الوسم: الليسن

بنات انا عندي مشكلة إلي هي الليسن
أبوي فتحلي ملف الليسن في مصفح في شهر 3 و امتحانت النظري و الحمد لله نجحت فيه لكن بعدين وقفت و مابديت في العملي لآن يت اجازة الفصل الثاني و سافرت فيها عقبها انشغلت بامتحانات الجامعة و البروجكتات و يت اجازة الصيف و رمضان و ماقدرت اروح عشان أبدا في العملي
و انا ابا أخذ الليسن بسرعه لان جد بنات انا تعبت أدور دريوليات و باصات يوصلوني الجامعة في الوقت الي أباه و بسعر مناسب
و المشكلة أبوي رافض فكرت انه ييب لنا دريول خاص و اخواني صح انهم يسوقون بس أبوي و اخواني ما يقدرون كل يوم يوصلوني الجامعة لان هم بعد عندهم دوامات و ما يقدرون
فأنا اقترحت على أبوي انه ينقل ملفي للغربية و اكمل هناك لان ربيعات كملوا في الغربية و طلعوا الليسن بسرعه بس في مصفح يطولون لين يعطون الليسن بس بعد رفض لان ما يقدر يوصلني للغربية دووم
و بجد احتاج أطلعه بسرعه مابا أطول و أخاف تبدا الجامعه و انشغل ويا الليسن و يأثر على دراستي و خصوصا اني مابا مستواي ينزل في الدراسه او انشغل في الدراسه عقب اتلعوز و مالقا حد يوصلني للجامعة

شو الحل ؟؟. ياريت تساعدوني كيف اييب الليسن بسرعه انا بس باقيلي العملي و كم يبالي لين ماااخذ الليسن اذا كنت مااعرف شي في السواقة غير الي عرفته من دروس الننظري؟؟؟ و اذا تعرفون ارقام مدربات واايد اوكيه ياريت تكتبون أرقامهم ؟

واذا مستعجله خذي دروس مكثفه

اسالتهم سهله بس تعليمات للسواقه واسالي الي عدالج والي يمر عليج وبيساعدونج

وربي رحيم يوفقج انشالله

يتكون ممن اسئله وكل سؤال له 4 او 3 خيارات

مثال

ركزي ع الاشارات والمواقف اللي تصير بالشارع يعني كيف تتصرفين معاها
مثلا اذا انتي ع الشارع العام وحد بيطلع من الشارع الفرعي لمنو الاولوية مثل هالاسئلة

النظري بس يكون تعرفين شو معناة كل اشاره .. كيد عندج ورقة اللي فيها كل الاشارات اللي فالشوارع مثل منحدر ولا تقاطع ولا دوار او جسر او منطقة عبور مشاه

هلا يالغاليات .. الله يبارك لكم بشهر رمضان وبلغكم ليلة القدر باذن الله تعالى
حابه اسالكم اخواتي من وين اقدر اطلع ليسن السواقه بدبي خاصه اني ربيعتي سجلت بمعهد بدبي وتلعوزت ودووم يرسبونها ا؟ وهي الحين تبي تغير المعهد ..
تعقد من الي صارها الي تقدر ترشح لنا معهد ما تبخل علينا … وجزاكم الله خير..