الوسم: المرضعة

مشكلة ولدى والمرضعة,,,,,,,,,,,ابى لها حل

السلام عليكم خواتي

عندي مشكلة مع ولدي وبالنسبة لي كبيرة وايد وما اعرف كيف احلها

ياريت تساعدوني

ولدي فديته ما طاع يرضع من المرضعة ابدا كل ما اعطيه المرضعه يتم يصارخ وهو الحين عمرة 3شهور ونص

والاسبوع الياي بداوم *_*

فابى خبرتكم خواتي كيف علمتوا عيالكم على المرضعة وشو الحليب اللي تستخدموه لعيالكم

لاني استخمت سيميلاك ونوفيلاك واس 26 جولد واعتقد ان طعمه ما عيب ولدي وحاولت اشقط له حليب بس حليبي قليل؟؟؟؟؟؟؟؟
افيدوني

والله مشكلة

حاولي تعطينه رضاعة يرتاح عليها، اتعرفين فيه انواع وايده وعلى حسب حلمة الرضاعة

الحليب اللي ذكرتيه زين بس انا ااكد لج يمكن من الرضاعة

والله مشكلة اللي يشتغلون ويعانون من الرضاعة

الله يعينج حبيبتي

المشاركة الأصلية كتبت بواسطة Me&U
والله مشكلة

حاولي تعطينه رضاعة يرتاح عليها، اتعرفين فيه انواع وايده وعلى حسب حلمة الرضاعة

الحليب اللي ذكرتيه زين بس انا ااكد لج يمكن من الرضاعة

والله مشكلة اللي يشتغلون ويعانون من الرضاعة

الله يعينج حبيبتي

مشكورة الغالية ما قصرتي جربت نوعين منهن بس بغير الحليب لميلوميل ان شاء الله وبضيف سكر جلكوز عليه وان شاء الله خير

واللي تعرف اسم حليب طعمه حلو ياريت لا تبخل علي

دايما اعطي عيالي بسكوت فارليز مع ماي دافي وسويه سائل خفيف شوي وحطه في الرضاعه لكن بعد ما يكملون شهرين
جربت اس 26 ولدي رجعه
ومن اليوع بيستسلم الياهل وبيرضع بس يبالهم صبر

ماعليه هوه يعرف انج امه وبترضعينه
جربي خليه عند امج ومن اليوع بيمسكها
انا بني تمييت احاول
والحين عمرها سنه واربع شهور وترضع مني
اخرت الجامعه والسبه الرضاعه الي مامسكتها
بس الحين كبرت وتاكل يعني عادي اداوم عنها

الغاليه انا عانييييت والله مثل خالتج مع بنتي فديتها … وصارت عندي صيدليه كامله فيا لبيت من كثر المراضيييع اللي شريتها بس نصيحتي

خذسلها مراضييييع الللي الحلمه مالتها تكووون بنيه لانها تكون سهله يمصها البيبي … يعني خذي مثلا رضاعه البيجون وبتحصلين الحلمات البنيه في الصيدليه بيجون خذي سمول اذا بنتج 3 شهووور … والحليب اللي ذكرتيه زين انا بعد عناء كويل مسكت النوفولاك navolac بس تاكدي انه العادي مب it لانه مال الامسااك … وطعمه حلوو بالنسبه للعياااال …
ولاتعطينها انتي المرضاعه خلي الخدامه تعطيها او امج او عمتج ..
والله ييسر عليج امووورج ..

اختي اول تأكدي ان راس المرضاعه سمول مب ميديم او لارج اكبر عن فمه
ثاني شي لا تعطينه المرضاعه الا في الشديد القوي على قوله الصعايده يعني يوعان يوعان بياكلج
ثالث شي اصبري و اصبري و اصبري .. ما في ياهل يمسك المرضاعه بسرعه الا اللي امها راضيه عنها هههه ولدها مطيع ما يبا يعذب امه
و اذا شرب شوي هذا انجاز لا تقولين ابد ما مسكها لا مسك اليوم شوي شوي عن شوي بيصير يمسكها بنفسه .. كل يوم خلي الموضوع مثل التدريب .. اسبوع كفايه صدقيني

المرضعة العجيبة

السلام عليكم

خواتي بليز منو تعرف أي عضوة توفر المرضعة العجيبة وكم سعرها؟

بليز خبروني بأسرع وقت ^-^

هلا وغلا

التاجره ميره الأموره
سعرها الوحده ب 90درهم ..

