الوسم: الطلق

الام الطلق اختي تكون مثل آلام الدوره شويه اشد

كل نص ساعه و بعدين كل عشرين دقيقه و اقل و اقل

بعدين كل خمس دقايق و بعدين الويع يتم ما يروح

الألم يبدا نهاية الظهر..ومثل ألم الدورة في أسفل البطن..ويبدا يصير منتظم مل نص ساعة..وكل 20 دقيقة وهكذا..حتى يصبح كل 5 دقايق وهني لازم تسيرين المستشفى..

عن عثمان بن أبي العاص – رضي الله عنه – أنه اشتكى إلى رسول الله صلى الله عليه وسلم وجعا يجده في جسده منذ أسلم ، فقال النبي صلى الله عليه وسلم : ( ضع يدك على الذي تألم من جسدك وقل : بسم الله ثلاثا ، وقل سبع مرات : أعوذ بعزة الله وقدرته من شر ما أجد وأحاذر )

أنا عطوني موعد بتاريخ 4 من الشهر الياي على أساس أولد بطلق صناعي
البيبي راسها نازل تحت بالحوض والحمد لله

بس أنا بولادتي السابقه. قبل 6 سنوات و8 شهور سويت قيصرية

وهذا الحين حالياً حملي الثاني

وقرأت بالنت ان في حريم ولدت بطلق بعد القيصري عادي وفيه ناس كثير رفضت هالشيء ويقولوا خطر الطلق الصناعي عالرحم لاسمح الله يسبب انفجار
ورحت لدكتورة ثانيه بمستشفى خاص. استشيرها وبعد ما أيدت وقالت خطر

والمستشفى الوصل
اللي راح اولد فيها عطوني موعد مثل ماذكرت لكم على اساس طلق صناعي وهم عارفين أين عامله قيصري من قبل ملفي عندهم من يوم ولادتي السابقه

أنا احترت وربي وخايفه موت. لاسمح الله يصير شيء فعلا خطير مثل ماسمعت من ورى الطلق الصناعي

ياريت اللي جربت الولادة القيصري ومن بعدها بكم سنه جربت طلق صناعي وولدت طبيعي تريحني وتحاوبني ولها اأجر وثواب ريحوني وطمنوني عايشه بقلق وخوف

خصوصا قرب موعد ولادتي بالطلق الصناع

اتخيلوا متحمله الويع والطلق واخر شي والله مقهوره ابا اربي وايييني ويع واتحمله واخر شي يروح ولا جنه فيني شي والله اني ناسيه كيف يكون ويع الولاده اتيني الالام صوب المبايض ومايروح الويع بس الحين خف وشي يضغط لتحت شو يعني هذا المنان ولاويع ولاده ؟!

حبيباتي انا باجي على موعدي 9 ايام ..

واليوم من الصبح احس بألم يروح ويي .. في المنطقة تحت .. مب في ريولي ولا ظهري ولا في بطني ..

بس في المنطقة الحميمة .. جي الم ماعرف كيف اوصفه ..

وساعات يي قوي .. احس اني ماروم امشي منه ..

بس مب متواصل .. وما نزل ماي ولاشي للحين ..

ظنكم هاي بداية الطلق .. والا ها شي عادي فهالفترة ..

وانا تراني عندي بنت .. بس ببنتي .. ماذكر اني حسيت بآلام. . اول شي نزل علي الماي .. وبعدين بدى الويع ..

تشورون علي اروح عند الدكتورة اشيك اذا في ولادة .. والا بعده وقت ..؟؟

وادعولي الله يسهل علي .. وعلى كل حامل يارب ..

خواتي يوم ياني الطلق حطولي مثل الاستكر على بطني عشان يوقف الطلق،،
ويوم رديت البيت شلوه،، وقالولي ما استعمله إلا يوم اييني ويع…
أنا خايفة لأن أختي يوم ياها الطلق قبل،، كانوا عاطينها حبوب،، وكانت تاخذ الحبوب الين نهاية الحمل،،
فشو السالفة الحين؟؟

عندي لكن سؤال … اللي ياهه الطلق الكاذب (منان) انسميه بلهجتنا يصير تشرب شي علشان يزيد عليها الطلق وتولد ولا شوه ؟؟؟

لأني بصراحه ماخليت شي ماشربته كل شي وما فيه فايده صحيح ان موعدي بعده 23|11 بس الطلق الكاذب يؤلم ومتعبني

