الوسم: الصراحة

..

عمري 20 سنه .. يوم دخلت الجامعه في أول كورس ما تمت وحده ما صارت ربيعتي ..

بس بعدين و فجأة صارت بينا خلافات ..

فــ الكورس اللي بعده تميت ايلس روحي ..

و السنه اللي طافت رتبت جدولي في الكورسين بحيث ادخل كلاس و اطلع للثاني سيده بدون اي بريك.. فمن اخلص اطلع للبيت سيده ..

و الحين هاي ثالث سنه و ما زلت اسوي جدولي نفس الشي ..

المشكلة ..

أنا من قبل يعني من الإبتدائية و انا انسانه اجتماعية لأبعد الحدود اموت في السوالف و تكوين الصداقات ..

و الحين مووول ماشي حياة اجتماعية و ها الشي وايد مضايجني ..

أبا ارد مثل قبل بس ما اعرف كيف..

شو أسوي ؟

شخباركم بنات وحريم

المهم أنا اليوم أريد اشوف رايكم هل انتو مع أم ضد هذا الشي

ما بطول عليكن بدخل فالموضوع ربيعتي تكلمني تقولي عن وحدة من ربيعاتنا أيام المدرسة تزوجت وعمتها صغير فالعمر يعني مب وايد كبيرة يعني العمة متزوجة وهي عمرها تقريبا 14 أو 15 يعني حاليا عمرها يمكن فالثلاثينات المهم عمتها حامل وعيالها عصبوا أونةأنتي بتفشلينا عيالج متزوجين وقريب بيسون عيال وأنتي حامل يعني حرام واايد يجرحوها وأونة أحنا ما نبي هذا الياهل أنا عصبت الصراحة يعني أنتو شو يخصكم يعني هي تبي عيال عيب الصراحة يعني ليش يسون جذي أصلا أمهاتنا متزوجات وهن صغار مب مثلنا زمنا غير عن زمنكم

ألحين أريد أعرف رايكم

ما يخصهم ! كيييفها لا فشله و لا احرااج !
اصلا ونااسه لو ربت مع حد من العيال ههه ..! [ لو في حوامل ]

بس ابد ما يخصهم ..

مرحبا خوااااااااااااتي ،، ادري وايد أسال ادخل بنك مرت اخوي واسال ،،

عموما الغاليات حبيت اسالكم سؤال ،،، وأعلى صوت بسير عندها،،،طبعا أبا ردود بامانه؟؟

امممممممممممممممم

سؤالي هو ،،،

مكياج منو أحلى آمنه الحوسني أم موزه الغفلــــــــــــي

كيف حالكم عساكم بخيييييييير

الغاليات اي وحدة تقرا موضوعي اتمنى قبل لا ترد تحط نفسها مكاني وتشوف

شو هو اللي لازم تسويه بالضبط .. الله يسلمكم انا مشكلتي اني احب واحد بس

شوفوا كيف تعرفنا تعرفنا عن طريق مرسم يعني مال الرسم حبينا بعض وجي

بس ما اطورت العلاقة لحد التيلفون ولا شي ثاني بس ارمسه عالمسن وانا

بصراحة هالانسان تعلقت فيه وايد ما تتصورون اشكثر وهو نفس الشي ولا عمري

شفت من اي غلط كله ينصحني ويقولي سوي هذا ولا تسوين هذاك وهذا غلط و

هذا صح يعني الحمدلله ولا عمره قالي عطيني رقمج ولا ابا اشوفج يعني كله

عالنت وكله نصايح وجي والحين بعد ما عرفتوا المشكلة ابا اخذ رايكم في

الموضوع هل هذا صح ام غلط ولو غلط شو الحل وانا مكملة وياه 3 سنين وما

شفت منه اي غلط وانتوا شو رايكم في الموضوع الغاليات اتمنى تفيدوني وبرايكم

هالعلاقة شو بتكون نهايتها ؟؟؟؟؟؟

اختكم

بس اذا شفتيه يبغيج اتكونين بس ربيعته

بس باسلوب الوحده تقدر تذوب الشمع وتفتح الكتاب صفحه صفحه
مب شرط كل يوم صفحه ممكن كل شهر صفحه

صرنا انا وريلي نفهم لبعض من مجرد نظره فعلا كاننا نتكلم بس ما نتكلم ونفهم شو نريد نقول
الله يسخر لج ريلج ويحنن قلبه وينهدق عليج مره وحده :1 (70):

