بسم الله الرحمن الرحيم
السلااااااااام عليكم ورحمة الله وبركاته
من زمااااااااااان خاطري انزل موضوع هني افضفض
من القهر خواتي خخخخخخخخخخ
ومرة وحدة لاني من زمان ما نزلت مواضيع
او صح خلوني اسلم
" فلانة وعلانة شحالكم " >> خواتي الجاسوسات عمواضيعي وردودي خخخخخخخخ
خلنا ندش فالموضوع
صالون مشهووووووووووووووووووووور فدبي
وانا والله لين الحين اي حد يسألني عن هالصالون اقولهم شغلهم توووووووووووووب
بس خلاص طفح الكيل
الموقف الاول
كنا حاجزين بفندق ل 6 اشخاص
واتفقنا مع الصالون الموقر عسعر معين
اتصلو فينا وقالو
ترا الميكب ما بيكون vip مادري سبشل نسيت
لو تبون لازم تزيدون السعر
" وبطريقتنا عرفنا ان في وحدة عرضت تدفع اكثر عشان يكنسلون حجزنا ويسيرولهم "
قلنالهم عادي نحن راضيين ويو عندنا هع
اسمعو الحين
مرة قلنالهم تعالولنا الفندق ( ميكب وشعر ) فدبي اي ثنك ولا عيمان " بس اغلب الظن دبي " وهم اصلا فجميرا
قالو على الوحدة 3000 وعفكرة نحن 6 بنات
شو بتحطين فويهي ذهب !!!
مادري طالبين ميكب عرايس ولا خطوبة
بل بل بل
المهم
نرجع لهالصالون
كنا حاجزين ليلة الجمعة للميكب
وليلة الخميس الي بعده للعرس
حاجزين للعرس الساعة 1
روز : على فكرة رندا وليال بدون يطلعو الساعة 2 بالخميس عندن عروس
تعالو عاد شوفوا ويهي انا وخواتي " يحمدون ربهم امي ماكانت معانا هع تزلزلهم المكان شوي خخخخ "
اختي : نعم نعم نعم .. نحن موعدنا الساعة 1 متى بيخلوصنا
روز تسوي حركة جنها تقول شو دخلني
اختي : منو حجز قبل
روز : انتو بس هي عروس مافييه ما اخد طلبها
اختي : ليكون تبين انييج 10 الصبح
روز : اي
اختي : لا بعد بنيج اليوم الي قبله عشان مرة وحدة نرقد وانش نروح العرس
روز : ليش لا >>>>> رفعتلي ظغطي
اختي مرة ثانية تسال نفس السؤال : منو حجز قبل
روز سبحان الله يتغير كلامها واتقول هي
بذمتكم مب خاطركم ……………
وحليلهم بنات في الصالون يطالعون مستغربات خخخخخخخخ
وانا اشوفهم اقولهم عادي عادي ههههههههههه
>> من صوب تتظارب ومن صوب تقردن لوووووووووول
المهم طلعنا ونحن راضين عالميكب والشعر وأرفانين من السلوك والتعامل
ميكب روووووووعة وشعرهم بعد خبال بس ليش جي هالتعامل !!!!!
المهم
حرقوا اعصابنا
وعفناهم للعرس
وتمينا ندور وندور وندور
" ندى فول "
وهي البديل لان نفس الستايل
المهم ردينا ندور
حصلنا ليال
ليال كتعامل رووووووووعة
حطتلهم ميكب كلهم حلو
ويا دوري
وااااااااااااه
تخيلو احلى وحدة كنت فليلة الحنا
وفستاني كحلي
وعيوني صغار
حطتلي ميكب مووووووووووووووووول ماركب عويهي
وانا في الصالون بغيت اصيح بس سكت
لانها كانت بتطلع
وانا موووووووول ما عيبني
وليال اقل اقل اقل سعر عشان تسويلج " 800 درهم "
هذا وانا اروحلها الصالون
خلصنا
انيي للشعر
500 درهم لكل وحدة
شووووو اقولكم
مافيه شي
جد جد مووووووول مافيه شي
انا مثلا
رفعت شعري تعرفون هالرفعة من ورا الكلاسك
بسسسسسسسس ويمكن حركة طشونة
بسسسسسسسسسسسس
وصلت القاعة شعري مخترب
1200 درهم ومستوى الرضى عندي صفرررررررررررر
اخر مرة عرس حد من اهلنا
وندور عند منو عند منو
سرنا عند خلود التميمي
شو اقول هالانسانة رووووووووووووعة
نفس الفستان الكحلي كنت لابستنه
كان طااااااالع من خاطري مع انه فخخخخخخخخخخخخخخخم
وقلتلها اني عايفتنه من اخر مرة
وفهمتها انا كيف احب
والحمدلله طلعت وانا راااااضية
الميكب والشعر راضية 100% ودفعت 550 " بس انا رحتلها "
وسعرها بالنسبة للباقي اوكي
انا ابي افهم شي
بس فهموني
هم شو يحطون في الويه
الماس !!
ولا ذهب !!
ولا يرشون عويهنا قلتر معادن ثمينة خخخخ
جد ابي اعرف ليش هالاسعار المباااااااااااااااااالغة فيها
والعرايس ليش بالالاف
على كمن كريم
بتقولون غالي وبتجابل ومادري شو
معقولة هالكريمات تكلفكم كل ها
وغير الكريمات
شو الفرق بين ميكب الخلق والعروس
قلتر مثلا ؟؟
بنت عمتي اتحب تحط ميكب
قلتلها ليش ماتستوين ماكيرة بتربحين ذهب
قالت حرام
هييل وايد يبالغون بالاسعار
ترا الميكب لو ماركات بس الاغلب يشتريه برخص بطرقهم الخاصة
واوريدي بتحطه فميت وحدة
ابا اعرف ليش ابعرف كيف وابعرف ايش تبغينه
ما كنت انا براحة وش الي خلا الميكب يغريني
هع
ردوووووووووووودكم
شو ماكانت استقبلها
ثجيلة عقلبي ولا خفيفة
خذو راحتكم
المشاركة الأصلية كتبت بواسطة علوه 
