السلام عليكم ورحمة الله وبركاته
ممكن تساعدون اباااااااااا حد يساعدني
ريلي ينش الساعه 5ونص عسب الدوام ..مره وعيت ريلي هو دش يسبح وانا حطيتله الريوق وسرت داخل عسب اطيح اشوي هو تريق وراح يشغل سيارته.. سبحان الله فجئه نشيت فتحت باب الصاله شفت باب الحوي مفتوح شوي استغربت ليش الباب مفتوح والشغاله كانت اتنظف الميلس بيتنا صغيروايد وفجئه شفت ريلي طالع من الميلس والشغاله وراه اول ما شافني قالي رحت اسكر دريشت الميلس انصدمت يوم شفته قلتله هاي سوالفك قالي والله كنت اسكر الدريشه وسالت الشغاله قالتي صرصور في الميلس .. رحت الصاله وكنت اصيح مب قادر من اللي شفته ريلي يااااااااااااا وحلف ما في شي بس انا حاسه ان في شي وقالي شو تبين لو تبين اسفره انا بسفرها المهم سفرتها … هي حركاتها مب زينه وتدلع ومره اخوي قال عنها وخربت ريلي وقال بنسفرهاوتمت اتصيح بس انا ما رضيت قلت حرام ما كنت ادري جي بيستوي ماتوقعت ..والحين سفرناها وهاي السالفه من اسبوع ومن يومين ارمس ريلي رمسه عادي من ورا خاطري ..ما عرف شو اسوي قولولي
السلام عليكم…مرحبا اختيه شوفي انتي تعرفين ريلج وتعرفين اذا هوه من هالنوع والا لا…كل وحده تحس بريلها..ويوم بتيبين شغاله هاتيها كبيره شوي وشكلها لوعه خخخخخخ…بس شوفي أنا حاسه بشعورج الله يعينج..بس يوم سفرتيها أهم شي…والله وايد أسمع سوالف هالشغالات عينهم على صاحب البيت..الوحده يايه تشتغل والا يايه تسوي بلاويها والله لا اتأمنون عليهن والله يصبرج…والشغالات فتنه…فاحذروهن…
الله يعينج
الله يصبرج ان شا الله …. الخدم شر لابد منه يوم بتيبين شغاله استخيري و عقب هاتي وحده كبيره فالسن
و الله يسخرلج ريلج و يهديه ان شا الله
لا حول ولا قوة الا بالله العلي العظيــــــــــــــــــــــم
عزيزتي شوفي خلاص مدام سافرت الشغالع
تعوذي من الشيطان وابدي حياتش من جديد مع رجلش
الله يصبرش بس شتسوين ببتهاوشين معاه تناسي الي صار
وسالفة الشغاله الافضل لش انسيها ترى الشغالات سوالفهن سوالف
شوفي سالفتش هاي زي سالفة صديقتي تقول:
انها يوم من الايام كانت صاعده الدور الثاني لغرفتها تدور الشغاله
فجأة شافتها طالعه من غرفة ابوها والابو ياحسرتي عمره تقريبا 60 سنه او اكثر
يعني رجله والقبر ويوم شافتها الشغاله تصومعت قالت لها بابا يبي ماي
ومرة في المطبخ توه بيقرب منها الا والبنت الله يعينها تدخل المطبخ والابو تخربط قال لها اشم ثمها ريحتها
كله خايسه من الثوم ومررررررررررررررررات كثيره طاحت عليه وساكته خايفه على امها تروح فيها
وماتبي تنكس راس ابوها الارض جدام خواتها واخوانها ويصغر في عيونهم
وعسب البنت تزوجت وتقول شاكه في ابوها مع الشغالات والمره ياعيني عليها ياغافلين لكم الله
يالله شتقولون في مصايب الشغالات والله حرام بس الحاجه لهم
الله يعينش تصرفي بحكمه مع زوجش عشان لاتهدمين حياتش.
اختي هيه حلوة
ماعرف والله شو اقول
بس مستغربة كيف الرياييل جي
