أقبلت تمشي ومشيتها كنه الخيل …
ترفل وابوها بالمعزه حماها
مثل المطر شفافة كنها سهيل …
أو وَجْنَةْ القمرا بعالي سماها
مزيونةٍ فيها النواعس مظاليل …
كن الليالي ماخذه من مساها
شفَّافةْ الخدّين في غنجها تميل …
كن النسايم ميّلتها معاها
اول موضوع لي بقسم العرايس وان شاءالله مايكون اخر موضوع ,,, سبب الموضوع اهو ان عرس رفيجتي بعد جم يوم وحبيت اهديلها هديه حق هالمناسبه وقلت ماراح اودي الهديه الا وخواتي سيدات الامارات منوريني برايهم ,, ,,,
-البوكس او الصندوق كان خليط من الالوان الارضيه كانت بيج فاتح مع نقش طباعه باللون الذهبي ونقئه اخرى بالمخمل تحمل اللون البني الداكن + كرستالات برتقاليه وسلفر
– اوراق التغليف استعملت لونين الاورانج وحبيت ادخل معاه الاخضر الفاتح
– شريطة الغلاف اخترتها تكون اوفوايت حتى تعكس لون الغلاف نفسه
– الورد المجفف يبته ملوون
– اوراق التزيين اللي فيها لمعه كانت ذهبي وسلفر وشفاف
– الكرت كان ذهبي بلمعه
– واخيرا الكيس كان درجتين من الاورانج
– مبلغ وقدره
– عطرين انواع مختلفه
– علبتين دخون بأنواع مختلفه
– شيلتين
– علبة جوكلت صغيره
في اجمل ليالي عمرك ..
واعذبها وارقها عذوبة و شغفا احببت ان اكون معك بقلبي قبل ان اكون متواجدة معك بجسدي ..
اعلم بأن جميع الهدايا والمشاعر والقبلات لن تعبر عن مابداخلي من سعادة .. تجاه اجمل عروس
ولكن شئت ان اقدم لك تذكار بسيطا .. تعبيرا عن سعادتي .. ومشاركة لك في اجمل لياليك
عزيزتي (…..)
بارك الله لكما وبارك عليكما وجمع بينكما في خير
اختك (………)
الشكل النهائي
بالاخير
{ لَا يَشْكُرُ اللَّهَ مَنْ لَا يَشْكُرُ النَّاسَ }
الف شكر لأختي الغاليه شمسه المرر لمشاركتها لي في عملية انتقاء افضل الكلمات ( كلمات اللي ع الكرت)
والشكر موصول للغاليه شمعةامل لتنسيقها الصور واعطائي من وقتها الكثير
اتقبل ارائكم
وجناتها تشبه ورود الأكاليل …
ورده نديَّه والبنفسج شذاها
دانه ثمينه ما لها من مواصيل …
تسبي العقول ونايفٍ مستواها
الله ايْحَفِظْهَا باليسر والتساهيل …
في عز ابوها تسعد وتبلغ مناها
سكَّنتها في القلب واحبها حيل …
ودي اكحِّل ناظري بملتقاها
ما شاء الله مسوووووووووووووه دومج مبدعه…
وان شاء الله نسمع عنج خبر حلو تفرحينا فيه ….
ما شالله حلوووووووووو
وان شالله يعجب العروس ^^
اولا :: ما شاء الله عليــج ابداع ,, و ربي يرزقج بالريل الصالح عاجلا غير اجلا عشان نفرح بج
و مبـــروك لـ رفيجتج و ربي يسعدها
ثانيا // ما شاء الله عليج مبين انه الشغل متعوب عليه ,,ربي يعطيج الف عافيه على هالطـرح الحلــو ,,
ثالثا // لا شكر على واااااجب فديــتج و نحن خواااات و كلنا لبعض ^^
حلوو صراحه يعطيج الف الف عاافيه ياارب 
.. الله يوفقها فحياتها ياارب وعقبالج يااربي
والعفوو فديتج نحن خواات ,, مشكوره ع المجهوود والصور
ناايسي ربي يعطيج العافيه
ربي يوفقهاا ويسعدهاا العروووسه
وعقبالج ياارب
=)
ما شاء الله رووووعه الهديه كـ روعة صاحبتها
ربي ييسر امرها ويجمع بينهما في خير
تقبلي مروري فديتك