الوسم: السبب

بيطلقها والسبب .؟؟ حسبي الله ونعم الوكيل

في ريال مالج على بنية صارله فترة، وهو قاعد يمر بظروف صعبة من كل النواحي العملية والمادية، والبنية من النوع اللي عصبية ولكن والله عصبيتها مب عمّال على بطّال، بس يوم تنعق عليها كلمة أو تتعامل بأسلوب ما يعيبها هني تعصب.. وعقبها بدقايق تهدى وترجع طبيعية..

وخلال فترة الملجة مروا بكذا موقف عصبي ولكن كانوا يتجاوزونه بالحب والود..

ولكن أمس،، تعرفون شو إستوى؟؟؟؟
سار بيت أهل البنية وقالهم أنا قررت أطلق بنتكم، لأن طبع العصبية فيها ما بيتغير..

ومتمسك بقرار الطلاق، لدرجة إن حرمته تمت تصيح جدامه وتقوله بأي ذنب بتطلقني؟ عطني فرصة أخيرة وبتشوف أنا شكثر بتغير.. قالها إنتي كل شي فيج حلو وألف ريال يتمنى زوجة مثلج ولكن أنا وضعي مب متحمل عصبية..

ورغم البكا والتوسلات لكن للأسف، كل ما كانت تصيح وتتوسله كان قلبه يقسى وقالها أنا خلاص قررت والموضوع منتهي.. حتى أم البنية تمت تصيح جدامه وتقوله إنته زوجها المفروض تعلمها وتفهمها، قالها أنا طول فترة الملجة حاولت أفهمها إني ما بتحمل عصبيتها ولكن مافي فايدة..!!!

وطلع من بيت البنية وهو يبكي، بس ما عق عليها كلمة الطلاق، وطلع بدون مايقولهم متى بيطلقها..

شو رايكم ياخواتي في هالموقف؟؟ كيف تتصرف البنية

لاحول ولاقوة إلا بالله بس مهما كان مب سبب عسب يطلقها!!

عزيزتي في باديء الامور اول ما عليها تلجأ لرب العباد وتصلي صلاه الحاجة وتطلب من ربها ان النفوس تهدى ولازم حد من اهلها اقصد الريايل يدخل في الموضوع .. شكلة يباها بعدين هيه الله يهديها الدنيا اخذ وعطى وانا شد ولازم انتي ترخين الحبل ……… هب كلة معصبه ! خلها تتوكل وتصلي وانشالله بتنحل مشكلتها أذن رب العباد

اممممممممممممم خوفتيني تعرفيين ليييييش لان انا اعرف وحده بعد قريب بتملج تقريبا كل شي زين فيها بس شو مزاجهااا يوم يتعكر خلاااااااص واذا حطت شي فباااااالها انسوا تكلموونها لين ماتهدا وتقتنع بالشي بترد طبيعيه

الريال متفهم هالشي الي فييها ويقووول انا بستحملج بس حاولي اتغيرين من هالطبع
بس اخااف عقب الملجه يطلقهااا ومب حلووووه
الصراااحه لازم اخبرهاااا

المهم والله الصراحه مااعرف شووواقووولج بس انتوو تريوو عليييه كمن يووووم وخلووه يهدأ هو ماعق عليها كلمه الطلاق والله يهدييه ان شاءالله, يمكن يبا يشووف البنت بتتغير ولا

وهي خلها اتصلي استخاااره وتدعي ربها اذا هالشخص خير الهاا بتاخذه واذا شر الهاا الله بيعوضها الي احسن منه

ومحد بياخذ غير نصيبه في الدنياا

الله يعينها ….

البنية محتاجة للدعاء.. أرجوكم إدعولها..

