شحالكم و شخباركم؟
هذي أول مشكاركة لي فالمنتدى و طالبة فيها مساعدتكم اذا سمحتوا، أنا هذا العيد بيكون لي أول عيد لي فالبلاد بعد سنتين من الغربة وبرجع البلاد بتاريخ 12-11 يعني قبل العيد بكم يووم ولا جهزت لي شي أبد.. ماما تقول انها فصلت لي عباة موديل القصات اللي نازلة و العباة فيها اللون الذهبي و الرمادي و أنا بصراحة ما شفت العباة لين ألحين و متوهقة مب عارفة شو باخذ لي من لبس و اكسسوارات و شنطة و نعال و انتوا بكرامة هالعيد و خاصة أني برجع قبل العيد بكم يوم أخاف أني ما ألحق و حاليا عندي امتحانات ، فممكن خواتي لو سمحتوا تساعدوني و تقولون لي شو ممكن اخذ لي حق العيد؟ ومن من وين عسب أول ما أرجع البلاد أسير و أخذ ؟ ولا تفضلون إني أخذ من استراليا؟ بس المشكلة في استراليا استايل الصيف قام ينزل فيها و نحن فالبلاد بيكون عدنا شتاء فمادري شو أخذ والله محتارة ، بلــــيييز صبايا ساعدوني..
مشكووورااات مقدما 
ترجعـــــــــين بالسلامة حبيبتي
وانشـــالله البنات يفيدونج
الله يردج بالسلامة
للرفع
مناكير فوشية : الله يسلمج يا حلوة
شوق_زايد: مشكوورة الغلا للرفع
بلـــــييز بنـــات ساعدوني
تردين بالسلامه
أممم اذا في دبي شوفي مانغو بينزل فالعيد قصات حلوه ^^