وهذا الرابط

http://forum.uaewomen.net/showthread…E3%D1%D6%DA%E5

أنا خذت هنتين واستخدمت وحده بس ومايطيع ولدي يرضع منها

فبقت وحده إذا بغيتيها بعطيج اياها 70درهم انا ماخذتنها الوحدة ب80درهم

موفقه

مي تو عندي وحدة ومااعيييييييييييييييييييييييييييييييييييييييييييبت ولدي تبياها بطرشها لج ب 50

تسلمون خواتي ^-^

فديتكم أنا أبا مرضعه يديده مب مستعمله
ثانكس ع المرور

شو الحل مع ولدي والمرضعة

مرحبا بنات انا ولدي صارله فترة مايبا المرضعة مولية مع ان قبل عادي يرضع حتى اعطيه عصير مايبغي المشكلة يوم بطلع مكان واخليه نسيت اقولكم عمره خمس شهور

شو السبب يمكن تغير طعم الحلمة او الحليب او العصير دوري بتحصلين سبب "او يمكن اترضعينه من صدرج فترة طويله"

غريبه يمكن بلاعيمه ملتهبه او عنده احتقان والم في الحلق
او يمكن عنده مشاكل في الانف ما يقدر يتنفس عدل
او يمكن غيرتي فجاه من الرضاعه الطبيعيه للصناعيه ما متقبل او غيرتي نوع حلمه المرضعه
اذا كل هذا لا اقري عليه المعوذات وحصنيه احيانا اتكون عين

ولدي و المرضعة

السلام عليكم خواااتي…

انا اليوم طالبتنكم بمعلومات تفيدني..و بليز لا تبخلون علي..

ولدي عمره 10 شهور..وهو يرضع طبيعي و الحمد لله ..مشكلتي اني ابى اعوده على المرضعه…(بس طبعا بتم ارضعه من صدري)

حاولت اني اعطيه اياها بس للاسف ماقبلها و بدا يعضها باسنانه..عيزت وياه…و للعلم هو مودر المرضعه من عمره 3 شهور تقريبا..

ابى اي طريقه تخليه يقبلها ..لو بالتدريج..المهم يقبلها ..لان صراحه وايد احراج لي اني ارضعه يوم ازور الناس او اكون في السوق ..وايد اتلعوز وياه
و ياليت لو تفيدوني …

و لكم مني جزيل الشكر ..

اختكم:
ام حموود

السلام عليكم..
الله يخليه لج ويبارك فيه وفي أخوانه..
أنا عانيت مع ولدي سيف نفس المشكله لأني كنت بداوم عنه تميت شهر أحاول وياه لين ما انهرت!
آخر شي وحده يزاها الله خير قالت خليه يوعان ويصيح من اليوع وعقب بيشربها غصبن عنه!
وصدقها الحرمه صار اللي توقعته وخاصه من نطلع ما يلقى جدامه مجال غير هالمرضعه ومن اليوع يشربها فديته..

صدقت ام سيف جربي تجوعينه مرة وغصبا عنه بياخذها وان شاء الله يتعود عليها بس اذا قدرتي ان فترة غيابج ياخذها ومن تكونين معاه تعوضينه بحليب صدرج

مرحبا ام حمودي

الله يعينج انا عانيت مع عيالي الاربعة نفس الشي بس حاولي تختارين لة حليب يكون طعمة حلو ولة ريحة مثل بروجرس و حاولي ماترضعينة يعني جوعية وبيمسكها لانة بيكون يوعان وشوي شوي بيتعود عليها خصوصا اذا انت محد وحاولي تعطينة فيها عصاير فرش احسن.
:22 (22):

شكرا حبيباتي على النصايح..وانشالله بجرب الطريقه هاي..و عساها تنفع وياه..دعواتكن

ولدي والمرضعة

السلام عليكم خواتي

بصراحة أعاني من ولدي ما يمص المرضعة والحين بيكمل شهرين

وانا ببدا دوام فما اعرف شو أسوي وياه

في البداية كان عادي كنت اعطيه في اليوم مرة وحدة ويمصها بس الحين بالمرة

حتى لو يوعان يمصص ايده وما يرضى ياخذ المرضعة

شاعدوني بليز محتارة

عطيه اللهااايه ويوم بيووع عدل راح يشرب من المرضعه

والسموووحه

جربي غيري نوع الحليب… يمكن ما بيحب نوع الحليب إللي بتعطيه إياه.

