الوسم: اللثة

عيادة ممتازة لجراحة اللثة فدبا الفجيرة او خورفكان او الفجيرة

حبيباتي عندي ربيعتي عندها مشكلة فلثتها وتحتاج جراحة وين تنصحوني بعيادة مضمونة وشغلهم معقم واوك فدبا او الخور او الفجيرة وكيف الاسعار

UPPPPPPPPPPPPPPPPP

السلام عليكم …..
عيادة العائلة في الفجيرة …
دكتورة عراقية ممتازة …

عملية رفع اللثة مهممممممممممممممممم

بنات حد منكن يعرف في اي طريقه نقدر فيها نرفع اللثة العلويه حيث اني يوم اضحك لثتي تطلع ومسبب لي ازعاج واللي سمعته انه في مراكز يسوون رفع اللثه في ساعه!!! اي وحده عندها معلومات بلييز لاتبخلن فيها

upupup

مممممم مااعرف

السموحه

upupup

مساء الخير الخير كل عام وانت بخير فديتج انا سويتها في ام القيوين عند عياده ام القيوين الطبيه دكتوره ستارا يوم واحد ونفس اليوم طلعت حوالى 2 ساعه خذت على 5000 اظنى والله مب متاكدهلان بابا فديته دفع ب صدق هذى شغلها اوك

مشكوره حبيبتي

الغاليه عند دكتور خالد في كوزميسيرج فبوظبي ايده خفيفه وااااااايد

شو الحل مع إلتهاب اللثة

خواتي الغاليات السؤال واضح من العنوان

الحل انج اتسويــن تنظيــف لثه ( تنظيف اسنان ) وع طــول بتحسين بفرق ..

و الدكتــور الي بيسويلج التنظيف بعطييج غرغره لازم تستخدمينها ع طــول ..

والله يشفيــج ..

نفس كلام الاخت اتسيرين عند دكتور الاسنان واتخلينه ايسوي لج تنظيف عدل وبعدين لازم تحرصين على غسل اسنانج بعد كل وجبه وقبل النوم وبتتمتعين باحلى ريحه وف كل وقت .. بالتوفيق

ميروووه

اختي تقصدين التهاب اللي هو مثل الحبه عاللثه .. ؟؟
اذا كان هذا قصدج .. علاجها باليووووووود .. 3 مرات باليوم لمدة يومين وبيخف عنج
الله يشافيج

مشكورين خواتي الغاليات على الرد

جراحة اللثة وقطع جزء منها

السلام عليكم ورحمة الله وبركاتة

انا حاليا مركبة تقويم والدكتور قال اذا تبين النتيجة 100% لرفع اللثة
هو انج تسوين جراحة لرفع اللثة وتكون من خلال قطع جزء من اللثة

بصراحة خفت وقلت ما بغامر لين اسمع رايكم واذا في حد جرب من قبل

اربيعتي مسويه وشكلها اتغير 180 درجه للاحسن ..

مشكورة الغالية
ممكن تسالين ربيعتج وين سوتها

ابا اعرف وين سوتها كله من سبب التقويم الله يخسه…………………

هلا اختي .. بصراحة مانصحج اتسوينه

انا كنت حاطه تقويم وكنت اعاني من نفس المشكلة .. وسرت عيادة ليبرتي عند دكتور مجد

هو نصحني اني ماسويه هالشي واقطع جزء من اللثة .. قالي انا مب هدفي البيزات كثر ما تهمني

راحة المرضى وسلامتهم ..

قالي الدكتور لما تقطعين اللثة وتكبرين بالعمر .. اللثة بترجع ورا .. كلمالها وترجع ورا .. عاد تخيلي

شكلج كيف بيصير عقب !! حلجج كله ضروس وماشي لثه بالمرة !!

قالي هالاشياء انا بسويها حق الناس المشاهير .. هييله الجمال همهم و وظيفتهم تتطلب منهم جذه يسوون

لو على حساب عمارهم ..

وقالي شي وايد دكاترة بيقولون لج لازم اتسوين وعادي ومافيها مشكله .. هييله همهم البيزات ..

وبعد ما قال هالكلام .. صح اني اكتأبت .. بس قلت احسن اتم جي ولا ان لثتي ترجع ورا بالمرررررة

وسلامتج

لا لا لا لا لا لاتسوينها اختي قالو لها كذا ونصحتها بعلاج انا جربته وهي حد الان تدعي لي والله العلاج يجنن فيتامين للثه

اشويه في كلمة جنان انا مخبيه علبته علشان ماضيعه واعتبره كنز عندي والله ثم والله تبي تدعين لي

برجع انشاء الله واكتب لك اسمه وابشري بس بشرط تدعين لي من قلب والي تذكرينه له يدعي لي

انا بعد سرت العياده وانا حاطه تقويم وقالى الدكتور ان لثتج الى تحت مرتفع فووق بس مب كلهم اصلن باين ان اللثه تتحرك لان ضرووسى الى تحت طوال ف اللثه مرتفع اكثر عن المطلوب وقالى لازم اقصلج وارتبلج بس مب كلهم يمكن ضرووسى الى جدام بس والحين متردده مااعرف اسوي ولالا

الى مجربه هالشى اتخبرنى لانى محتاره والموعد شهر 2

الاسنان الحساسة ، اللثة الحساسه

السلام عليــــــــكم خواتي..

