والله هالسالفه سالفه .

السلام عليكم بنات..والله انا بخبركم سالفه اربيعتي ..ياريت تعطوني رايكم لاني انا خلاص مليت وانا انصحها..وبتعرفون السالفه …بس اسمحولي على الاسلوب …

.اربيعيتي27 بدات مشكلتها تقريبا من 4 سنوات لما توظفت في احد البنوك وتعلقت تعلق موب طبيعي في مديرها"يمكن حب" وكان يبادلها الشعور ويتبادلون مسجات الغزل او تقريبا الحب …ويلمحلها بان اهله يبون يزوجونه بس هو هب طايع…وكل يوم من هذا الكلام"علما هو ارمل وله ابنتان" ..حست انه يلمح لها في هالموضوع وزاد الحب في قبلها …بس الغريب في الموضوع لما كنت اطرشه مسجات بخصوص العمل يرد عليها "شكرا يا اختي" استغربت للعلم في نفس الوقت كان يطرشلها مسجات الغزل!!!!!..

.المهم بعد فتره …..

هالريال حصل وظيفه في مكان ثاني …حست ان الدنيا خلاص انتهت الحمدلله زين ما ماتت علينا الله لطف ، بس كانوا يتراسلون بالمسجات احيانا واتصالات احيانا بين فتره وفتره ..وبعد فتره من زمن اتصل فيها وقالها ان في وظفيه جيده واريدك تتوظفين عندي…وافقت على طووول الاطااااارت من الفرحه بس يافرحه ماتمت !

وياريتها ما اوافقت …الشخص اللي تعرفه تغير 100% في التعامل معاها كانت تشك احيانا هل هو بالفعل نفس الشخص ولا غير من شده صدمتها …صار معاها جدي اكثر من الازم معاها بالذات بعد ما كان يسولف ويمزح معاها ولا يتكلم معاها الافي العمل وبس في نفس الوقت يسولف ويجامل موظفه معاهم في مقر العمل …صدقوني كل ما تشوفهم يسولفون مع بعض تتصل وتصيح صياح لين ماتلوع جبدها ، تحس ان علاقتهم مو طبيعيه"احتمال عاطفيه" موب قادره تتحمل المكان كرهت الشغل وكرهت المكان ..موب عارفه شو تسوي !!!!!

لدرجه تبا تستقيل من هالمكان عسب ما يتحترق قلبها كل يوم ….

الصراحه انا قلتها تطلع من هالمكان لان هالشي وايد بياثر عليها ..ولا انتو شو رايكم خبرووووووني

،الموظفه هي كذلك ارمله ولديها 5 ابناء للعلم فقط.

أرمله وعندها 5 عيال الله يحفظهم
وتلاحق ريال لعاب

انصحيها ياختي وخله تطنشه وماتسوي له سالفة ، خله همها الوحيد عيالها وبس