ولدي عمره 6 اشهر وعنده لحمية كبيرة بين الحلق والانف ماثرة على تنفسه
الدكتور قال اذا تعب جيه لازم نلجا للجراحه
شو تنصحوني ومنو مرت بهالحاله
ومنو سوت حق عيالها عملية وهو قبل السنه من عمره ووين
ياليت تفيدوني
معقولة ولارد
الله يشفيه حبيبتي أنا ماعندي خبرة ان شاء الله البنات يفيدونج
للرفع
انا بعد ولدي فيه لحمية من يوم عمره 3 شهور بس صغيره وكل ما يكبر تصغر لين اختفت والحمد الله
up up up
السلام عليكم
بنات فى واحدة سوت عملية اللحمية عند دكتور حياد الهاشمى العراقى الموجود بمستشفى عجمان التخصصى ياريت تفيدونى بعد بكرة عملية بنتى بليييييييييييييييييييييييييييز هل هو اوكيه ولا ايه؟؟؟؟
انا سويت عمليه لحميه و لوز لولدي عمره 4 سنوات كانت عملية ناجحه بكل المقاييس من اليوم الاول و ولدي بيلعب و يسافط اخوانه عشانه شقي و ظلينا في المستشفى ثلاثه ايام اهتمام و عنايه
في مستشفى البراحه في دبي دكتور ممتاز و خبره و كلفت 2500 درهم فقط غرفه بروحنا
انشا الله يقوم بالسلامه
للرفع
حمدلله على سلامة ابنك هل سوتيها عند دكتور حياد؟؟
السلام عليكم ورحمة الله وبركاته
كل عام وانتم بخير خواتي
بكتب لكم مشكلة بنتي الصغيرة فديتها عمرها الحين 5 شهور ،، ومن يوم ولدت وهو يطلع منها صوت اثناء الرضاعة وصعب احدد المكان بالضبط يا من صدرها او المرئ او من الحنجرة والمهم عقب شهرين راح منها
وبدا الصوت من خشمها (صوت فظييييييييييع) وينسمع واضح ورحت على العيادة وقالوا لي يمكن لحمية
والمهم بدت تتعب علي ومب عارفة والله للحين شو فيها ومب عارفة كيف اوصفلكم حالتها
اول شي عندها ضيق بالتنفس ،، ومن غير صوت من خشمها على طول مثل صوت الشخير وكل اهلي لما يسمعون الصوت يحسون هم بيختنقون من الصوت من كثر ما تغمضهم فما بالج بطفلة عمرها 5 شهور بس
وتييها على طول شرغة ( كان شي واقف لها ببلاعيمها)
المهم سرت كذا عيادة اطفال في دبي والشارجة وراس الخيمة ماشي فايدة
وسرت عند د.مجدي اختصاصي انف وحنجرة قال لي فيها لحمية وما يقدرون يسوون لها شي غير قطرات الملح للتنظيف وبس لين ما تكبر ونشوف وقال اذا تبين نسوي لها اشعة عشان نعرف ،، واشعة بعد للحنجرة عشان يتاكد ما فيها شي.. بس الدكتور قال اصبري شوي لين تكبر ونقدر نسوي لها اشعة
انزين قلت بصبر مب مشكلة بس مب قادرة اتحمل اشوفها جذه احسها وايد تتعب تغمضني
نحن كبار من نزكم ويتسكر خشمنا ما نقدر نرقد ونحس بالتعب فما بالج ببنتي على طول احسني انا بختنق ومب عارفة شو اسوي لها ؟؟؟؟
وخبروني اللي عندها خبرة باللحمية شو اعراضها بالضبط ، الصراحة قمت اتشكك اخاف فيها شي بالحنجرة لانها قبل كان فيها صوت .gif "12 (29)")
والدكاترة ما يقدرون يعرفون اللحمية إلا بالاشعة ؟؟؟
شو اسوي ؟؟ اللي تعرف دكتور مختص بالضبط دلوني عليه .gif "12 (63)")
والله تعقدت من هالدكاترة احسهم مب حاسين بنتي كيف تتعب الله المستعان .gif "12 (8)")
ويزاكم الله الف خير
الله يشفيها وما تجوف شر
المشاركة الأصلية كتبت بواسطة @أم عمر@ 
الشر ما يييج الغالية
الله يشافيها، ما عندي فكرة بس حاولي قد ماتقدري أنها ما تزكم عشان ما تتعب أكثر
إن شاء الله اللي يعرفن ما بيقصرن وما تشوف شر ان شاء الله
الله يحفظها لكم
شوفى بنتى من غمر 3 شهور وفى ماي خلف الطبله ودوم خشمها مسكر
سرت الدكتور مايعطيني غير محلول ملحي ومن 3شهور لين الحين 7ونص وهي على نفس الحال اخر مره علشان الدكتور شاك باللحميه سوالها منظار وهو انبوب خفيف من الخشم دخله لين الحلج وفعلا لقا اللحميه اكبر من حجمها وساده من داخل اللاذن وقال مالج حل الا تصبري لسنه وتسوي لها عمليه….
فانتى اطلبي المنظار مش مولم ولا فيه اشعه ولا تخدير …
على فكره اعطاني الدكتور بخاخ ملحي
و قطر اسمها جنتادكس وقال استمري عليها شهر