مرحبا السلام عليكم والرحمه
اشحالكم بنات عساكم ابخير
حبيت اراويكم آخر اعمالي في عالم الكروشيه
سويت "قحفيه" << مصطلح شعبي
وهي طبعاً للرجال أو الأولاد
وللي ما تعرف ،، عندنا في الخليج تنلبس على الكندورة تحت الغترة والعقال أو بدون غترة وعقال
وهالقحفيه سويتها بخيط قطن ابيض
وابرة كروشيه رقم 10 أو قياسها 0.75 mm
واشتغلت فيها 4 ايام بس طبعا ببريكات وايده هههههههه
يعني لو اقعد عليها متواصل،، عادي اخلصها في 6 ساعاة في يوم واحد
وهالقحفيه سويتها على قياس راس اخوي الصغير
وبخبركم كيف اتعلمت اسويها
يبت وحدة من قحافي اخوي الجاهزه اللي شاريها من السوق (وطبعاً هي مسوايه بالمكينة)
ويلست اطبق نفسها بالضبط
اعد الخانات والغرز وامشي بنفس الترتيب
لين ما طلعت بهالنتيجة اللي الحمدلله راضيه عنها والكل حبها في البيت
وهذا على راس اخويه فديته
قولوا ما شاء الله بنات
والله يقويني ويقويكم على فعل الخير دوم ان شاء الله
واكيد ابا رايكم عزيزاتي
والمحترفات في الكروشيه نبا انتقاداتكم اذا كان في أي اخطاء في شغلي
ويعطيكم ألف عافية إن شاء الله