السلام عليكم
الله يجزاها الخير اللي بتساعدني وتعطيني تليفونات مدرسين أو مدرسات يدرسون أبنائي….
أبنائي في مدرسة الإمارات الوطنية وأريد مدرس أو مدرسة تدرس عيالي دروس خصوصية لمادة الإنجليزي و الرياضيات.
عندي الكبير في صف رابع والثاني في صف أول.
منهج المدرسة أمريكي ومنهج الرياضيات سنغافوري والرياضيات بالإنجليزي…
أرجوكم ساعدوني……
انشاء الله تحصلين مدرسين
بس اختي عيالج صغار وممكن يتابعون ويا المدرسه ويستدون عن المدرسين
غناتي ليش المدرسين اذا هم اصلا بمدرسه خاصه ليش تعودينهم على هالشي
نحن حاطين عيالنا بمدارس خاصه عشان ندفع لمدرسين خصوصيين عيل ماسويتي
شي من البدايه.. الغاليه نصيحه اتسيرين المدرسه وتنقلين عيالج اذا حاسه انهم
هب مستفيدين.. الصراحه استغرب منكن كيف ساكتات على هالشي.. ربي يوفقج
ويحفظهم
خواتي الغاليات
المشكلة إني ما أقدر أتابع دراستهم وتعرفون اليهال إذا الواحد ما قعد فوق راسهم ما راح ينتجون شيء
أنا مشكلتي إني أشتغل وأدرس في نفس الوقت وما أرد البيت إلا الساعه 10 ليلا
فالرجاء تساعدوني
أول شي الله يعطيج العافية وأنا فاهمة قصدج لأن عيالي في نفس المدرسة والمشكلة إن واجباتهم وااايدة وماتخلص والسنة إلي طافت حطيت مدرس بس كان يتريا أول الشهر ولا حسيت أي تقدم في الموضوع نفس الدرجات والمستوى وقررت السنة إني أمسكهم أنا بروحي وناوية من قبل ما تبدى الدراسة مراجعه على الحروف والكلمات وحاولي حد من خواتج او خوات ريلج يمسكهم وحددي وقت حق كل واحد وموفقهههههه
ربي يوفقج ويوفقهم.
لا أريد إنجليزي ورياضيات