موضوعي يهدف لتعريف الكثيــــر على معنى الحساسيـــة وأسبابهــا
تتمتع الأسنان بحماية سطح المينا الخارجي الصلب ، ويقع تحت المينا مادة أقل صلابة إسمها العاج ، وهي التي تحيط بالعصب وتمتد إلى جذر السن .
وعندما تتآكل طبقة المينا وتنكشف طبقة العاج ، فإن المؤثرات الخارجية مثل الاطعمة أو المشروبات الساخنة والباردة أو الحلويات والحمضيات أو حتى مجرد ملامسة فرشاة الاسنان لسطح السن يسبب ألماً .

قد تنشأ حساسية الاسنان أيضاً نتيجة لإستعمال أسلوب خاطيء في التنظيف بالفرشاة . فإذا إستعملت فرشاة أسنان خشنة ، أو حركت الفرشاة على لثتك وأسنانك بعنف ، فإنك بذلك تبلي نسيج اللثة من فوق الأسنان واللثة فتعري جذر السن أو تبلي طبقة المينا فتكشف طبقة العاج الحساسة من تحتها .
أمراض اللثة يمكنها أيضاً أن تسبب إنحسار اللثة عن الاسنان ، مما يكشف جذر السن الحساس .
تسوس الاسنان و الحشوات المكسورة أيضاً تسبب الألم .

تحدث إلى طبيب الاسنان إذا كنت تعاني من اسنان حساسة أو لثة حساسه ، فهناك معاجين أسنان خاصة متوفرة لتسكين آلام الاسنان الحساسة ، لكنه من الاهمية بمكان أن تستشير طبيب الأسنان حتى يمكن علاج أي سبب كامن وراء هذه الشكوى

د. مديــه

مشكورة اختي

مشكورة

بغيت عيادة اسنان ومعالجة اللثة فى الشارجة

السلام عليكم ورحمة الله بركاته جيف حالكم يابنات الامارات حبيت اسال عن عيادة تكون زينه واوكى فى الشارجه لان من كثرهم الواحد ميعرف وين يسيروارجو منكم الرد السريع لاهميةالحاله وجزاكم الله الف خير

في عيادة فوق عيادة اوراس مالت الاسنان … وايد اوكيه العيادة نسيت اسم العيادة شو ؟؟ بس هي على اسم الدكتورة ،، وايد شاطرة وايدها خفيفة
أعتقد اسمها نعمت مب متاكدة

جزاج الله خيرع المرور والله يدوم عليج الفرحة دنيا وآخره

حبوبه في عياده اسمها عياده اني وعندهم متخصيين للثه المكان وراء شارع الوحده , تدخلين اللفه قبل محلات انتريرز وبعدين تلفين يسار وتاخدين الدوار العماره مقابله بنايه الاتصالات فرع ابو شغاره … الطابق اتوقع الاول … عياده اني… وانا مجربه عندهم بالتوفيق

فية عيادة اسمها سمايل smile
بس وين في الشارجة اطلبيها من الاستعلامات فيها دكتورة مواطنة وايد شاطرة

الصراحة عيادة سني اللي في الشهبا وااااااااااااايد اوكى وزحمه عندهم بعد

جزاكم الله الف خيرفعلا ماقصرتوا خواتى سيدات الامارات وانشاء الله يبعد عنكم كل مكروه ودايمن بثوب العافية يارب ومشكورين كلكم ع المساعدة

تعانين من حساسية الاسنان او التهاب اللثة هالموضوع بيفيدج وايد

اول شي استخدام خيط الاسنان بعد كل وجبة

ثاني شي استخدام معجون سنسوداين للاسنان الحساسة واستخدام فرشاة السوفت الناعمة

او معجون ايمو فورم وايد زين حق الي عندهم مشاكل باللثة

رابع شي في فرش تصير مثل الرول تنباع في بوتس حق بين الاسنان

وعمل تنظيف للاسنان كل ست شهور

استخدام الماي والملح كمطهر للفم

او اي غسول للفم من الصيدلية او الغسول اللي اسمه ايمو فلور

و بس ان شاء الله افدتكم

منقوووووووول

يزاج الله خير

ماشاء الله الحمدالله عن نفسي وايد اعتني في اسناني اسوي كل الي ذكرتيه
و مشكوره عالموضوع الرائع

