الوسم: الصغيرة

دمية ميمي الصغيرة من إبداعاتي الشخصية

مرحبا خواتي

كلكم اتعرفون كيف أموت على الدمى …

والعام اللي طاف سويت دمية …

والسنة هذي حققت حلمي إني أسوي أحب رسوم لقلبي اللي مهما كبرت بحبه حب جنون … دوم أدور على آخر حرف يدوية المهم اني أسوي بإيدي ميمي الحلوة …
وهذا آخر ابداع سويته … ما أقدر أراوي حد فيس تو فيس … لأن يتخبلون عليها في الواقع والله
أول ما راويتها عيال خواتي واخواني.. استوت مناحة عندهم جن جنونهم خاصة البنات … خخخخخخخخخخخخخخخخ… بس ما قدرت أعطيها لحد … لأنها مب للأطفال … أحبها بجنوووون والله وتعبت عليها وااااااااااااااااااااااااااااااااااااااااااااايد …
تقريبا 15 ساعة والله …. متعبة بس مسلية …

واللي خامات اللي استخدمتها : صوف الخروف أصلي أصلي … من برا طلبته …
وإبرة بدون خيوط والباقي خفة يد

وهذي الصور … وإن شا الله تعجبكم دميتي الحلوة …

وأفكر تكون تجارتي

ميمي تستحي

هاااااااي

إن شاء الله عجبتكم الحلوة ميمي

السلام عليكم ورحمة الله وبركاته

روووووووووووووووعة ما شاء الله تبارك الرحمن

أموت على ميمي ورسوم قبل

ربي يحفظج من العين ويحميج

ابدااااااااااااااااااع

رووووووووعة

شكرا بنات على تعليقاتكم

ما شاء الله ابداع ربي يحفظج

وايد حلو
موفقة يالغلا

الكاسات الصغيرة الشفافة للحلويات

مرحبا خواتي….

حبيت استفسر و مالي غيركن…أنا صار لي فترة ادور على الكاسات الشفافة حق الحلو و السويت اللي بغطيهن بس ما حصلت منهن …فاللي تعرف مكانهن ممكن تخبرني….الله يرضى عليكن …ابغيهن ضروري

شفت في توقيع الاخت حمادية اتبيعهم

مرحبا

انا اشتريتهن من عند الاخت ام كاكي

أختي قصدج الشفافه البلاستيك ،،،، لفيت الجمعيات كلها ما حصلتهم ،، بس وحده قالتلي عند البيادر إللي في النادي السياحي

للرفع …

فيه في هوم سنتر
يبيعون منه حجمين
يكون شفاف باللون الابيض والاحمر وفيهم غطا
يعني ينفع حق الجيلي والكريم كراميل او حلى الشوفان,,يعني اي نوع حلويات
6 حبات بـ 5 دراهم
رخيييييييص وفنان

مشكورين خواتي و ما قصرتن على الردود الطيبة اللي تثلج الصدر

ابا صالون اسوي فيه فير حق بنتي الصغيرة

السلام عليكم شحالكم بنات

ابا مكان اسوي فيه فير حق بنتي الصغيرة عمرها 3 سنوات اخاف اوديها مكان ويحرقونهااا اتمنى حد يدلني مكان مجرب في بوظبي( باجر ابا اوديهااا)

اذا ..انتي بالعين سيري بتافيا …..واذا في بوظبي عندج عروس الخليج ها الي جربته وحسيته حلو ……

اذا انتي من الشارجه سيري صوفيا اللي ف حلوان

او صالون الروعه في الشهباء

اب اب

ان شا الله البنات يفيدوونج

ابوظبي
عروس الخليج

مشكورات خواتي .. تدرون اليوم سرت عروس الخليج ماطاعو يسووولها فديتهاا اتصلت في صالون سناء قالوو تعالي ولو مادزيت فسي بين الحريم جان ماسويتلهاااا

بنااات الراك بليز وين احصل الكاسات الصغيرة

السلام عليكم ورحمه الله و بركاته

شحالكم سيداتي ….

