجازة بس الاحد

يعني تطلع عليج 3 ايام ويا الجمعة و السبت

حلويين

المشاركة الأصلية كتبت بواسطة مزوحية
آآآآآه محلاة الإجاااازه

عني انا يمكن أسير العمره ولا بحجز في فندق أستجم وأرتااااح

ماشاء الله و الله فكره اختي

الله يكتبلج

الأحد هذا ؟؟؟

و الا الاحد القادم

كم بيكون التاريخ؟؟؟

المشاركة الأصلية كتبت بواسطة أم دانووه
الأحد هذا ؟؟؟

و الا الاحد القادم

كم بيكون التاريخ؟؟؟

الاحد 19 الشهر

اللي ريلها ينزل من دوامه ف الويكند ،،تدخل

هلا خواتي
اشحالكم
بغيت اتساعدون اختي
متزوجة من سنتين
وعندها بنت
وساكنة مع اهل ريلها
مب عارفة كيف اترتب الويكند؟؟
أنتو شو اتسوون اذا رياييلكم ينزلون ف الويكند؟
اولا:
متي يوصل ؟
كيف تستقبلينه بما انج ساكنة ف بيت اهله؟
اول ما يوصل هل يرقد والا ؟وهل لازم اتكونين معاه والت اتخلينه يرقد بروحه
ثانيا:
متي اتزورين اهلج وكم تقعدين عندهم؟هل الجمعه كلها عندهم والا ؟
متي تطلعون هل بيطلعج فالجميس والا اتاجلونها الجمعه؟
شو ترتيبكم بالسبت؟

[IMG]http://www.*******.org/images/musfghp244ykgwblrc3r.gif[/IMG]

ربي يسخركم لبعض

للرفع

للرفع

مرحبا هموووومه… الغلا انا ريلي نفس الشئ ينزل من الدوام يوم الخميس يعني يوصل البيت تقريبا على الساعه 2 الظهر
طبعا انا هاليوم بالنسبه لي احلا يوم….. وعلى فكره انا بعد ساكنه ف بيت اهله
اقوم من الصبح ارتب كل شئ… الغرفه واهم شئ اغير الفراش.. وما بدش فالتفاصيل لان انا بصراحه وااايد اسوي حتي خواته كل يوم خميس يدشون حجرتي من الصبح عشان يشوفون التغيير ….. دعايه هههههههههههه

المهم بعدين اعطر الفراش والستاير واسوي بخور
وطبعا الغدا يكون جاهز واحيانا اسويه بروحي واغير مرات اتغدا انا وياه بروحنا فالحجره ومرات نروح نتغدا ويا اهله.. يعني عادي مره جي ومره جي

وطبعا لا تنسين الكشخه واهم شئ البساطه…. وتفنني بالمكياج والشعر واللبس وانتي تمام

الحين نوصل للاستقبال…. احم احم
طبعا انا ما استقبله ويا اهله… اييلس اترياه فالغرفه لان استقبالي حار شوي ههههههههه
اول ما يدش يفتح ايديه واطيح ف حضنه واعصره عصار هههههههههه…. صدق ترا ما امزح
وبعدين ………… كلمتين حلوات و______ ما بكمل.. استحي

المهم اييلس وياه شوي اسمع اخباره ويسمع اخباري
وبعدين يدش المسبح عشان يسبح.. وطبعا اكون مجهزه ثيابه ومدخنتنها ومعطرتنها..
والبانيو كله ماء دافي ورغوه…. وورد على الاخر وحركات منيه مناك

وطبعا لين ما يخلص من السبوح اكون مجهزه الاكل والعصير والسلطه والحلويات

والحمد لله يكون يومنا رايع وهو يموت من الوناسه…… واهم شئ احصل مكافاه من عنده… لا يروح فكركم بعيد … احم …. يحليله بس يطلعني المغرب ونروح نتمشا فارجاء دبي وما نرد الا بالليل…

وهذا موالي ف هذا اليوم….

للرفع

جامعة توفر ماستر بالويكند بس!!!

بناااااااااااااااااااااااااات دبي واللي عندهم خبرة بالموضوع..

ممكن اعرف شو الجامعات اللي توفر ماستر MBA في الويكند بس ( الجمعة والسبت).. بشرط تكون بدبي او الشارجة..

بوظبي مستحيل

ما اقدر ادرس بأيام ثانية..

