الوسم: المكس

انا الصراحه اموت عالباستا

ابا طريقه عمل« باستا بيضا» و« المكس صوص»

وبعد طريقة شوربة الذره

ياريت تفيدوني حبوبات ابا الطريقه واضحه ويالمقادير. بالضبط

1- تحطين زيت شوي و تحمسين بصلتين كبار مقطعات جوانج لين يحمر البصل

2- تضيفين عليه الدجاج ( الني ) مقطع شرايح صغيرة ،،
و تخلينه ليييييين ينشف ماي الدياي
و كل شوي تحركين عشان يستوي الدياي

3- تضيفين المشروم بحجم كوب الشاي
نص + ملعقة صغيرة فلفل اسود + و ملعقة صغيرة ملح + و مكعب ماجي
و تحركينهم ع نار هادية

4- تضيفين الفلفل البارد ( اخضر احمر اصفر )

5- ضيفي المكرونة اللي طبختيها قبل في ماي وشوي زيت و ملح

و حركي جميع المقادير بهدووووووء

6- الكريمة : حطي كريمة الخفق من المراعي ( نص علبة الكريمة ) في وعاء و ضيفي عليها ملعقتين كبار جبن كريم ( المراعي او كرافت ،، المتوفر عندكم
و صبيها على كل المقادير السابقة

7 – الصوص : قشري ثلاث طماطات متوسطات
و اخليطهن في الخلاطً و طبخيهم ع النار لين يصير الصوص ثقيييييل
و صبيه على كل المقادير السابقة
و اخيرا عصير ليمون حسب الرغبة

و حركي الجميع بهدووووووء
و اطعمي اذا محتاج ملح او فلفل او ليمون او كريمه زيادة

و بالعااااافية

اهم شئ قبل ماتبدين الطبخة
اسلقي المكرونة
و جهزي الصوص و الكريمة