الوسم: القمل

اشحالكم خواتي هذي مشكلة ربيعتي الله يسلمكم هي عندها بنت عمرها سنة ونص ومن فترة اتشوف في شعرها قمل اتخيلوا كل يوم اتطلع منها حبة شكت في خدامتها سالتها فالخدامة قالت لهل ان عيال عمهم فيهم وايد قمل وتراها هي ساكنة في بيت مشترك مع اخو ريلها وحرمته وعيالها هي لها بيتها وهم لهم بيتهم بس بينهم يدار فيه باب وطبعا اليهال يتزاورون وربيعتي راحت الصيدلية عشان تاخذ سم القمل بس الصيدلي قالها ماينفع لقوم بو سنة لثلاث سنوات لان يمكن يدخل في عيونهم بعدهم صغار وربيعتي تستحي اتكلم حرمة اخو ريلها ماتبي تحرجها بس بنتها كلما تروح تلعب مع الصغارية اتي والراس ممزور وطبعا ماتروم تمنع اليهال يلعبون مع بعض ريلها بيعصب خاصة العصر كلهم يتيمعون في حديقة البيت والحين تبي حل لمشكلتها انا قلت احطيها اهني يمكن وحدة مرت بنفس الحالة وعالجتها انا الصراحة ماعندي حل
ويزاكم الله خير

الصراحه الله يعينها ..
انا لو كنت مكانها بسير ازورها ومن بين السوالف بقول لها اني كنت يالسه اسحي شعر بنتي وشفت قمله وبقول لها احتياطا شو رايج ناخذ لليهال دوا القمل لان بنتي دوم تلعب ويا بناتج ويمكن ايكون انتقل لهم …

خليها تقولها بسلوب حلو00000

شي شامبو للقمل بس ما اعرف اسمه واايد زين بس اهم شي اتسبح بنتها كل يوم واتنظف شعرها

نصيحه خلها تاخذ العيال و اتيمعهم و اتسبحهم كلهم …….كله و لا القمل فديتج
و ترمس ام العيال واتخبرها انها شافت قمل في راس العيال و تعطيها الدوا تقوللها انا سبحتهم بس عليج تلتزمين واتسبحين عيالج بعد ^^

المشاركة الأصلية كتبت بواسطة ابل

الصراحه الله يعينها ..
انا لو كنت مكانها بسير ازورها ومن بين السوالف بقول لها اني كنت يالسه اسحي شعر بنتي وشفت قمله وبقول لها احتياطا شو رايج ناخذ لليهال دوا القمل لان بنتي دوم تلعب ويا بناتج ويمكن ايكون انتقل لهم …

فكرة حلوة وما في غير هالحل والله يكون في عونج حراام البنت صغيرة تحملي عليها

اختى احسن حاجة للقمل الجاز

والله الشافى

بنات انا الصراحه كان ودي من فترة احط هالموظوع بس ماكنت متحمسة خفت تضحكون علي المهم
انا عندي ربيعتي في الدواام خبرتني وقالت لي انها كل صيف تروح تدور قملة من راس اي احد المهم تحطها في راسها انا استغربت منها قلت لها ليش قالت انه القمل يشرب الدم من بصيلات الشعل وتتجدد البصيله فتطلع شعرة جديدة قويه ونها كل صيف تستخدم هالطريقة وطبعا عشان تشيلها تستخدم الاشياء الخاصة لازالة القمل انا ما اعترفت بنضريتها الصارحه بس هيه شعرها وااايد حلو ولما رحت لربيعتي الثانية خبريتها السالفة قالت صح هالمعلومه وقالت لي انتي لو تروحين الهند بتلاقين انه البنات الي شعرهم غليظ لا يخلو من القمل او انه كان معشش فيها وربيعتي الاولية قالت لي انها لما راحت الدكتور وسالتها هل القم لها فايدة قال لها نفس النظرية انه فعلا القمل يجدد بصيلات الشعر فتطلع بصيلات جديدة وتكون قوية والصراحه اربيعاتي هالثنتين كلهن شعرهن غليظ وطويل لا وربيعتي الاولى الحين متشوقة بس عشان يجي الصيف عشان تبدى كورس القمل هههههههههههه والله مادري اجرب ولا لا كلامهم وتجارهم اقنعتني بس اخاف ايب قمل في شعري ولا اعرف اتخلص منه انا اخاف بس مادري انا حبيت اقولكم هالمعلومه فياريت لو وحده تقول لنا هل اذا صادف وجود قمل في شعرها انه غلض وكلن قليل التساقط انا شكلي بتشجع وبجرب هالصيف الحركة بس يبالي ارووح ادور قمل

