الوسم: السودا

هم يحطون فيه صبغه عشان تسود الشعر

لكن شئ حنه اللي وايد تصبغ اللون الغامج عنابي

حذته من وحده هنيه في المنتدى (انجودة) على ماظن

بس هي حناها تنعم الشعر وصراحة خلت شعري اسود فحم … انا كان شعري بني فاتح

المشاركة الأصلية كتبت بواسطة ام نانو

اختي ما شئ حنة سوده

هم يحطون فيه صبغه عشان تسود الشعر

لكن شئ حنه اللي وايد تصبغ اللون الغامج عنابي

انا امي تشتري من عند وحده بلوشيه

هلا حبيبتي من وين هالحرمه ؟؟وبكم ؟؟

المشاركة الأصلية كتبت بواسطة pinky pearl

انا سويت الحنا السوداء

حذته من وحده هنيه في المنتدى (انجودة) على ماظن

بس هي حناها تنعم الشعر وصراحة خلت شعري اسود فحم … انا كان شعري بني فاتح

والحمد لله الحين لي 8 شهور من سويتها ومااستوى في شعري شي ماشاء الله

هلا الغاليه انا بغيت عشااان اللون ويكون طبيعي كانت الحنه طبيعيه والا؟؟؟وشورايج فيها اخااف اتخربلي شعري ماتعرفين شي طبيعي*_*

وايد مواضيع أقراها في قسم العناية بالشعر عن بنات حنن وعقب تندمن !

حبيباتي انا امسات في الكارفور حصلت منتجات بوندس وسالت فلبينيه هناك تشتغل قالت لي انها وايد زينه حق البشره ، وانا عندي خطوط رقيقه تحت العين مع اني عمري 26 سنه وطبعا هالات سودا ونصحتني ها الفلبينيه بكريم بوندس بالمفعول الثنائي للعين

وهو عباره عن علبه داخلها كريمين واحد لونه ابيض ( للهالات السودا تحت العين )
والثاني لوبه وردي ينحط على الجفن العلوي للعين ( للتجاعيد والخطوط على زوايه العين )

احين انا استعمله من يومين بس وطبعا بعدها النتيجه ما طلعت

ياليت خواتي اذا حد مجربه او سمعت عنه او تعرف اي شي عن هالمنتجات تخبرنا وما تبخل علينا وان شاء الله اول ما اشوف النتيجه اكيد بخبركن عنها عسب كلنا نستفيد لاني وايد اشوف في هالقسم عن مشاكل الهلات السودا والتجاعيد المبكره تحت العين

يلا حبيباتي اتريا ردوركم الحلوة وخبراتكم

هنالك عده طرق لازاله السواد:

1 سخني زيت زيتون وحطيه على المنطقه السمرى المراد تنضيفها وافريكها باليمون وقليل من الملح ثم اغسليها وكرريها الى ان يختفي الاسمرار على الاقل استخدميها مرتين في اليوم .

2 ليمونه مع شويه زيت زيتون وتبللين القطنه في الزيت والليمون وتدلكين بها الجسم .

3 زيت زيتون + ملح ادلكيها على المنطقه السوداء وراح تعطيك النعومهوالتفتيح

4 استعملي الليمون مع الملح كل يوم واحسن شي اعصري كميه من الليمون وذوبي فيها الملح

( قال ركبنا سود قال )

منقول للامانه

شحالكم خواتي عسااااكم بخير ,,,؟؟

ها شو اخبار الخلطات والوصفات ترى لا تجربوون اي شي لانه بشرة الوجهــ حساســـــهــ …بس الي بخبركم اياااه في الموضوع ما لـــهــ اي اثار جانبيــــهــ لانه كلــــــــه طبيعـــــــي …

في البدايــــــة وولأمـــــــانه في يوم من الايام وانا اتصفح النت لقيت موضوع عضوه تقول انها تستخدم زيت جنين القمح حق الهالات السودا …وطبعا لانه اختكم مجابله الاب توب وسهر بدون فايده .. ما اهتميت بالموضوع واايد بس قلت ليش ما اجرب …رحت عند العطار وقلت له اذا عنده قال ماشي غير زيت القمح ب25 درهــــــــــــم …قلت لا ابغي جنين القمح وما خذت منهـــ …بعد فتره سافرة العمره وتحديدا في المدينه المنوره يا كثرهم الي يبيعون زيوت واعشاب طبيعيــــــــهــ …وانا ماره عليه ,,سألته اذا عنده الزيت …والحمدلله لقيتهــ …بس بسعر اغلى 75 درهم ع غرشه صغيره …كاسرته وخذتها 60 درهم ..المهم بعد ما رجعت من العمره ويهي اسود << انا حنطاويه ع اصفرار يعني لا بيضا ولا سمرا …بس احب ويهي يكون منور عشان جذي ادور ع شي يفتح الوجهــ ويبيضهــ …

رديت الاماراااات …حطيت في بالي …كل يوم اسوي سكراب للويــهــ طبعا استخدم سكراب يناسب بشرتي …وبعديـــــــن اغسل بصابونــة البابايا الي خذتها من الصيدليــــــهــ …وبالليل نفس الشي بس ما اسكرب …اغسل بالصابونه وبعدين افرك من الزيـــــت قبل النوم احط كميه قليله في ايدي وافرك …لين احس انه ويهي تشرب الزيـــــــت وانام عااادي …

