عرايسنا الحلوات من تجربة عرس أختي حبيت أنصحكم بخصوص محلات الكوش وألحين من رحلتي المتعبه اني اختار محل كوش مضمون ولين الحين ماحصلت ..فياليت اللي تعرف محل مضمون ومجرب تفيدنا خاصه من بوظبي ومب مشكله اذا من منطقه بعيده المهم مضمون وشغله نظيف وراقي .
المعروف والمتداول عن محلات الكوش انهم بيوم العرس يغيرون في كل شي اخترتيه طبعا المحل اللي تعاملنا معاه سوااااها والمتداول عندهم ان الناس عقب العرس مارح يتخذون اي اجراء ضدهم لان صار العرس وخلص بس بصراحه انا ماسكت قدمت شكوى على المحل في مركز الشرطه ورجع نص المبلغ فنصيحتي :
1.تسألون من تجارب الناس عن المحلات .
2.تشوفون اكثر عن محل وتقارنون بالاسعار والخدمات المجانية لاتنسون تطلبونها يعني ممكن يقدمولكم 100 بطاقة مجانيه بالاضافه انكم تتعرفون ع اجدد الكوش .
3.اذا فيج حيل ممكن تسيرين عرس لكوشه انتي اخترتيها قبل عرسج وقت العصر وتشوفيها ع الطبيعه …وهذا اللي بسويه ان شاءالله اذا حصلت الكوشه
4.الفاتوره اهم شي وتكون كالتالي :
اكتبي التفاصيل الصغيره يعني رقم الكوشة والوانها ، نوع الورد بالضبط ولونه ……….بالتفصيل الممل
5.اذا قدرتي تدفعين نص المبلغ والباقي عقب التركيب حلوووو
6.حسسي راعي الكوش انج فاهمه وانج مارح تتهاونين لو نقص في اي شي
7. بالنسبة للمقهويات وهذا صار معانا تتأكدون ان العدد الي طلبتوهم كلهم موجودين ليش ؟ اللي يصير ايون 12 مثلا بداية العرس ونص العرس تكتشفين ان 4 سارن محد 
، فاقتراحي وحده من الاهل اتكون مسؤوله عنهم واشوف انج تشرطين ان ايبون معاهم بطاقة اثبات شخصيه تاخذهم عنهم بداية العرس وترد تعطيهم نهاية العرس .
[
والله يوفق الجميع ولاتسمحون حق اي حد ان يستغل اهم مناسبه ف حياتج اتحولي متوحشه في هالسوالف ههههههههههههه
وألحين منو تفيدنا بالمحلات 
.gif "55 (4)")