فيدوني من خبراتكم؟؟؟ دخيلكن خواتي

بس امشي ع البحر واااااااااااااااااااااايد واشربي الخرع يقولن يسهل ويعجل من الولاده "

اول بيبي ياني الويع الفير وقعدت ادور وادوور فالغرفه والريل راقد ولا داري بشي
عقب وعيته الساعه 6 وروحنا المستشفى بس نسييييييييت كيف شكله

اما فبنتي الثانيه كان الويع فيني من الساعه 12 يعني هو مب راقد ويشوفني تعباانه
المهم هو حاط راسه يبا يرقد وانا ادور وادوووور فالغرفه وعالساعه 3 شافني خلاص بمووت من الويع
يقولي قوومي نروح المستشفى وانا مب طايعه اقوله بعدني قام يتلبس قالي يلا يلا مب على كيفج
بس احلى شي وهو يتغتر ولا عشرييييين مره يعدلها يقولي الغتره مب طايعه تتعدل خخخخخخخخ ده وأتوا ^_^
فالسياره من اييني الويع اصييح ويوم يخوز اتم صاااخه وهو يقولي شفييج صخيتي خخخخخخخ
بس عقب الولاده قالي يوم فالسياره كنتي تستكتيين كنت اتحسبج متي هههههههههههههههه

بس لحظاات حلوه ومتعبه لووول

الوصل…وريلي واخته وامي الله يرحمها لاحقيني في سيارتهم…حسيت اني بموت….والحمدلله….وصلت المستشفى وعقب ربيت

والولادات اللي عقب…اتادبت وقمت اسير المستشفى يوم اكون خلاص مستويه على الآخر.

-1- أحسن الأوضاع للراحة أثناء الطلق :
[IMG]http://www.*****.com/images/poarn/1.jpg[/IMG]

[IMG]http://www.*****.com/images/poarn/2.jpg[/IMG]

[IMG]http://www.*****.com/images/poarn/3.jpg[/IMG]

و مساج لطيف للظهر من أحد الأقرباء قد يخفف الألم عليك :

[IMG]http://www.*****.com/images/poarn/4.jpg[/IMG]

-2-أما إذا أردت أن تتحركي أثناء الطلق فينصح بمثل هذه الحركات :

[IMG]http://www.*****.com/images/poarn/5.jpg[/IMG]

[IMG]http://www.*****.com/images/poarn/6.jpg[/IMG]

[IMG]http://www.*****.com/images/poarn/7.jpg[/IMG]

[IMG]http://www.*****.com/images/poarn/8.jpg[/IMG]

-3- و عندما تحين ساعة الولادة -إخراج الطفل- هذه بعض الأوضاع :

[IMG]http://www.*****.com/images/poarn/9.jpg[/IMG]

[IMG]http://www.*****.com/images/poarn/9.jpg[/IMG]

أصبحت الولادة وقوفا مستحبة ، خصوصا في أوروبا بسبب كون الجاذبية الأرضية تدخل كعامل مساعد فيها :

[IMG]http://www.*****.com/images/poarn/10.jpg[/IMG]

[IMG]http://www.*****.com/images/poarn/11.jpg[/IMG]

[IMG]http://www.*****.com/images/poarn/12.jpg[/IMG]

[IMG]http://www.*****.com/images/poarn/13.jpg[/IMG]

-4-وهذه الأوضاع يتم إخراج الجنين فيها من الخلف ،، و بمساعدة الجاذبية الأرضية أيضا :
[IMG]http://www.*****.com/images/poarn/15.jpg[/IMG]

[IMG]http://www.*****.com/images/poarn/16.jpg[/IMG]

في الوضع التالي يستخدم مثل هذا الكرسي :

[IMG]http://www.*****.com/images/poarn/18.jpg[/IMG]

[IMG]http://www.*****.com/images/poarn/19.jpg[/IMG]

و في الختام أتمنى من المولى عزوجلّ أن يسهل على جميع الحوامل و يرزق كل المشتاقات ذرية صالحة بارّة

إعداد : سلامات

نقلت الموضوع من موقع آخر لاني حسيت نفسي استفدت منه وايد مع انه ولادتي مهب الاولى

بس حبيت اني اشاركم المعلومة

تحياتي

مادري ليش تتشفر الصور والموقع اللي ماخذه منه الصور سوري