الوسم: العبايات

منو عندها كواية البخار الصغيره مالت العبايات ؟؟؟؟؟

شفت هالكوايه البخار في موضوع الأخت قمره
اللي تعرف وين تنباع في بوظبي تخبرني يزاكم الله خير
و انا مب الوحيدة اللي سألت عنها..
فيدوناااا

وهذا الموضوع

((مكواة العبايات ))(قمره)

توني اكتشفت ان هالكوايه تابعه لشركة جيفي اللي تصنع كوايات البخار
المستخدمة في المحلات التجاريه

اسمها Esteamer

وين محل جيفي في ابوظبي؟؟

اذا عرفتي خبريني جزاك الله خير

مشكورة على مرورج…
تابعي الموضوع عشان تعرفين ^_^

السموحه الغاليه انا عندي كوايه البخار الطويله خذيتها من العين ب200 وشفت منها فسوق التنين فدبي

المشاركة الأصلية كتبت بواسطة اليشمك
السموحه الغاليه انا عندي كوايه البخار الطويله خذيتها من العين ب200 وشفت منها فسوق التنين فدبي

الغاليه من وين بالعين اخذتيها

المشاركة الأصلية كتبت بواسطة ام ميثه..
الغاليه من وين بالعين اخذتيها

كواية البخار الطويله موجوده اعتقد في الفلاح بلازا ..

المشاركة الأصلية كتبت بواسطة durooob
كواية البخار الطويله موجوده اعتقد في الفلاح بلازا ..

مشكوره الغاليه

مجلة نيو لوك لأحدث تصاميم العبايات

السلام عليكم يا بنات المنتدى

يا بنات عند الخياطين الغاليين عندهم مجله تعرض آخر ديزاينات العبايات و الشيل إسمها نيو لوك NEW LOOK و بصراحه قلبت البلد على هالمجله ومو لاقيتها 0000 فقلت أسألكم يمكن أحد فيكم يعرف عنها شي
و مكتوب عليها عنوان (محلات أبو حليقه – أبو ظبي )

أرجوووووكم لا تدخلون و تطلعون من غير ما تعبروني

واللي تعرف أي مجله ثانيه للعبي تخبرنا
واللي تعرف إذامحلات بو حليقه عندهم موقع ع النت أو أي رابط ؟؟؟؟؟؟؟؟؟؟؟

و هل يوجد لهم فرع في الشارقه أو دبي و كيف عادة أسعارهم ؟؟؟؟؟؟؟؟؟؟؟؟؟؟

مشكورين و فيكم العشم كبير :22 (29):

حبيبتي انا ما سمعت عن هذي المجله وعندنا ابو حليقه مو ذاك الزود بحلاته يعني ماشي حاله واسعاره بعد ماشي حالها يعني مب واااايد غالي مثل ارابيسك ولارين وفيرست شويس

والسموحه

النيو لوك موجده بكارفور .. بس ما تعرض كله عبي … لأنه فيها اشياء ثانيه ..

حبيبتي انا ما سمعت عن هذي المجله

مرحبا اختي كانت عندي المجلة وفيها عبي بوحليقة بس ما اظن انها موجودة ، تعرفين انا اخذتها من معرض العرايس في ابوظبي وعلى فكرة بيفتح في راس الخيمة من 4 الى 7 إبريل واكيد شركة النشر للمجلة مشاركة فيه إذا قدرتي روحي وأخذي من هناك….

امممممممممما
أنا اول مره اسمه بالمجله هذي!!

[grade="00008B FF6347 FF1493 4B0082"]مرحبا العدد عندي بس قديم … عندي لج فكره سيري ابوحليقه نفسه واطلبي الكتلوج مالهم ..بالتوفيق.[/grade]

لوقووو العبايات

هلا حبوبات أذا ممكن حد يعرف وين يسون لوقوو العبي

في دبي

صوب سوق الجملة

تبه اربيعتي اسوي شعار حق عبيهاا وقلتلهاا بسأل وخبرج

السموحة ماعرف اختي

البنات بيفيدوج أن شاء الله

يالله بنات بليز ساعدوني

تعرفين المحلات اللي يسوون شعارات وكؤوس حق المدارس …. سمعت انهم يسوون لوقو للعبي ..