بنات انا ادور الكاسات الشفافه البلاستيك اللي انحط فيها السويتات وين اقدر احصلها ف الراك

لا تقولين لي تاجره تبيع لاني انا حاليا مب مستقره فالامارات

فبليز اللي تعرف مكان معين فالراك يبيع هالكاسات تقولي

ومشكورات وما قصررتن

وربي يوفقكم اجممعين

اختي بالدار بتحصلين اللي فالمعموره ..
بعد بفالكون اللي مجابل كارفور اظني هناك ..
وبالتوفيج ان شاء الله

مشكوره اختي

بس المكان وين بالظبط في المعموره

ربي يسعدج دنيا واخره

فالسفير اللي بالنخيل بتحصلين منهن اشكااااال

انا حصلتهم ف راك بلااس و عند اسواق الامارات فرع شمل

الدار مجابل مكتبة المعمورة تقريباً

الحين ف كل مكان

اسواق الامارات وفالكن ومحل الدار اللي فيه سوالف طرررررررررررر

اريد فستان لبنتي الصغيرة ^ ^

هلا خوااتي وبنات المنتدى
عرفتوا موضوعي

اريد فستان لبنتي الصغيرة الله يحفظها لي وعمرها سنتين لان جريب عرس أخت ريلي ومب محصله فستاان لها دلوني على امااكن حلوة ورااقية من المحلاات تنااسب سن لبنتي ..
لان انا ان شاء الله بعد باجر بروح دبي عشان اتشراالي فسااتين ومب عاارفه محلات مااال الفسااتين البنوتاات الصغاار

اللي تعرف ادلني محتاايه عدة محلات لبنتي

هلا حبيبتي …بالبركه ..

بس انتي ما حدتي تبينه من وين…

شفت وايد محلات و وايد خيايط بس احسه ما يعيبني…. بس مره كنت سايره العين … وبالصدفه
في شارع خليفه وسط السوق في محل اسمه خياط محل الاطفال .. مجابل مكدونالزعلى ما اذكر شو
فساتين حلوه راقيه حق البنوتات تحتارين شو تنقين وكله شغل فكتوري راقي…. مب معفوس ..
ولا امبهدل…
الله يوفقج ..وتحصليلها الي يعيبج….. وخبيرينا رايج فيه
ودمتي بخير.

شوفي ماركس اند سبنسر مرات ا يبون شغلات حلوة وبعد مونسون

انا اريد من دبي او الشارقه

انا اعرف في بوظبي

دبي جان تبين ماركات :
دبي مول : وااااااايد محلات
برجمان و الامارات مول

وإذا تبين منفوش بس راقي: مونسون(300 بالكثير) – ماري كلير الشارع المكتوم (قربيب ال 700 وفوق) -وافي سنتر (فوق الالف)

وجان تبين ماركة بقولج بالتفصيل وين والاسعار

اب اب

شعر بنتي الصغيرة .

اخواتي…

انا مب عارفة من وين ابدا….

الصرااااحة عندي بنت عمرها 11 شهر…

وأول ما كملت شهرين حلقتها بموس عالصفر…

صراااحة كان شعرها ناعم… قبل ما احلقها,,,

وبعد ما حلقتها وطول شوي…

قام يلتف لانه حبته خفيفة…

ووديتها الصالون وقصصت اللي ملتف…

وبعدها باسبوعين…
رد وألتف مرة ثانية…

والحين مب عارفة شو اسوي,,,

ساااعدوووني يا حريم…

رد مثل قبل؟!!
يا ربي شو نسوي عشان ينعم!!
انا بنتي نفس الحاله.. حتى يوم طول اشوي كان نعم بس عقب قام يفلفل خخخ
هو ناعم بس على قولتج يلتف…
ولما اسبحها يبين طوله واتحسر انه ما يبين جيه..
فكرت اقصه بس اذا بيرد بخليه جيه احسن عالاقل نركب لها شبابيص ..