صار لي اسبوع ع الحــــــال …والله احس بشرتي ناعمــــــــهـــ وحتى شوي احمرت والهالات بتدت تخف ما اقول اختفت بالمره لانه هذا الشي يباله استمراريــــــهــــ …وما بخلي شي بذمتي واقص عليكم واقول لكم انه من اول استعمال اختفى السواد …

وبعد خلطــت كريم جيلوسيد مع عصرت ليمونه وزيت جنين القمح واحط منه حق ركبــي السود وبعد خف السواد …

وع فكره زيت جنين القمح لهــ 3 فوائد …
1- يفتح البشره ..
2- يشد الترهلات …
3- يفتح المناطق الحساسه ,,

وما له اي تأثير سلبي لانه زيت طبيعـــــي ..

حبيت افيدكم بمعلومتي وتجربتي الي بتجرب الي انا مستمره عليــــــه تخبرنــــا ….

والي تجرب تستمر ع الطريقـــــهـــ لفتره لانه كل شي يباله وقت مب من اول استخدام نشوف النتايج ..

ودمتم بود …

^ _ ^

خواتي الهدف من انه احط مواضيعي ف هالقسم انه ابا افيد اكبر عدد من البنات لي يعانن من المشكله شراتي . .

ها رابط موضوع حطيته اهنيه عقب ماسويته وجربته ع روحي . .

Click Here

بس قبل مابدااا ابي شي حبيت تدعولي باللي اتمناااه وكل عام وانتو بخير بمناسبة السنه اليديده

نبد بسم الله

سرت العياده انا واختيه عند اخصائية بشره وهيه كانت تتعالج عندها وانا مخلصه عسب الحبوب

وغيره . . المهم دااار هالحوار بيني وبين الدكتوره . .

أغليك : دكتوره شسالفه تظهرلي حبة حبتين انا مابا جي خخخـ ع كيفي
الدكتوره : ماعليه هالحبوب تروح وتيي هب مشكله
أغليك : أهااا اوكيه هب مشكله بس كل ماتظهرلي حبه ع طول أسكنول ليمون بقطنه عليهاا شوي شوي . .
الدكتوره : هيه جي اوكي بعد اتخوز الحبه

ومن عقب هالشي أغليك تمت سأكته

الدكتوره : اناااا مب عاجبني السواد لي تحت عيونك بالمره
أغليك : شو اسوي دكتوره كل يوم امسح بماي ورد ومن هالسوالف ماحسه يخف
الدكتوره : انا بكتبلج كريم يخوزهن ف 3 شهور بس لازم اتواااظبين عليه
أغليك : أوكيه هب مشكله المهم هالهالات السودااا لي ملعوزتني اتروح

من عقبهاااا قلتلهااا دكتوره تقريبا سعره غالي قالتلي تقريبا

الكريم أسمه :neostrata bionic eye cream
الصناعه : أمريكيه
السعر : 180 درهم
المكان : تلقينه ف الصيدليات دوريه
الصوره :

ملاحظه: كل يوم اتحطين منه نقطه ولا نقطتين بس وتمسحين تحت العين . . اهم شي للسهر لا لانه الحين اعدل رقادي الساعه 10 تلقوني راقده . .
وثاني شي كثرو من الماي الفواكه والعصاير الطبيعيه والله انه
الهااالات عندي خفن بس هب وايد لاني مكمله الحين اظني تقريبا اسبوعين

ممم وخلصنا الموضوع

دعواتكن لي . .

وأي سؤال تراني حاضره

المشاااهداات اكثر عن الردود =(

المهم صدقج والله انا بعد جي شراااتج عادي ايلس بدون مكيااج كم شهر ف المناسبات احط بس غيره نووو حدي واقي شمس ومرطب الشفايف لااانه فعلا المكياج يدمر البشره فلازم لها عنايه غير انه يأثر ع الهالات السودااا . .

لازم انتظر دووووور سألت
×××

عندي سؤال الله يخليكم

ابا اسأل اذا اي حد تعرف علاج للمنطقة السودا في الفخذ

وعن اي منتج يخوز الشقوق الي تكون على الفخذ

الي تطلع بعد الحمل او بعد الرجيم

اتمنى انكم تفيدوني

يعني الاغلب يعااني من هالمشكله ..
وانا وااايد سمعت عن الخل .

و في وحده في المنتدى تبين كرريم للشقووق .. و في واايد جربووه و فاد ويااهم ..

احتماال اخذ منها و اجربه …. بس كيف اقنع امي ..

يعطيج العافيه

بس بغيت اسالج النتايج بالنسبه للهالات عقب كمن يوم اتبين ؟

يا بووج ويوهنا فيها بلاوي خخخخخخخ

انزين فديتج كيف المقادير يعني كم زيت و كم حبة سوده و كم طحين؟؟

و كم نخليه على الويه ؟؟

و فديتج تخبريها جان تعرف شو نسوي بالويه اللي فيه حب و اللي يتقشر شو نسووويبه >< <<<تعاااااااااني

حليلها الحرمه سويناها خبيره بس ماشاءالله السوريات احسهن خبره مب من شوي ماشاءالله ويهون تلق خخخخخخخخ

للرفـــــــــــــــــــع