انا مريت مثلج

فخبرتني عمتي الله يحفظها

انه يوم ينام ولدج حطي المرضعه في حلجه وبيتم يمص بالتدريج

اهم شيء انج تصبري عليه شوي

يعني كل مره يوم يرقد سوي جيه لين يتعود عليها

وانشاء الله بالتدريج بيمصها

المرضعة العجيبة

مرحبا خواتي

منو تعرف الاخت التاجرة الي تبيع المرضعة العجيبة ==

pinky شي جي ع ما أعتقد

ميره الاموره اتبيعهااا

انا ابا المرضعه العجيبة بلييييييييييييييز

ميره الاموره اتبيعهااا

شو تسوي هالمرضعه ؟

شو سالفت المرضعه

تعوبد الطفل عل المرضعة

كيف تعودون عيالكم عل المرضعة خصوصا الي اعمارهم اقل من 4 شهور
لان تعبت مو راضي يمسكهاوجربت كل انواع المصاص

انا ولدي لما دش الخامس ودرها المرضعه والحين مب راضي
ياخذها,,,,الله يعينا والله

مراحب

اانا أعاني نفسكم

ولدي ألحين عمره أربع شهور وما يرضى يمسك الرضاعه

بس اليوم اشتريت له مرضعه اسمها nuk وشوي بدا يشرب منها احسن عن القبليات

نصيحه مني حاولي ويااااه عسب ما تتلعوزين بعدين انا بنتي كملت السنه ولين الحين مب طايعه تاخذها وانا لين الحين احاول وياها ماشي فايده لاني احاول شوي واتعب واقول خلاص وارد

للرفع

حاولي اتخللينه اييوع زياده وبعدها خللي حد ثاني يعطيه المرظعه وان ش اء الله يمسكها

هلا حبيبتي انا بديت وي بنتي من الشهر الثاني ..
احسن من وقت
بس ماعليه .. اهم شي ان يوم بترضعينها المرضعه مب انت اللي تعطينها الحليب
خلي احد ثاني يرضعها .. خاصه اول الايام الين ما تتعود ..
لان يوم انت اترضعينها اتشم ريحت حليبج وبهاي الطريقه تتلخبط … وعقب بتقوم ما تتقبل حليبج بعد انا قريب هاي الطريقه بموقع بيبي سنتر babacenter ,,, وطلعت صح 100%

بالتوفيق

شنو علامات حمل المرضعة ؟

السلام عليكم
أخواتني العزيزات ,,

الي حملت وهي ترضع شنو العلاامات الي تحس فيها المرضعة أنهي حامل !! بغض النظر عن أنقطاع الدورة ؟؟
ردوووو علي ضروري خايفة أحمل ولدي صغير ..
بس كنت أحس بآلام مثل آلام الدورة قبل اسبوعين من موعدها والحين أختفت والمفروض تنزل علي بكرة بس مالاحظ شيء ولاأي من العوارض ,,
شنو تلاحظون وتعرفون بالحمل قبل موعده .
دعواتكم ماطلع حامل الله يرزق الي ماعنده بس مو مستعدة للحمال ابددددد .
أتحرى ردووووووودكم .
وجزاكم الله خير .

أختكم ,,

وانا بعد ودي اعرف ياليت لو حد يعرف يخبرنا

مممممممم الغاليه ماعرف شو بالظبط ..
بس خالتي ترضع وهالاسبوع حست تحت صوب المبايض شوي يعورها شرات النغزات وبس ماحست بأي لوعه او آلام بس تأخرت عنها الدوره وانا كنت اقولها اكيد حامل شوفي وجربي التست ويوم حللت طلعت حامل .. بس لين احينه ماتحس بشي ..
وهي توها شكلها من شهر ..

هلا اختي

انا جربت الحمل مع الرضاعه
كان عمر ولدي سنه و3 اشهر

بس ما كانت فيه اعراض ابدا

وعرفت لانه دورتي منتظمه جدا ومن تاخرت يومين على طول حللت
بس ما كان فيه اي اثر او الم

يعني تختلف من شخص الى شخص

وان شاء الله ما تطلعين حامل بس لو الله كتب بيكون رزق لج

والله يخلي لج النونو

انا بعد ابغي اعرف .. لانه من 4 شهور مايتني الدورة .. وحللت قبل شهر وماطلعت حامل .. بس والله اخاف احمل وانا مب ماخذة احتياطاتي .. خبرونا الله يخليكم

للرفع

مشكورين خواتيا على الحضور ,

أنتظر ردودكم ,,,,,,,,,,,,

ريجيم الام المرضعة

ريجيم لمدة شهر لفتره الرضاعه
عند الاستيقاظ : كوب حلبة باللبن منزوع الدسم.