بنت ابوي…

تبين الصدق انا احترت…

حتى قلت يمكن ارجع واحلقها عالصفر…

بس اخااافه يخترب اكثر…

والله حاله…

ابغي حد يعرف حل لهالشعر…

لانه استوت فيني حاله هستيرية من اشوووفه…

i think its nomal due to the inheritance reasons

أنا بعد بنتي 11 شهر فديتا في فبراير بتكمل سنه نفس المشكله ما خليت كريم ولا زيت خفيف مب طايع يطول و يلف وكل حد يقولي حسنيها بس ما صدقت يطلع من حسناها وهي ما كملت شهر انشاءلله تغلظ شعور بناتنا

أنا الصراحه الحين من ثمان أشهر ابغي الشعر يطلع لولدي فديته مب رايمه ماأدري شو أسوي
وغامضني ماأبي أحلقه فالبرد بتريا الصيف وبحلقه عالزيرو

نفس الحاله بنتي شعرها ناعم وخفيف مره وكل شعره تشوفينها ملفوفه من يوم حلقت أمي شعرها وانا نفاس والحين عمرها سنتين ونصف ونفس الشئ ماتغير مع اني قصصته يوم صار عمرها سنه بس مافيه فايده والحين جالسه اطول في شعرها مع انه خفيف ….

منو صادف مشكلة العفن والحشرات الصغيرة في المطبخ؟؟؟ ساعدوني الله يرضى عليكم

السلام عليكم

من فترة مصادفتني مشكلة ولايعة جبدي منها والله

فصلت مطبخ جديد خشب والحلوة الشغالة بدل لاتمسحه بفوطة وماي قامت غسلته كله وعقب كمن يوم انصدمت عقب مارتبت الأغراض وكل شي انه الكبتات من داخل كلها معفنه من الماي

خبرتني وحدة أمسح العفن بكلوركس مع الماي مسحته والحمدلله خف وايد

أيام رمضان كنت ماخذه علب وايده مال الدريم ويب والكريم كراميل يعني للحلويات هالأشيا تعرفونها وتخيلوا عقب كمن يوم والا أشوف السدة اللي فيها هالعلب كلها مثل النمل أو أصغر ماقد شفت هالحشرات عالعلب!! شليتهم كلهم والله وعقيتهم من اللي شفته

بس مادري هالحشراتكانت في بعض العلب وانتشرن بالمكان والا ظهرن من العفن!!

وأتاريهم واصلين لرول الكلينكس الكبير وكان تحته السدة وبعد عقيته ع طول وألحين من أسبوع تخيلوا شفتهم بمكان ثاني!!

طولت عليكم بس بقيت أخبركم بالضبط شو السالفة

ساعدوني فديتكم شو أسوي!! ألحين قلت للشغالة بعد تظهر كل المواعين وتغسلهم س شو أسوي بالبلاوي اللي شفتها؟؟

مكان العفن القبلي مستوي مثل البودرة السودا!! بتخبل والله

أحسبي متغمضة عالمطبخ توه يديد وغالي المشكلة مب عارفة شو أسوي!!

قلت بييب شركة تنظيف بس أخافهم يرشون ومايدرون شو السالفة ويخربون الكبت زيادة

بالله عليكم انصحوني وعلموني اذا وحدة واجهت هالشي

أنتظركم سريع والله يجزي الخير اللي ترد عليه

شوفي حبيبتي اهم شي التهوية ثم التهوية يعني لو يستوي اطلعين الكبت فالشمس طلعيه او افتحي الباب والدريشة طلعي كل الاغراض الي داخل وعقيها او امسحيها من برا بكلوركس او ديتول وماي انا احط فحم داخل الكبت يا انج تبين فحم وتحطينه داخل المدخن وغطيه الكبت شوي وطلعيه او تحطينه وهو بارد

وان شاء الله اكون فدتج

ربي يوفقج اختي

إذا كبتاتج خشب يمكن هاي الرمه ماكلتنه ، ماينفع الخشب في المطبخ ، أنا مطبخي ألمونيوم وشفت هالنمل الأبيض ماكل أعواد الشواء الخشبيه ، كنت شارتنهم واستخدمهم وعقب فتره شهور نسيتهم ويوم ييت أبغي أستعملهم انصدمت انها مأكوله وفي الكيس مثل الرمل شوفي شركه مال الحشرات يرشون البيت وخبريهم عن المطبخ ، الله يكون في عونج

شكرا فديتكم عالردود بس المطبخ كيف أطلعه برع مثبت خلاص

والخشب لأنه هالمحل اللي عنده كله خشب بس ياختي مب منه من الهبلة الشغالة اللي غسلته بالماي ومشكلتي مانبهتها انها بس تمسحه ع بالي فاهمة الشغلة

