بسم الله الرحمن الرحيم
السلام عليكم ورحمة الله وبركاته..
بدون مقدمات….
سكوتكم عااار..!!
واحـر قلبـي وياحزنـي وياقـهـري
******وياويل روحـي عـذاب الهـم قفابهـا
شَب الغضب نار حرب وضاق به صدري
******وجيوش شعري تجول و تشعب ركابهـا
مابث الاعـلام ياليتـه خبـر حصـري
******أو ليتني مت قبل ادري بمـا صـا بهـا
بنت الشرف والطهاره داسهـا عبـري
******يقسم ويأمر عليهـا تنـزع حجابهـا!!
مايقصد الاَّ يدنـس طهرهـا العـذري
******تبت وخابت يـداه وشلـت اعصابهـا
والله لو ا ني مكان أي فتـى مصـري
******غير الطمه قبـل مـا يعبـث بجلبابهـا
دوسوا على هامته حتى مصـر تـدري
*****إنْ في مصر عزةٍ يحسب لهـا حسابهـا
ماهو اللحيدان و الا الفاضـل الشثـري
*****شيوخنا اللـي يضـج الطهـر بثيابهـا
يا اعلا منا علمنتك ووضعك المـزري
*****كفت عيونـك عـن القصـة وكتَّابهـا
إن ضاق بي صدرك المسموع والمقري
*****ماضاقت صـدور نـاسٍ قلبـي كتابهـا
تباً لما قد حـدث إن لـم يـزل يجـري
*****وشلون تلد الرجال وتحفـظ انسابهـا!!
ماهو ب تخطيط غرب ولا غزو فكري!!
*****هذا زمـان الاسـود تقودهـا اكلابهـا
يااهل البيان ودعاة الدين مـن بـدري
*****سكوتكم عار عن مـن يخلـع حجابهـا
لو ينتهك عرضها من يمهـا يجـري؟؟
*****ان جوَّد ا لهيس بين يديه مقضا بهـا؟!
هذا الجواب الذي ما عنه احد يـدري!!
*****مادام صار الحرامـي يحمـي اشعابهـا
…………
اسال الله أن يرينا الحق حقا ويرزقنا اتباعه..
ويرينا الباطل باطلا ويرزقنا اجتنابه…
الشاعر:بندر الرشيدي..