السلام عليكم ورحمة الله وبركاته ….
حبايبي بغيت اسألكم … حد جرب الطيران الفرنسي … الرحله من دبي طبعا الى باريس
حجزنا عالاسبوع الياي ان شاء الله … واليوم فاضيه ييت كتبت في قوقل عنها ولقيت انها طايحه سنة 2024 وخفت …
شو رايكم فيها حد سافر فيها … تنصحوني ولا 
؟؟؟؟؟؟
ولا رد ……………..؟؟؟؟ ليش كل هذا انزين ….؟؟؟؟؟
حتى ماشي دعوه لاخيك المسلم بظهر الغيب ….؟؟؟؟
استهدي بالله ختيه حسستينا ان حنا يعني ابد ما نرد عليكم
ترى يا ختيه انتي طالبة آراء البنيات الي سافرن بالطيران الفرنسي
و 99.9 بالمئة منا في الامارات نسافر بالاتحاد للطيران او الامارات
المهم اتمنى لج تروحين و تردين بالسلامة و مب شرط ان اي طيارة طاحت معناها ان الطيران سيء
عزيزتي ها قدر مو معنى ان وحده طاحت يعني الكل بيطيح
يعني كل يوم نسمع عن حوادث سيارات
ما بتركبين سياره ؟
اللي ربنا كاتبه بيكون
استهدي بالله عزيزتي طالما حجزتي خلاص توكلي على الله
و لا تحطين في بالج ها الشي
و ان شاء الله تكون رحله سعيده ^_^
المشاركة الأصلية كتبت بواسطة @miss pink@ 
ترى يا ختيه انتي طالبة آراء البنيات الي سافرن بالطيران الفرنسي
و 99.9 بالمئة منا في الامارات نسافر بالاتحاد للطيران او الامارات
المهم اتمنى لج تروحين و تردين بالسلامة و مب شرط ان اي طيارة طاحت معناها ان الطيران سيء
الصراحه هذا اللي لاحظته … انهم مايرودون الى على اللي يبونه واللي يشوفونه ( هاي ) بنظرهم … ومب اول مره اكتب موضوع كذا مره ولا حد ايرد علي …… لكن حق الغير …. كل وحده اتجامل …. واااااو حمستيني …. واللي تكتب سفره موفقه … واللي تكتب حبيبتي …و ….و ….و واللي تحط ادعيه تحت …. واللي ترفع الموضوع … واللي موفقه …
كل هذا مب مبين …. واضح كل شي ….. على العموم اشكرج انتي على ردج … والاخت مونتاج ايضا ….
المشاركة الأصلية كتبت بواسطة مونتاج يعني كل يوم نسمع عن حوادث سيارات
ما بتركبين سياره ؟
اللي ربنا كاتبه بيكون
استهدي بالله عزيزتي طالما حجزتي خلاص توكلي على الله
و لا تحطين في بالج ها الشي
و ان شاء الله تكون رحله سعيده ^_^
لا طبعا …. السياره غير … عن الطياره بعد الواحد يفكر …. السياره ممكن انتي تتحكمين فيها …. لكن الطياره تييج افكار فوق ال 7 ساعات في الجو …. وايدج على قلبج …. مشكوره عالرد
للرفع