اسماء مصممات العبايات،،، لعيونكم

:salam:

خـــــواتي العـــزيزات،،،،
بعـــرض لكم اسماء مصممات العبايات المواطنـــات،، وتم إضــافة اسماء جدد في اللسته
طبعا معظم هذي الاسمـــاء انا مفصله عندهم وما شاء الله عليهم شغلهم راقي ومميز
وباقي الاسمـــــاء انا شفت تصاميمهم في المعارض ( معرض العروس في الشارقة ودبي ورأس الخيمة) وبعد ما شاء الله عليهم شغلهم حلو،،

بنات الموضوع متجدد يعني ممكن تعطوني اسماء مصممات عبايات جدد على الساحة بس احب اني اشوف تصاميمهم وتعطــــوني اسعارهم وبعدين اضيفهم على اللسته الي عندي،،،،

بنات بليـــز ما نبا أرقام على العام عشان الموضوع ما ينحــــذف،،

والي تبا ارقامهم تراسلني على الخااص

هذي الاسماء من تجميعي الخااص

Nabrman، حصــة الفلاســـــي،، من إمارة دبي
(زهرة) من إمارة دبي،،
(مريم الزعابي)Just Me Abaya &Sheila من إمارة أبوظبي،
(منى) من إمارة دبي Smooth Lady Abaya&Sheila
(عفراء الغفلي)أوشيا لتصميم الأزياء،،،
(سبع سنابل) من إمارة دبي،،،
عبيــر المازمــــي (اللمسة الأخيرة)
Elegant Abaua & Sheila
(هيفاء الوري)من إمارة دبي،،
(نوره الهاشمي)MissElegantمن إمارة دبي،،
Lamar Collection
محل عبايات M& A من إمارة دبي
(فايزة عبدالله) " دار الشموخ" من إمارةالشارقة ،،
(ليلى بنت سلطان) bride crownمن إمارة الشارقة،،
أم سيف،، دبي /جميرا
(عذيجــــة المزروعــــي) من إمارة دبي
(جـــواهـــــر) من إمارة دبي،،
(أم خليفـــة) Your Style من إمارة دبي
(ايمان المهـــيري) E collection
(شذى)من إمارة دبي
محل( Kanzi )،،من إمارة الشارقة،،
(ميثاء العبار)،، من إمارة دبي
عبايات ميرور " روضة "،،، من إمارة دبي،،0
عبايات(ميسون كولكشن) ،، من إمارة دبي،،
عبايات لباسه
(مها خان) من إمارة دبي
شبهايا كوتور ،، من إمارة دبي
(راماشكا) ،، من إمارة دبي
(تيارا) من إمارة دبي،،
(عهود) من إمارة ام القيوين،،
(ام عبدالله) ROSE Abaya من إمارة رأس الخيمة
(ام راشد)" لمساتي للعبايا " من إمارة رأس الخيمة،،

حلووووو في منهن ايووون البيت حبوبه اذا شي خبريني على الخااااص اباهم ايون فلبيت

وانا بعد ابا اذا حدفيهم يون البيت ابا ارقامهم ……………..

المشاركة الأصلية كتبت بواسطة Miss-D&G
حلووووو في منهن ايووون البيت حبوبه اذا شي خبريني على الخااااص اباهم ايون فلبيت

على ما اعتقــد " لباســـة" توصل للبيت

يسلمــــــــــــــــووو حبيبتي

شكرا حبوبه

gooood

مصممات العبايات المواطنــــــــــات

نظــــراً لكثـــــــــــرة الرسائــــل الخــاصة الي توصلنــــي
ولطلب الكثيــــــــــــر من الاخـــوات لاسماء وارقام المصممات المواطنـــــات في مجــال العبــــايات
حبيت اني اذكــر بعض المصممات المواطنات الي تعاملت وياهم شخصيـــاً أو شفت شغلهم في المعارض
والــف مبــــــــــروك لكــل عــــــــــروس ،،،،،

المصممة(زهرة) من إمارة دبي،،

المصممة(مريم الزعابي)Just Me Abaya &Sheila من إمارة أبوظبي،

عبايات وجلابيات (ماتريل)Material Abaya&Jalabiyaمن إمارة(الشارقة)

