الوسم: العروس

بغيت فستان عرس حلو ويديد حق ربيعتي
ضروري ترى العرس عقب اسبوعين و مب امحصله فستان يعجبها
ممكن ادلوني على وحدة او تعطوني رقم حد عنده فساتين حلوه

اشحااالكم خواااتي فديتكم بغيييت اسالكم اذا احد منكم جرب حنة العروس اليمني للبشرة خذيته من القرية اليمنية ومكتوب عليه لتفتيح البشرة وازالة الحبوب والخ . وماعرف استخدمه والا ؟؟

اللي اتعرف شي عنه يا لييت لو تفيييدنا ^^

بس ممكن اي وحدة اتخبرني عن الصالونات اللي في راس الخيمة لتجهيز العرايس قبل العرس ؟؟ شو تنصحونا …

واللي داخل وبرع راك ممكن خبرتكم بالتجهيزات اللي قبل العرس من حمام مغربي وتنظيف بشرة والى اخره……………وشكرا

المشاركة الأصلية كتبت بواسطة دلوعة حبيبي3

انتوا برايكم العروس طلتها احلى باللون الاسود واللون الفاتح لانى انا حنطية ووودى اصبغ شعرى بس محتارة مو عارفى اى لون واى صالون

ابتعدي عن شي اسمه اسود لانج لو صبغتي سود مابترومين تغيرين لون شعرج..!!

نصيحه مالج غير البني الشوكولا وله البني المحمر شوي..وله بني كستنائي اكاجو..<<< خبره :1 (66): هاذيلا بس يطلعن حلوات عالحنطاويات ..

سوي اي لون منهن وانتي مغمضه..ّّ!!

ويوم بتصبغين عشان ما يخترب شعرج قوليلها تحطلج صبغه بدون امونيا هاي ما تخرب الشعر..

وبعدين قبل العرس سوي تريتمنت..

وان شاء الله تطلعين قمر يوم عرسج..

انا كنت صابغة شعري اشقر فالملجة بس قبل عرسي بشهر صبغته أسود وطلعت جنان

اللون الأسود معروف يفتح الويه ^_^

موفقة الغالية ..

لأن عقب كم سنه من العرس اذا شافت الالبوم بتكره عمرها وبتحس شكلها غير وغلط تكونين ع طبيعتج

بصراحة مب عارفة كيف ابدا السالفة وياكم اليوم قالت لي ربيعتي الي عرست وماكملت غير 4 شهور مع ريلها سالفة بصراحة ماعرفت كيف اساعدها لان الريايل الي من هالنوع ماعرف لهم

السالفة ومافيها ان ربيعتي الي درست معاي في ايام الطفولة كلها تقدم لها واحد من برا الامارات واهلها لما سالوا وستفسروا شافوا الريال صدق نعمة فوافقوا وماجبروها وهي لما ستخارت وافقت عليه

