بسم الله الرحمن الرحيم
و كل عام و انتو بخير
موضوعي مب هجومي
موضوعي يباله حل جذري
و الي بيدها شي الشيمه لا تتأخر
بنت اختي في ثاني ثانوي
ميولها المواد العلميه و طموحاتها وايد ماشاء الله
تعالو شوفو حالها الحين
و السبب
مدرسات القسم العلمي في مدرستها
من اول يووووم يا ناس البنت يايه غبنانه (كلميها و بتصيح)
شوفيج يا فلانه شو صاير
قالت: مدرساتنا يقولون العلمي صعب الي مب قده لا تدخل
يالله عندكم فرصه الحين حولو جان تبون
ليش عددكم السنه كبيير في العلمي
؟؟؟؟
سيرو ادبي تراه اقل
والي دخلت و سألتهن وحده وحده ليش دخلتي علمي ؟؟؟؟
كلمه وحده لج يا معلمة
يا مربية يلي تقولين جيه
انتي مب قد التدريس و لا جان ما قلتي الي قلتيه
البنت في تشتت و ضياع .. يا خالوه استخيري
تقول استخير بس متخوفه انا ما حب الادبي بس المدرسات يقولن العلمي مب هين
اقولها و بنات الادبي في ثالث شو يقولن ؟؟
قالت يقولون الادبي للي عندها مقدره على الحفظ التام التام
و انا ابا ادرس طب
والله من عقب كلامج يا مدرسة العلمي البنت بتدرس بط..
شو نسوي وياهن؟؟؟
تقول وااااااااااايد بنات سمعن الكلام و حولن تصدقون؟؟؟
يعني ظيعت مستقبل ثلاث ارباع الطلبه و في ذمتج يلي سويتيه في مستقبلهن
ما تبون اطباء ؟؟؟؟؟؟؟
ما تبون مهندسات؟؟؟؟؟؟؟؟؟
ما تبون باحثات؟؟؟؟؟؟؟؟؟؟
ما اقلل من قدر الادبي
بس احتريت على بنت اختي