الإفطار : بيضة مسلوقة جيداً أو قطعة جبن قريش أو 4 ملاعق فول ( مع ملعقة زيت زيتون) + ربع رغيف + فاكهة الموسم.

الضحا: كوب من شوربة العدس

الغداء: سلطة خضراء مكونة من ( جزر – خس – خيار – طماطم – كرفس) + 2 قطعة لحم مشوية أو 150غرام كبدة مشوية أو 2 سمكة مشوية أو ربع دجاجة مشوية + خضار سوتيه ( كوسة – بسله – سبانخ – باذنجان)

العصر:كوب من شاي النعناع

العشاء : كوب لبن منزوع الدسم أو اللبن الرائب أو بيضة مسلوقة جيداً + فاكهة الموسم

قبل النوم: كوب من مغلي الشمر

وهذا النظام يصلح للمرأة النفساء و المرضع وينزل الوزن دون أن يؤثر على حليب الأم بل انه يزيد من كمية الحليب للام المرضعة ويعمل على شد الجسم وشد الكرش.

وماذا عن الحزام الذي يربط حول البطن عقب الولادة .. هل يمنع حدوث الكرش؟؟؟

هذا الحزام لن يحمي السيدات من حدوث ترهل بعضلات البطن ولن يقلل السعرات الحرارية … بل على العكس من الممكن إن يزيد من ضعف عضلات البطن ولقد تناقلت عادة استخدام حزام البطن من جيل لآخر اعتقاداً انه يحمي من ظهور أو بروز البطن أو الكرش ولكنه قد يساعد على عودة الرحم لوضعه الطبيعي وليس له أي مفعول في منع حدوث الكرش.

****

(2)

هالريجيم:4 كيلو في 4 ايام

اليوم الاول

الغداء: 2 قطعة هامبورجر أو فيليه مشوي + سلطة (خس وطماطم) بدون زيت أو توابل + قطعة من الخبز حوالى 50 جراماً.

بعد الغداء ب 3 ساعات: حبة فاكهة متوسطة الحجم.

العشاء: بيضتان مسلوقتان جيدًا + القليل من الفاصوليا الخضراء المسلوقة حوالى 250 جراماً.

بعد العشاء ب 3 ساعات (قبل النوم): كوب من عصير الفاكهة الطازج.

اليوم الثاني

الغداء: قطعة من اللحم الضأن الأحمر حوالى 100 جرام (أنا بستخدم قطعتين برغر) + سلطة خضراء بدون زيت أو توابل + كوب من عصير الطماطم.

العشاء : خضراوات مسلوقة مكونة (كوسة وقرنبيط وفاصوليا خضراء).

بعد العشاء ب3 ساعات (قبل النوم): عصير تفاح بدون سكر.

اليوم الثالث

الغداء: قطعة دجاج منزوعة الجلد مسلوقة أو مشوية (حوالى 100 جرام) + سلطة خضراء بدون زيت أو توابل.

بعد الغداء ب3 ساعات: ثمرة تفاح أو برتقال.

العشاء: قطعة هامبورجر حوالى 100 جرام + طماطم مشوية.

بعد العشاء ب 3 ساعات (قبل النوم): كوب من عصير الخوخ.

اليوم الرابع

الغداء: بيضتان مسلوقتان جيدًا + 250 جرام فاصوليا مسلوقة + كوب عصير طماطم.

العشاء: قطعتين من الهامبورجر أو الفيليه المشوى حوالى 100 جرام + سلطة خس.

بعد العشاء ب 3 ساعات (قبل النوم): كوب عصير أناناس بدون تحلية.

وقد أظهرت هذه الطريقة نتائج باهرة ونقصاً ملحوظاً فى الوزن الزائد وخاصة عند مواكبة هذا النظام مع ممارسة رياضة خفيفة مناسبة تبدأ بالمشى ربع ساعة يوميًا.

مشكورة اختي .. بس بغيت أسأل هل الرجيم الثاني مناسب أيضا للمرضع ؟؟؟

الله يعطيج العافيه

ساعدوني بنتي عمرها 3شهور ومب طايعة تاخذ المرضعة عندكم حل ؟؟

خواتي ذوات الخبرة

ساعدوني تعبانة نفسيا بنتي خلصت 3 شهور وتوا داخله في الرابع

والحين ابا اعودها على المرضعة عشان بيدا دوامي

ومب طايعة تتقبلها حاولت معاها كله ادزها بلسانها ماتبا كل يوم اسوي الحليب واجبه على الفاضي

وجربت اعطيها وهي وهي يوعانة بعد ما خذتها

شو اسوي معاها عندكم حل عندكم طريقة ثانية

شو بسوي في فترة الدوام ؟؟؟في شي ثاني ممكن اعطيها اياه يعني قوم ميلوبا او اي شي ثاني

ادري بتقولون غلطتي المفروض اني اعودها من البداية بس شوو اسوي ما باليد حيلة ما اقدر ارد ازن ورا عشان اعطيها المرضعة

خلاص ليل ونهار انا افكر في هاي السالفة مب لاقية حل
اتريا ردودكم قوليلي باقي كم يوم وبداوم ……..

