مــــرحباا بنات..
شحاالكــم؟ و شخبــــــــــــاركــم؟
حبيت اشارك معاكم بتجربتي مع التمليس انا وحده صراحه شعري متعبني وايد يعني لا سشوار ينفع معاه ولا شي ومن يومين وحده فلبينيه في الدوام كان شعرها مو اجعد بس فيه ضربات وينفش وايد ومره جات الدوام شعرها كان عجيب سالتها مسويه سشوار اليوم قالت لا قالت لي احنا الفلبينيات ما نحب السشوار سالتها عيل شعرج اليوم وايد حلو شو مسويه وخبرتني السر وانا ما صدقت على طول نفذت وقلت التجربه خير برهان يعني شو راح يصير في شعري قلت يلا هي خربانه خربانه وجربت والنتيجه ميه ميه طلعت من الصالون حتى الشيله ما تقعد على راسي من كثر ما هو حرير والله بنات انه شعري صار نفس شعر الفلبينيات والله ما اقص عليكم اني من كثر ما انا فرحانه قعدت طول الليل امشطه مو مصدقه انه شعري صار ناعم وعلى فكره راعية الصالون فلبينيه بروحها مسويه تمليس وشعرها عجيب.
ادري انه طولت عليكم وما قلت لكم السر اللي تبي تعرفه تسالني وبقولها علشان مااتعب نفسي في الكتابه لان السالفه تطول
واخيرا هذي تجربتي ونجحت..
يلا نبدا علشان ما اتعب قلوبكم
رحت الصالون اللي قالت عنه الفلبينيه وكل اللي يشتغلون هناك فلبينيات اول شي تشوف شعري وسالتني اذا كنت حطيت عليه تمليس او صبغه وكم المده وانا ما كنت صابغه شعري صار لي سنين والتمليس ما قد جربته في حياتي قالت لي بيضبط معاج التمليس علشان انتي مو مسويه تمليس من قبل ولا صابغته صارلج مده وبدت معاي التمليس ما لهم تمليس من الفلبين وهو عباره عن ماده مثل الماي قسمت شعري وقامت تصب عليه هاذي الماده وتحط عليه بلسم والجزء الثاني بعد نفس الشي لما خلصت شعري كامل ودتني عند المغسله وقامت تغسل جزء جزء وتحط عليه ماده ثانيه ولما خلصت حطت عليه صبغه من نفس الشركه مال التمليس قالت هذي الصبغه مو عاديه هذي علشان تعطي لمعه للشعر ويبين انه صحي لان معضم مواد التمليس تخلي الشعر باهت وبعد ما حطت الصبغه حطت على شعري جهاز فيه مثل اليتات الحمراء وقربته من شعري ويطلع حراره عاليه وخلتني عليه تقريبا نص ساعه وبعدين غسلتي شعري ونشفته با السشوار وطلع ينن بنات مثل ما قلت لكم كل واحد يتحمل المسؤليه يمكن انا شعري يتحمل ويمكن غيري لا صح ولا لا انا قلت لكم علشان ابري ذمتي علشان محد يلومني عقب انا تجربتي الحمد لله نجحت وحبيت اخبركم عليها وبعدين التمليس محد يفكر فيه الا اللي شعره مطلع عينه مثل حالاتي
وان شاء الله اكون فدتكم يا خواتي ونسيت اقولكم انه شعري ما طاح منه ولا شعره والله انا علشان جيه مخترشه وايد والتمليس يقعد في شعرج ستة شهور هذا على كلامها واي استفسار انا حاضره.
حبوباات حد عنده فكره عن هالتمليس او وين يسونه فالشارجه