ممكن تساعدوني

تمت المراجعه

امممممممممممممممم رفع


السلام عليكم ورحمة الله وبركاته

الجامعة الكندية في دبي عندهم نظام الدراسة في الويكند

جامعه العين للعلوم والتكولوجيا – العين

صح الجامعة الكندية عندهم .. و كلية التقنية ف دبي بعد عندهم

ربي يوفقج =)

اللي ما تشوف ريلها الا بس فالويكند تحدر

السلام عليكم ورحمه الله

شخباركن بنآت

اول شي كل بنت ريلها موجود معاها كل يووووم تقول

الحمد الله

الحمد الله

الحمد الله ..

غيرهآ تتمنى .. لكن قدر الله وما شاء فعل ..

والحمد الله على كل حآل ..

بناااااااااااااااااااااااااات احس بملل فضيع فضيع بحياتي ..

ما اشوف ريلي الا فالويكند .. يعني يوم ونص

وياريت هاليوم ونص كله حقي .. تدرون لازم نيلس مع اهله وجي .. وتدرون عاد يوم تجتمع العايله نطول فالقعده ..

اليوم ونص يمر شرااااااااااااات الصاااااروووخ ..>> ما مدانا نستانس الا نشوف اليل حل علينا ..

مضايجه ..

حياتي صايره ممله ..

احيانا احس اني مب مزوجه من كثر ما اشوف عمري قاعده بيت هلي ..

بتقولون يلسي بيت اهل ريلج ..>> ما اقدر .. لانه ريلي هب راضي .. كل اللي فالبيت رياييل والله يخليها عمتي ..

ابا احس اني حرمه خخخخخ >> لا يكون شاكه ..

ودي احس اني حرمه اقوم واسوي شغلي شرات الحريم .. اسوي ريوق لريلي .. ودي اسوي غدى حقه .. انتظره لين ما يرجع من الدوام .. اااااااااااااااه كله احلام ف احلام .. ودي .. وودي .. ودي >> والله بتتعبون لو كملت لانه الصفحه بتخلص وانا بعدي اكتب

لا بس صج البنات اللي ما يشوفون رياييلهم غير فالويكند كيف يقضون الاسبوع بكبره ..

كيف تقضون ع الملل في حياتكم ..

ابي احذف كلمه ملل من قاموسي ..

عندي ولد فديته .. بس بعدي احس بملل فضييييع خاصه وقت الليل

يالسه بيت اهلي واهلي كله يرقدون من وقت .. >> محد متفيج يجابلني فاليل خخخخ

شو تنصحوني ..

عطوني من خبراتكم .. دخيييل والديكم لاني طفرت طفرت طفرت من هالوضع ..

الحمدالله الحمدالله الحمدالله الحمدالله

افااااااااااااااااااا

وانا شاده الظهر فيكم

تحطيييييييييييييييييييييييييييم

بليز لا تهملون موضوعي

واللي ريلها موجود معاها تحمد الله وترفع موضوعي خخخ

و انا

.

.

.

ودي وودي وودي

حاولي تسجلين في نادي ولا انج اتداومين عشان تستغلين وقت الفراغ عالاقل

واذا مب مكملة دراستج كمليها ..

سوي شي يسليج ويشغلج عشان ما تحسين بالملل

انا حاسة فيج والله ..

تخيلي ريلي الحين مسافر وبيرجع نص شهر 3
بيتم 3 اسابيع وبيرد يسافر لين شهر 6 =(

يكمل دراسته فبريطانيا

وعقب ما يرجع ما بيمديه يريح شوي .. الا ويعقونه فالدورة العسكرية وبينحجز 45 يوم لا شوفة ولا بسمع صوته

انا الحين اكمل دراستي بس عشان مااحس بالوحده والملل

الله يعينج والله

ريلج وين يداوم ؟

وليش ما تسيرين وياه وتاخذون لكم شقة ولا بيت جريب مكان شغله عشان ما تحسين انج بروحج
احس حتى علاقتج وياه بتتأثر والله

الله يخليلج ولدج يالغاليه ويعينج ويصبرج فديتج

المشاركة الأصلية كتبت بواسطة unreachabl
الحمدالله الحمدالله الحمدالله الحمدالله

شكرا عالمرور وربي يخليكم لبعض

المشاركة الأصلية كتبت بواسطة غــلاوي
و انا

.

.

.

ودي وودي وودي

الله يكون في عونآ