المصممه(منى) من إمارة دبي Smooth Lady Abaya&Sheila

المصممه (عفراء الغفلي)أوشيا لتصميم الأزياء،،،

المصممه (هيفاء الوري)من إمارة دبي،،

المصممة(نوره الهاشمي)من إمارة دبي،،

المصممه(فوزية عبدالله)من إمارة دبي دار الشموخ ،،

المصممة(فاطمة المهيري) من إمارة دبي،،،

المصممة(ام ريم) من إمارة دبي

المصممة(شذى)من إمارة دبي

محل (RED FLOWER )من إمارة الشارقة،،

محل( Kanzi )،،من إمارة الشارقة،،

المصممة (ميثاء العبار)،، من إمارة دبي 0

عبايات ميرور،،، من إمارة دبي،،

المصممة(ميسون الاميري) ،، من إمارة دبي،،

عبايات لباسه

المصممة (مها خان) من إمارة دبي

المصممة(عهود) من إمارة ام القيوين،،

المصممة(ام عبدالله)ROSE Abaya&Jalabiya من إمارة رأس الخيمة ،،

المصممة (ام راشد) من إمارة رأس الخيمة،،

طبعـــــاً ارقـــامهم على الخـــــــــــــــاص

يزاج الله خير ويعطيج ألف عافيه ..

يعطيج العااااااااااااافيه غناااااااااااااتي ^_^

يزاج الله خير اختي .. وياريت اذا ما عليج كلافة اطرشين لي ارقامهم عالخاص

حبيت اضيف وحده اسمها ام حمدان من عيمان عبيها روعه وقصاتها اروووع واسعاره وااايد اوكي انا امقصلي عبيي للعيد عندها والكل اتخبل عليهن واللي تبى رقمها عالخاص

تسلمين الغلا
ممكن اطرشيلي ارقامهن؟

ممكن ارقامهن ع الخاص .. فديتج

فاطمة . مصممة العبايات في عجمان ؟؟

مرحبا الحلوات
بغيت اسال عن هاي الحرمة شو عبيها حلوة وغريبة ولا نفس المحلات العادية الي في عيمان وشو اسعارها ؟؟؟؟
ابا رقمها وعنوانها اذا ممكن …..
وشكرا

uuuuuuuuuuuup

آب آب آب

^^

عباياتها حلوه واهم شي تعاملها روووووعه ويوم تسيرين لها تحسسج كانج فبيتج وهي تجرب وتلبس وانتي تطالعين

وين مكانها بالضبط
و شو عن اسعاارها ..؟

ممكن رقمها ما عليج أمر …؟

ربي يوفقج أختي

في حديث سهل بن سعد مرفوعاً إلى النبي صلى الله عليه وسلم:

ثنتان ما تردان :

( الدعاء عند النداء وتحت المطر )

رواه أبو داود وصححه الألباني في صحيح الجامع (3078 ).

بغيت أستفسر عن قطع العبايات

السلام عليكم :1 (20):
شخباركم بنات:1 (81):
المهم بغيت أتخبر عن أحسن قطعة عباية :1 (80): اتفصلونها حق الصيف وعن أحسن قطعة لتفصيل الشيلة بس سمعت دجى الليل يمدحونها حق الشيل وبغيت اتخبر خاصة بنات العين شو النوع العباية اللي تفصلونها يعني اتكون مب ثقيلة وايد لانه وقت حر وشو أحسن قطعه حق الشيلة لاني مرات يوم أفصل عباية مع الغسيل المستمر أحس انه تلقط وسخ يمكن لانه الخامه مب اوكيه المهم وأي محل عباية يفصل قطع حلوة وبأسعار حلوة بس ما اتكون غالية:1 (7):
يالله بنات بسوي استفتاء على أحسن قطعة للعباية وللشيله لازم اي وحده تدخل اتشارك بليز لاني بغيت أفصل عباية فأقرب وقت:22 (22):

انا افضل الانترنت للصيف .. بس النوع الزين مب اي كلام

اما الشيل دجى الليل

مشكورة يا أختي القمزية عالرد
معقوله سبع بنات دشن ولا ردن يالله بنات اتشجعن وشوفن اي عباة أفضل لانه العباية اللي بتكون أكثر مختارينه بفصلها يالله بنات بليز ردو علي لا اطنشوني

السلام عليكم..

أختي أفضل شي قماش السعودي رقم 1 (الصالونه) ويكون النوعية الياباني (لأن الأندونيسي يسود اللبس)

و الشيل.. أفضل شي الشمواه.. أو شكل مب مسمينه أبراج الأمارات..

