الوسم: الفنية

تعرفون من فترة ما حطيت موضوع هنيه ,, المهم قررت اني احطي اليوم ,, ولا تتحسبون انه دعاية لتجارتي او شي ,, لا والله الموضوع ان شغلي عبارة عن اشغال يدوية وانا بعدني مبتدأة واكيد ما احب انحرم من تعليقاتكم ورأيكم في شغلي ,,, فبجد اتمنى ان الموضوع ما ينحذف ,,

تعرفون انا تعلمت شغل الـ gift box او علب الهدايا من الاخت الغالية علينا كلنا مناية واختها العزيزة على قلوبنا عنابة جزاهم الله كل خير على تفانيهم في تعليمنا اشياء حلوة ومميزة ومفيدة مثل صناعة علب الهدايا اللي كلنا نحبه ,, وهاي كلمة شكر اتمنى توصلهم وبتقلونها مني ومن اي حد تعلم شي على ايديهم جزاكم الله كل خير وشكرا على مجهوداتكم الكريمة والسخية ….

هاي اخر توزيعات او شرات ما اسميها ( تحفي الفنية ) اللي سويتها ,, ان شاء الله تعجبكم ,,

ببدأ بشكل حطيته قبل ( اخر موضوع لي تقريبا .. توزيعات النثور ) بس كان الموضوع تقريبا ناقص ,, لان الجميع يحب يشوف الشكل النهائي للتوزيعة ,, فكانوا يسألوني عن الموضوع وايد بنات ,, وانا كنت اقولهم ان توزيعات النثور اللي عبارة عن جوتي بيبي صغنون راح احطه في علبة بلاستيكية شفافة طبعا بس تعرفون القول مب شرات الشوف ,, عسب جي حبيت احطي لكم بالضبط كيف شكل الجواتي الصغنونة وشكل العلبة البلاستيكية واتمنى تعيبكم ,,

اول شي ببدأ في شكل الجواتي ,, طبعا كل توزيعة تكون عبارة عن 2 جوتي اطفال + علبة بلاستيكية ,,

ها الشكل بدون اي اضافات وحطيته باللون الابيض عسبت الوضوح بس ,,

بالنسبة للحجم هي شكلها كبيرة بس ترا ما يتعدى طولها اصبع السبابة وارتفاعها نص اقل من نصه ^_^

وها شكل العلبة البلاستيكية ..

انا حطيتها باللون الوردي لان اللون حلووو وسووو كيوت المفروض ان لون العلبة لازم يكون نفس لون الجواتي عسب يكون كله طقم واحد .. الا في حالة وحدة لو كان واحد منهم ملون والثاني ياخذ نفس لون من الالوان بحيث بعد يبين كأنه طقم

************************

عندي بعد شكل ثاني بصراحة ما اعرف في اي نوع من الحفلات ممكن يستخدمونه بس ممكن يستخدم في حفلات البنوتات الصغار مثلا في المدارس يعني توزيعة حلوة لهم تعرفون البنوتات دوم يحبون اي شي فيه تقليد لامهاتهم وخواتهم الكبار ,,

التوزيعة عبارة عن حقيبة يد نسائية ,,

ها حجمها عند الماوس ( الفأرة ) يعني مب كبيرة وايد بس مناسبة للبنوتات ^_^

ها شكلها على الجنب كيف عرضها تقريبا ,,

هاي الوان ثانية سويتها لبناتي تعرفون صغار ويحبون هالسوالف ^_*

****************************

وهاي توزيعة ثانية علبة دائرية

مثل ما تشوفون انا حطيت داخلها مخلط دهن عود عسب تشوفون الفكرة اشلون ,, التوزيعة مغلفة بالمخمل وداخلها قطعة حرير نفس اللون ( احمر )

وها شكلها النهائي كإقتراح فقط ,,,

********************************

وفي النهاية اترا اراءكم الكريمة في شغلي ,, مثل ما قلت انا ما اسوي الموضوع للدعاية هو فقط انا حابة اسمع رايكم في شغلي ,,

والله يوفقج وييسر لكم االخير ان شاء الله دنيا واخره

@ اختكم في الله @

ام ناصر

@ اختكم في الله @

niCe =) ..