تقول من ايام الخطبة وكل مشاكل معاه ودايما تستوي سوالف وكانت تظن ان البعد هو السبب لان بعدهم ماتيمعوا في ديرة وحدة فكانت تقول وهو بعد ان بعد العرس يمكن تخف المشاكل..هو مشكلته عصبي وحساس ..لكن حسب كلامها مب عصبي ان خلاص وحش..دايما يرضى لما تطيب خاطره بكلمه حلوة..بس السالفة ومافيها ان الله رزقها وحملت وهو شغله صار بعيد واايد فخاف عليها خاصة ان بعد العرس هي انتقلت عنده..المهم بعدين ردت البلاد وهو بيشوف وضعه لين مايرتب لها مكان في منطقته اليديدة فالمهم ربيعتي تقول ان دايما يقولها انتي ماتعطيني الحب وانتي وانتي..وبصراحة وهي ربيعتي وانا عارفتنها ماتعرف ولاتعودت تقول احبك وهالسوالف يعني يالله بالقطارة تقول له وهو شكله يبغي كل شوي وكل ثانية..المهم قالها في العيد مابروم اي عندج لان عندي التزمات واشياء وودي اي عندج فماقدر فقالت له انزين شو الحل؟ نصبر او نضحي؟ فعلى طول عصب قال انتي ماتبيني اي عندج وكل مابغيت منج شي تذليني ومذلة وووو سالفة صارت المهم تناقشت معاه لين ماقالت بس وهدته باسلوبها ان قالت له كلمة ونسى كل شي وتفداها وو المهم..بعدين عالمغرب اتصل فيها بعد ساعات وقالها بعد ماسولف ان من كم يوم هو يفكر في شي ..والي هو ان يعرس وياخذ وحده من دولته قال صراحة اذا كل مرة بقعد اطر انج تعطيني حقوقي او انج تين عندي فاحسن لي اني اخذ وحدة من دولتي متى ماجزت اروح عندها وانتي بخليج على ذمتي وتكونين ام عيالي..فهي قالت ان بالعكس هذا حقك وهي منقهرة ماعليكم منها محد يبغي الضرة..فالمهم تقول له بالبركة بس انا اول مانت بتاخذ غيري ابغي اتطلق قالها ليش انا مابغي اطلقج فقالت له لا بس مابغي اعيش مع واحد ماخذ 2 قالها انزين بطلقج بس بشرط الولد يكون لي جان قالت له لا اذا مت يوم الولادة فخذه بس ان الله كتب وعشت انا امه.قال وانا بوه ..قالت له انت بتعرس مابغي يعيش عند غيري قالها بيب له خدامه..المهم صارت سالفة من اول ويديد فاخر شي ختمت الموضوع بالتفدي والكلام الحلو وتغير عليها الريال وقالها احبج والله وان مايفكر في غيرها بس تصرفاتها وجفافها يخلي احيانا يفكر في هالشي…

ربيعتي قطعت قلبي هي حامل وتتعب ومالها خلق انها تسافر بروحها لان محد بيكون معاها..المهم لما خلصت سالفته قالت لي ان عنده عزيمة في استراحة فلان وشباب وحالة..وتقول ان دقت عليه بعد الساعة 9 تبغي تشوفه يعني تحاول تسمعه الكلام الحلو..فالمهم مارد لان كان حشرة وماسمع بعدين دق عليها فقالت له ها حطو التاج ؟ وهو يقول اي تاج؟ قالت على راسك ماحطو التاج؟ وهو مب فاهم السالفة بعدين قالت له زفوها؟ قال هيه بس مب فاهم عليها لان عنده ناس وايدين ويبغي يسكر بسرعة فبعدين قالت له زفوها؟ منيرة؟ قال اي منيرة؟ قالت له هذي الثانية الي بتاخذها هي عاد كانت تخربط عليه فالفت من عندها هالاسم جان يقولها..هيييه (يعني ان ستوعب الحين كلامها) عقب قال ان شاء الله..جان تقوله عيل صدق يعني ناوي..

الخلاصة
تبغي حل كيف يعني كل شوي تسمعه كلام وتحسسه بالاهتمام لان الصراحة في فترة الحمل الوحدة نفسيتها تتغير وهو مب مستوعب , وهي حاسة ان ناوي ياخذ عليها بس دايما لما تنتهي المشكلة يقولها والله احبج ولا فكر في غيرج وانا اقدرج ووو بس شو الي يخلي معرس يقول لعروسته اني بتزوج عليج لاني ماتعطيني الحب ..اونه ماحسستيني اني متزوج

وبعدين رد واتصل فيها بعد ساعة وقال لها ترا ماكنت ادري عن شو ترمسين ولا كنت وياج
وانتي حبيبتي وو
مادري ماعرفت شو اسوي لها ساعدوها

بليز الي عندها شي تكتبه لها قولوا لها لان ربيعتي بتدخل وتشوف المشاركات

ودعواااتكم لي ولبعلولي لان مااتمنى امر في مثل موقف ربيعتي

رايكم يهمني =)

المشاركة الأصلية كتبت بواسطة طيف الغربة

ناااااااايس الغالية

مشكورة على الطرح

عيونج النايس ،،

العفو عزيزتي