الغاليه كل هالاسأله يجاوب عليها دكتور بنتج الله يحفظها
يمكن اهي محتاجه عمليه مستعجله
أو تاخذ ادويه باستمرار
أنا اعرف واحد فيه فتحه في القلب
الادويه مأثره على المخ
واعرف واحد ثاني فيه بعد فتحه في القلب
بس لما كبر ألتأمت الفتحه وصار طبيعي
انا ولدي فديته كانت فيه فتحه في القلب وقالو لازم عمليه لان الفتحه كانت كبيره قالو لو كانت الفتحه صغيره يقولون مب لازم عمليه بروحها تتسكر بامر الله وديته فديته بريطانيا وكان عمره شهرين وسوينا العميله ونجحت العمليه الحمدلله
وقبل العمليه كانو يعطونا ادويه بس بعد العمليه وقفو الادويه الحمدلله
الغاليه لا تخافين ان شاء الله خير وشوفي الدكتور شو بيقول انا بداية علاجه كان في مستشفى المفرق في بوظبي عقب طلعو تقرير وطرشوه بريطانيا
اي استفسار انا حاضره الغاليه
انا بنتي اول ما يبتها قالولي فيها فتحه في القلب وفحصوها عقب كم من شهر وكانت بعدها موجوده ما تطمنت وديتها عقب ما كملت 7 شهور والحمدلله تسكرت بروحها
لببه يشفيهاا ويحفضهاا من كل سوء
الله يحفظلج بنتج اننشالله
اخوي الصغير كان فيه ثقوب بالقلب مب ثقب واحد
بس تمينا انراجع فيه من هو صغير لين عمره 5 سنوات
لين ما تسكرت كل الثقوب الحمدلله بفضل الله
وما احتاج لاي عمليه
والله يبعد الشر عن كل عيال المسلمين
وانشالله لا تخافين الثقب بيروح اذا كان صغير
وشو قالولج الدكاتره؟؟؟؟ يحتاج عمليه والا لا
انا بنتي فيها ثقب في القلب عمرها تقريبا اربع شهور وبعد عندها ضيق في الشريان وبعدها تراجع في المستشفى والله يستر عندها موعد بعد اسبوع بنشوف شو بيقول الدكتور ……..والله اني خايفه مره ادعولهاالله يشافيها
الله يشفي بنتي وبنتج ان شاء الله ويحفظهم ويعطيهم الصحه والعافيه ويطول فاعمارهم …….امييييييييييييين
بنت أخوي فديتها كانت فيها فتحه في القلب وكانت فيها 3 فتحات 2 اتسكروا روحهم والثالثه قالوا أنها صغرت بس
فديتها الحين عمرها 3 سنوات وطبيعيه فديتها ما فيها شي …