يا بنات انا اتدرب في مكان كل الناس يتمنون يشتغلون فيه و المعاشات هاي هاي الهنود ياخذون 7 و 6 و 10 الاف
وين المواطنين ؟؟؟

20 30 40 60 70 80 وين الله يعطينا مثلهم ان شا الله

المهم انا موضوعي مع الي اتدرب عندهم في المكتب كرهت نفسي منهم

في واحد يشتغل و يكتب معاملات لكل الناس خاصة الموظفين يا بنات و لا جنه ما يشتغل احس انه عل فاضي

انا ما ابه اتكلم بسوء بس اعصاب الناس الي يتعاملان معاه يعني الكوستمر تخيلو يخلي الهنود و البتان يتريون الين ما يخلص معاملة اماراتي و مع انه هم قبله
حرام جذي شو الفايدة الناس يدعون عليه
اوكي مش هذي المشكلة
المشكلة الاساسية هي الاسلوب
اسلوبه مع المواطنيين رايق و حلو و ترحيبي
بس اسلوبه مع غيرهم بلا رفق و لا رحمة يقولهم بعد ساعة تعالو
او بعد ربع ساعة
و لا يخلص معاملاتهم
او
او الين ما يخلص كل المعاملات
تخيلو واحد يترياه ساعتين اخر شي قاله تعال باجر

واحد شيبه هندي قاله تعال باجر و لما ياه مواطن في نفس الوقت قاله فالك طيب

ليييش ليييش يا ناس اذا هذا مسلم هذاك مسلم بعد و انسان له احترامه

يا بنات شو رايكن في الموضووع .؟؟؟ردن علي

الناس سواسيه !!!!!!!! او على الاقل يسووون كاونتر غير المواطنين و كاونتر مواطنين شرات المطار

السلام عليكم ورحمة الله وبركاته

خواتي انا اليوم مقهورة لدرجة فضيعة

من كم سنة عيالنا يدرسون فالروضة وكان فيه مشروع سنابل القرآن وكنا ندفع مبلغ معين عشان يدرسونهم القرآن والاحاديث والمعلومات والآداب الاسلامية

اليوم تفاجأة بمسج من الروضة يبلغونا ان مجلس التعليم رفض هذا المشروع وان لازم يوقف من الاسبوع الياي لانهم لازم يطبقون المنهج اليديد فالتدريس والمطلوب منا نروح الروضة ونستلم باقي المبلغ الي دفعناه

ابا اعرف ليش يوقفونه وشو هو النهج الي يلغون فيه هالمشروع على شانه مع العلم ان كل اليهال يحبون هالمشروع ومتعلقين فالمعلمة المشرفة ما شاء الله بعض اليهال حفظوا جزء عما وبدوا فجزء تبارك

ليش يخلون الاجانب يتحكمون فينا لدرجة يبون يربون عيالنا على كيفهم ويبعدونهم عن دينهم

ليش يعطونهم فرصة يستغلون مناصبهم لمصالحهم بس حتى فالادارة ,, ترا المديرة المواطنة احسها بالاسم بس واذا طالبتي بشي قالولج لازم انشاور الادارة العليا الي هي منو (( الاجنبية ))

ما اقول الا الله يعينا ويوفق عيالنا والله يستر من الي ياي

والسموحة خواتي ع المغثة

كلا م وكان لازم اطلعه والا بنفجر

دخل فالموضوع على طووول

ياسيدات الامارات ..

في سؤال انا حرمت اخووووي الحين حامل واتقول انها تحس يطلع لها هوا من جدام يعني فاهمين اعتقد فهمتوا شو اقصد انتوا عندكم خبرة بهالسوالف وهي مستغربة تقول ليش يطلع هوا من جدام …

والمشكلة يتني اربيعتي مش متزوجة يعني بنت تسألني انتي يطلع لج هوا من جدام قلتها لأ..

قالت عيل انا من فترة واااايد احس بهالشي انا سكت وخفت قلت هالشي طبيعي عادي يعني للمتزوجات وللي غير متزوجات يعني يخصه اذا كانت بنت ولا مو بنت ..

انا ماعرف اقلت بسأل خوااااتي فالمنتدى هم بيفيدوني اكيييييد..

او دكتورة امراض نساء وولادة