النمل مثل الحشرات الصغيررررررة ماتشوفين الا نقطة تمشي مب رمة كلها الله أعلم شو هي

الغاليه انا اتصلت شركه مال رش الحشرات من الوسيط خذت الرقم ورشولي البيت ماشاءالله افتكيت من كم يوم والبيت متروس نمل وايد كنت متضايقه الحين خلاص ، ياريتني من قبل طلبتهم ، شوفي اتصلي كمن مكان واسأليهم يمكن يفيدونج الله يكون في عونج

عين صابتج الله يعينج قهر

عندي فساتين أطفال مثل ماري كلير والارانب الصغيرة –برجمان

عندي وحده في دبي تفصل فساتين أطفال مثل اللي عند ماري كلير والارانب الصغيرة ومحل قصر الصغار وغيرهم من المحلات الراقية ، إذا تبغين الرقم بطرشه على الخاص

حلو بنتي الصغيرة

بنتي الصغيرة راح تقدم لكم طبق حلو ان شاء الله يعجبكم :

6 كافي تويكس ,كوب كورن فليكس
نذوب التويكس و نضعه فوق الكورن فليكس ونخلطه ونكوره ونضعه في الفريزر ويقدم مع القهوة

حلا لذيذ
والاحلى صاحبة الحلى الصغيرونه

حلوة فكرتها فديتها ياااربي .. ربي لا حرمج منها ..

بسوييها ان شاء الله

تسلم ايديها
فدييتها الله يحفظها لج ..

الله يخليها لج ان شاء الله

المشاركة الأصلية كتبت بواسطة بنوته18
الله يخليها لج ان شاء الله

ربي يعطيج العافية ما قصرتي

المشاركة الأصلية كتبت بواسطة افناان
تسلم ايديها
فدييتها الله يحفظها لج ..

ويحفظج ربي ويخليج

ساعدوني يا خبيرات وعلموا تلميذتكم الصغيرة!

اشحالكم يا خبيرات التجميل

^_^

عساكم بخير ..! وصحة وسلامة!!

بغيت منكم خدمة…… انا ما اعرف احطلي كريم الأساس على ويهي!!

يعني يوم بحط… بس اكتفي ب summer cake البودرة الحمرة! أبي اتعلم كيف اسس بشرتي.. وأخليها صافية وحلوة!.. وشو هي الخطوات! انا اللي اعرفه (كونسيلر) ينحط بالأول..؟؟ وبعدين ما اعرف شو بالضبط؟؟ هل احط الكريم اساس وعقب اللوس بودر.. وهل البيس هو نفسه الفونديشن…

خخخخخخ والله بخبلكم…….. لأني ما اعرف شو؟؟ وكيف ؟؟ احط الكريم اساس.. وشو خطواته؟؟ وشو هي الأنواع اللي لازم أعتمد عليها..

أتمنى انكم تفيدوني بخبراتكم… وخطواتكم في وضع الكريم الأساس!!

بليييييييييييييييييييييييييييز .. ساعدوني.!!

يلا..

انا بعد ابغي اتعلم!

أفففـــــــــــــــــــــــــــــــااااااااا

ولا رد؟؟

وينك خبيرات التجميل… حتى انا ابغي اتعلم

حبوبه سمر كيك ما تقدرين تستخدمينه مع الكونسلر

لأن سمر كيك عبارة عن أساس مائي و الكونسلر كريمي

أما بخصوص الكونسلرات و كريم الأساس , الكونسلر ينحط على الأماكن اللي فيها بقع أو آثار

و بعدين ينحط كريم الأساس فوقه و يتوزع بشكل كامل على الوجه , و بعدين تحطين بودرة عشان تثبتين فيه كريم الأساس

و بعدين تحطين بودرة عشان تثبتين فيه كريم الأساس .

و آخر شي تحطين لوس باودر مع لمعه , عشان تعطين إضاءة للوجه

أتمنى أني فدتج ^^

ان شــاء الله اكون افدتج حبيبتي,,^^,,عالخاص,,,

للرفع