يمدحون هنادي في العين.. عندج سويت ليدي معروف عند الكل..
و من رايي روحي مركز بوهيل في دبي.. و خيطي موديلات متنوعه و أسعار معقوله

و بالتوفيييييييييييق

كرب 14 حلو ومحل التفصيل عندج لوزان

اما انا عندي هندي وبعد ايي ابيت ورقمة عندي

الشيل: دجى الليل
و العباية في كريب سعودي ثقيل و في خفيف خذي حق الصيف الخفيف
و المحلات في العين ما شاء الله وايد
انا احب اجرب وايد و ما اثبت على محل واحد
مجربة :
سويت ليدي: صراحة غالي بس عباياهم حلوه
هاي ليدي: اسعارهم معقولة و مديلاتهم زينة و اكثر طلباتهم تفصيل يعني لازم تقولي شو تريدي ما تحصلين جاهز
بلو ليدي: اسعاره غالية بس تفصيلة مضبط و قياسات العبايا محد يقدر ينافسهم فيه
حناين: ما يعيبني و مثل ما ادخل اطلع ما اذكر فصلت عنده
و فيه النورس في السوق القديم : اسعارهم وايد اوكيه و موديلاتهم حلوه
فيه محلات بس تعبت من كثر ما كتبت
اوه صح بعد فيه محلات صوب الهاي فلور و المركز الدولي اسعارهم معقولة
سرت عند واحد بس ما اذكر الاسماء زين و فصلت عندهم عباة مسكرة حق الدوام و فيها جيوب ب 180 درهم كريب سعودي
ووووووووووووووو بس
تعبت
بنات العين ما بيقصرن
و بيكملن عني

قصات كم العبايات المختلفة

خواتي الغاليات
السلام عليكم ورحمة الله وبركاته

طبعا تعبت من كثر ما ألف وادور

طبعاً .. قصات العبي وخصوصا اللى تكون عالكم وااايد انتشرت بأشكال مختلفة جدا …

وطبعا كل قصه تكون حلوه

عاد انا في خاطري في مثل هالقصات …
اذا ممكن تساعدوني .. واللى عندها موديل لقصة عبايتها ياريت لو تحطي لي الصورة ..
انا ابغي اسوي نفس هالموديلات للمناسبات والزيارات .. ومب مشكله الالوان ممكن تتغير
بس انا ابغي الموديل

ناطره ردكم خواتي وصوركم ..
لا تقولون سيروا عند فلان او المحل الفلاني
صعبة شوي بالنسبة لي .. انا ممكن اشوف الصور وينفذها لي محل معين.. انا متعوده عليه ويضبط لي الخياطه

خواتي ما ابي شرح للموديل .. ابغي صورة عسب يشوفها الخياط بنفسه ..

ناطره صوركم الحلوة

ان شاء الله البنات يساعدونج

الغاليه في قسم الازياااء بتلقين تصفحي المنتدى وبتلقين واايد قصات

يزاكم الله خير خواتي عالمرور
وانا دايما اشوف قسم الازياء بس ما الاقي وايد قصات
ناطره صور العضوات

ها وينكم
ما تبون تراووني موديلاتكم

بحاول اصور لج عباياتي مع ان صور الموبايل ما بتكون واضحه ..

ه هذي صوره وحده

والسموحه منج ما صورت لج كل العبي اللي عندي بس ان شاء الله اذا فضيت بكمل لج ..

وين ممكن ألاقى دواليب العبايات

السلام عليكم ورحمة الله وبركاته
اخواتى حابة اعرف وين ممكن ألاقى دواليب العبايات اللى تنحط بمدخل مجلس الحريم
بارك الله فيكم يا ريت بابوظبى
ولكن مو مشكلة لو كان بديى او الشارقة باسير هناك
بانتظاركم بارك الله فيكم

نفس السؤال

للرفع

بانتظاركم بارك الله فيكم

بصراحه ماعرف شو هاي الدواليب اللي تتكلمين عنها
لو شرحتيلي شوي يمكن اساعدج

هل هو كبت عادي؟ او مثل ابواب ظعيييييييفه تنسحب على برع وتتعلق فيها العباه وتدخل داخل مره ثانيه؟

فكره حلوه..

حد يحط لنا صوره
اول مره اسمع عنها !