تسلمون ع مرووركم العطر بارك الله فيكم

الف شكر

تسلمين ع المرور العطر

موضوع مهم للصغار والكبار

اللثة وخروج الدم

لثتي حساسة وايد واذا ضربت معجون تنزل دم وااااااااايد وانا متاذيه من هالشي
وسرت عند دكتور الاسنان وعطاني جل احطه على اللثه لكن ما استمريت لان يلوع الجبد. الي تعرف طريقة لعلاج اللثة ما تبخل علي وبدعيلها من قلبي

الغاليه اكيد عندج اللتهاب في اللثه

اخذي لج مضمضه من الصيدليه يمكن تنفع بس طبعا لازم تستشيرين الصيدلاني قبل
وتقوليله عن حالتج

انا نفس المشكله
مايصير اغسل اسناني بدون ما ينزل دم
ومن كثر ماني هييزه ..حتى مافكرت اراجع الدكتوور ..مطنشه الموضوع

ماتشوفين شر الغاليه .. انا صار لي جم يوم اعاني من هالمشكله
وانا مركبه تقويم اسنان يعني اللثه من كثر ماهي ملتهبه الله يعافيكم الحديد داش فيها
سرت للدكتوره قالت لي ماي وملح وفرشي اسنانج ..مع اني افرش اسناني ليل ونهار بس مايي صوب الملتهب عسبة الدم
فقالت لي فرشيهن ماعليج حتى لو نزل دم لان هذا الدم مت*** وكله بكتيريا
وركزت كثير على ماي دافي وملح سويه كذا مره في اليوم
انا صرت اسويه الحمد الله خفيت
وسوري عالاطاله حبيت الفايده بس

انا اسوجها بالمسواج

نفس المشكلة

حيبتي لازم ترحين اول شي لدكتور يسويلج غسل للاسنان واللثه علشان يروح الجير والبكتريا الي تسبب الزيف بعد الغسيل لازم تغيرين الفرشه لان الاولى بيكون فيها بكتريا وشتري معجون خاص للتهاب اللثه من الصيدليه ولازم تستخدمين الخيط بعد كل وجبه لانه يروح الاكل الي بين الاسنان الي ماتوصله الفرشاه الخيط ضروررري وايد لازم تعالجين هاي المشكله لانه ممكن تسبب مع الوقت تساقط للاسنان بعيد الشر عنج

قص اللثة و البوتيكس [ الابتسامة اللثوية ]

السلام عليكم والرحمة
شحالكم .. شخباركم .. عساكم بخير
.؟!

بغيت أطرح هذا الموضوع عسب الكل يستفيد

المقصود بالابتسامة اللثوية ، هي إن يوم الوحدة تضحك أو تبتسم اللثة تطلع ، و حلات الضحكة اصلا لين تكون بدون ماتطلع اللثة
وفي كمن علاج أنا سامعة عنه ومنهم قص اللثة
انا جربت
قص اللثة : يكون أصلا للي ضروسهم صغار وايد فيوم يقصون اللثة يبين الضرس بحجم أحلى ، و للي ضروسهم أصلا حجمها طبيعي أو كبير أبد ما ينفع لهم قص اللثة ، و قص اللثة في بعض الناس يفيدهم في إن تتعدل ابتسامتهم ولثتهم تصير ما تطلع لأن يكون السبب في إن ابتسامتهم تطلع أن اللثة مغطية على الضروس ، لكن أنا سويت قص لثة لأن ضروسي أصلا صغار ، وحجمهم الحينه وايد أحلى عن قبل ، و الكل مدح فاسناني بدون ما أسالهم شنو رايهم ، لكن اللثة بعدها تطلع لين ابتسم ولا اضحك لأن أصلا من الأساس ما كان السبب في ان لثتي تطلع هو إن لثتي ياية على ضروسي بس ، هو صح الحينه اللثة ماتبين كثر أول ، بس بعد تبين .
البوتيكس : في فعيادات التجميل مثل كوزمسيرج و غيرها من العيادات ، يستخدمون ابرة الوتيكس فوق الشفايف ، عسب اللثة ما تطلع ، إن تخفف قوة العضلة اللي تشد الشفايف لفوق لين الوحدة تضحك فاللثة تطلع ، أنا عن نفسي ماجربتها ، اختي اللي جربتها وصج تسوي شغلة واااايد و لثتها صارت أبد ما تطلع ، بس شالفايدة أذا كانت من 4 – 6 شهور وخلااص ترد الإبتسامة مثل أول ، ولازم اروح أسوي مرة ثانية ، أنا أبي نتيجة حلوة اتم للأبد مب لشهور .
وياليت اللي تقدر تفيدني تقولي شنو أقدر أسوي عسب لين أضحك أو ابتسم اللثة ماتطلع .

ناااااايس ^^

up>>>>

يسلمو على رفع الموضوع

للرفع

مشكووووووووورة

كل اللي تقدرين تسوينه انج تقنعين بالشكل اللي ربنا عطاج اياه
هذا أحسن حل