نفس حالتج تماما
بس انا مخلص الرابع من اسبوعين

نباااا حل

مشكله ترا الياهل اذا ما تعود من البدايه ما راح يمسك المرضعه
انتي غيري الحلمه اشتري مالت افينت من بيبي شوب احس حلمه هالمرضعه كبيرة تشابه حلمة الام
وان شا الله يا رب تيودها

انا مثل الحاله قمت اشفط من صدري واحط في المرضه مو طايع يشرب لين استسلمت لاني ماحب ولدي يصيح
ماقول الا الله يعينج

عااادي حاولي مره ثانيه تمي حاولي

هو لازم من البدايه تعودينها على المرضعه يعني في الاسبوع الاول عشان تتعود بسرعه وبعد اشتري لها مرضعه نفس حلمة الام في اشكال والوان في بيبي شوب وكل يوم حاولي لين تمسكها انا بنتي سوت لي نفس الحركه في المصاصه ما طاعت تمسكها وبعدين كل يوم احطها في حلجها حتى لو تصيح لين مسكتها وتعودت عليها

المشاركة الأصلية كتبت بواسطة نور ندى
هو لازم من البدايه تعودينها على المرضعه يعني في الاسبوع الاول عشان تتعود بسرعه وبعد اشتري لها مرضعه نفس حلمة الام في اشكال والوان في بيبي شوب وكل يوم حاولي لين تمسكها انا بنتي سوت لي نفس الحركه في المصاصه ما طاعت تمسكها وبعدين كل يوم احطها في حلجها حتى لو تصيح لين مسكتها وتعودت عليها

صح كلامها نووووور ..
حاولي مره وثنتين وثلاث وصدقيني بتقبلها غصب و يفضل تخلين حد ثاني يعطيها اياها يمكن منج انتي ما تتقبل لأنها تعرف انج بتستسلمين وبترضعينها لكن لو شافتج محد واللي يعطيها المرضعه حد ثاني وكانت فعلا يوووووووووعانه بتاخذها غصب صدقيني ..

بالعكس زين انج ما عطيتيها قبل عسب تقوى مناعتها و بعدين مب شرط تعطينها حليب في المرضعه حاولي بشي ثاني يمكن تتقبل لأنه في يهال ما يتقبلون طعم الحليب الصناعي سبحان الله ! سويلها ينسون أو نعناع أو بابونج أو عصير التمر أو عصاير فواكه طازجه أكيد بتحب شي منهم صدقيني و اذا تقبلت أي شي فيهم الحمدالله خليهم يعطونها بفتره دوامج من هالسوالف لين ترجعين ان شاء الله بترضعينها و بعدين بنتج احين تقدرين تبدين تأكلينها يعني لو مول ما تقبلت المرضعه بامكانهم يعوضون غيابج بالأكل يعني ابدي وياها أحين أكليها روب و مره عيش مهروس و مره بطاطا مهروسه و مره كوسا مهروسه و مره ابشريها تفاحه ومره ذوبيلها بسكويت فارليز بحليب و هكذا ..
و ممكن تاخذين لها معلبات الفواكه االجاهزه من هيرو لعمر 4 شهور .. وفي بعد سوالف رز و سيريلاك وهالشغلات في لعمر 4 شهور ..

و على فكره بامكانهم يعطونها الحليب بكوب .. في معلومه قريتها في كتاب علمي يقول انه الطفل يستطيع استخدام الكأس من أول يوم يولد فيه .. سبحان الله !! أنا بنتي مثلا ما تتقبل المصاصه وعمرها شهرين و كل يوم أحاول وياها ومرات تستسلم وتمصمصها اشوي وعقب تفرها .. بس بعدني مستمره بالمحاوله خخخ بس ما أفكر أعطيها المرضعه أحين موووووووول .. ان شاء الله عقب ببدا وياها بس للعصاير و الشاي … الحليب الصناعي أنا ما أحبذه أبداااااا بسبب البلاوي اللي نسمعها بسببه …! بس الحاجه فوق كل شي طبعا ..

و الله يسهل عليج أمورج يا رب ..