ههههههههههههه يالله حد يبيع قمل

Pinky H تفكيري نفس تفكيرج انا اخاف اجرب واتلعوز وياه بس اربيعتي مدري شلون تتخلص منه احس ودي الصراحه اجرب ولنه مثل ماقلت لكم فعلا بنت جيرانا الله يحفظها كان القمل معشش فيها بس شعرها لركبها وغلييييييييييييييييييييظ انا شكلي بجاذف وبلقط لي قملة من مكان هههههههههههههه اضنتي القملة مابتصدق عمرها احد يدور عليها في هالزمن اخاف تحبني بعدين وماترضى تفارقني عاد اذا مافارقتني بتشوفون شعري يسحب للارض كل شعرة صايرة عمارها للقمل وعيالهم

بدوية غير انشاء الله انا يوم بلاقي قملة اكيد بتولد ونشا الله بسوي عرض للبيع كل قملة بدرهم شوفي شقد ارتفع مستوى القمل خخخخخخخخ
يحظها صار لها اهمية.

ايواااااااااااا لاحظت هالشي

واقووووووووول ليش شعورهم غليييييييييييظ

ههههههههههههههههههههههههه

و الله ما اعرف و اول مره اسمع بهالشي …

ههههههههههههههههههههههههه

يلا قمل للبيع خخخخخخخخخخخخخ

السلام عليكم ورحمة الله وبركاته،مشكورين على القسم،
حلمت اني طلعت قدام باب البيت وشفت بنات يقربون لي اعرفهم جالسات على الكراسي صافات بشكل عمودي وثنيتن قريبات من بعض جالسات يضحكون ويكلمون بعض وبعدين شفت ان على كتفي او خصلتي ثلاث قملات صافات بنفس ترتيب البنات اللي قدامي ثم وخرت القملة الاولى مني وفجاة قامت البنت الاولى من مكانها واستغربت ليش قامت ووخرت باقي القملات ووقمت من النوم .
.
.
انا فتاه غير متزوجة، 23سنه،غير متوظفة، واؤدي فروضي ولله الحمد، حلمت هذا قبل او بعد صلاه الفجر، وشكرا جزيلا.

تمت الموافقه

ارقي نفسك و تحصني بالاذكار و الدعاء و الاستغفار

حلمت أن بنتي ساره صلعاء الشعر وبنتي الصغيره شعرها مقطع مو مرتب وسالتهم من عمل في شعركم جيه قالو يوسف ولد اخوي شوفت يوسف وشعره طويل فيه قمل كثير وكنت وايد معصبه عليه واخانقه وقمت من الحلم

ارجو و ضع معلومات عنك و عن كل من رايتهم في المنام
ارجو قراة قوانين القسم
http://forum.uaewomen.net/showthread…84%D8%A7%D9%85

السلام عليكم ورحمة الله وبركاته

امممم هلا بج اختي ..

وارجو ان تستفيدين بشي من صوبي

اللى اعرفه فيه دوا يقضى على القمل نهائيا من اول استعمال او بالكثير الثانى عطونى اياه لخدامتى فى الكشف الطبي ماادرى عاد وين ممكن اتحصلينه شوفى فى الصيدليات

اختي في في الصيدليات دوا للقمل

بخصوص الأدويه في الصيدليات أو غيرها -> جربتهم ومامنهن اي فايده .

واشكر كل من جاوبني , ورد عليّ , يعل قصركم بجوار قصر النبي عليه الصلاة والسلام .

صراحة اختي أذكر كنا صغار وسوولنا الكبريت لشعرنا خخخخ بس خاز تصدقين !

والسمــــــــــــــوحة

حلمت اني انظر فالمرآة و رأيت قملتين في رأسي و ازلتهما .

تمت الموافقه
خيرا نتلقاه و شرا نتوقاه
ان صدقت الرؤيا
تدل علي انك تحتاجي للرقيه الشرعيه و الدعاء و الاستغفار
و الصدقه و لن يصيبك ضر ان شاء الله و تدل الرؤيا علي صلاح امور لك
فربما انت تمري بضيق و سوف تزول عنك و يفرج الله همك ان شاء الله و الله اعلم

السلام عليكم ورحمة الله وبركاته

تمت الموافقه
خيرا نتلقاه و شرا نتوقاه
ان صدقت الرؤيا
تدل علي زوال اذي عنك و عن ابنتك ان شاء الله
القمل عموما يأول بالعين و احيانا بالهموم
فخروجه و زواله فهو فرج و صلاح اموركم ان شاء الله
و دخوله علي زوجة اخوك فطلبي منها ان تكثر من الدعاء و الاستغفار
و الصدقه و لن يصيبها ضر و الله اعلم
و انت ايضا ادعي و حصني نفسك بالرقيه و الاذكار و الاستغفار