إدعولها يا بنات، عسى الله يستجيب للدعاء

يمكن يا الغالية هو ما يبي يطلقها بس يهدد ويبي يشوفها بتتغير ولا يمكن جذي السالفة مدامه طلع من بيتهم لا طلقها ولا شي وتراج تقولين طلع من عندهم وكان يبكي

تعبت نفسيتي والسبب .؟؟؟؟؟؟؟؟؟

مرحب مــرحب

شحالكم بناات ؟؟

بناات بعد اسبووع بيي خطيبي و بيشوفني والله اني متضاايجه و متكدره و زيغااته و تعبانه نفسياً مب قااادره لا اشرب ولا ااكل شي .. احس اني مب قااادره اسوي شي .. احس ان ريجي و عروقي نشفت .. انا شكلي زوين يعني زين بس انا خيفاانه واايد .. احس اني وحيده بهالدنياا مااعندي احد يساندني ولا ينصحني و يساعدني .. والله اصيح بعدين اخاف ادش اصيح يقولون الناس هاذي مغصوبه .. والله من الزيغه اصييح محد حااس فيني .. بناات انصحووني او ع الاقل ادعو لي .. اخاف اكون مب حلوه جدامه .. او مااعيبه مع ان اهله عاايبتنهم بس زيغاانه ..بناااات ارفعو معنوياتي شوي او قولولي أي شي و دعولي الله يسهل

لا تخافين عزيزتي ان شاء الله بتعجبينه

توكلي على الله ولا تفكرين وااااااااااااااااااااايد

عندج وقت على الاقل ني ماعندي …قوي قلبج بسسسسسس

مب عارفه انصحج وانا شراتج : (

حاااسه فيج : (

لاتخافين بعدين انشاءالله يوم بتخلص السالفه بتقعدين تضحكين علي عمرج ليش انا كنت
خايفه

لاتحاتين عادي خليها علي الله والله بيسهلها عليج انشاءالله

مرحبا
أختي أهم شيء أن يكون عندج ثقه بنفسج
صدقيني هذا الشيء بينعكس على الشخص اللي قدامج ( خطيبج )
عرفت هذه النقطة لأنها كانت ناقصتني والحين أحس أني وايد تغيرت وصرت اجتماعية أكثر من قبل لأني تعرفت على وحده ما شاء الله عليها على كثر المشاكل اللي عندها لـــــــــــكن ثقتها بنفسها كبيره وهي ما شاء الله عليها سعيده مع ريلها مع أن المعجبات بريلها واييييييييييييد ( مشهور )
الله يوفقج ويسعدج وتشوفين خطيبج ويشوفج وإنت كلج ثقه في نفسج

فديتج الله يسر امورج ويبعد عنج الخوف …

توكلي على الله ….

اهم شي الثقه غلايه
وحاسه فيج والله
بس انتي خلج واثقه من عمرج .. والله يسهل امورج يارب

ابني دائما بطنه يوجعه مش عارفه السبب

السلام عليكم ورحمه الله
خواتي ابني بطنه بيوجعه دائما اخدته فحصته الدكتور حكالي ما فيه شي عملتله تحليل بول وبراز برضو ما في شي الحمد لله بس حد بيعرف شو لازم اعمل حكالي الدكتور الغبي عادي بس انا مش مقتنعه ومش عارفه ايش السبب؟؟؟؟؟

كم عمره

وما ايشوف شر؟

شربيه ماي غريب او عطيه برتقال افرش

نفس حالتي ويا بنتي
نصحوني اعطيها شاي نعناع
افور ماي واحطه بدله فيها نعناع فرش
واحليه بالعسل او السكر
وما جربت لاني اعرف بنتي ما بتشرب

جان رضيع عندج اليانسون والبابونج ومسحي زيت زيتون على بطنه

ولازم الطفل يتجشأأ جان رضيع طولي بالج تري بعد ما يرضع ثواني

الحليب ينزل بطنه بعد ثواني نومي على بطنه بيتجشأ أن شاء الله

جااان عووود عطيه شويه (مــر) وما يبه الا العافيه

وربي يسهلها عليكم

هلا حبيبتي
انا عندي بنت عمرها 4 سنين .. كان دوووم تشتكي من بطنها
وديتها العيادة سوولها تحاليل وأشعه وقالوا ما فيها شي
بقت على هالحالة تشتكي من بطنها 7 شهور

عقب وحده يزاها الله خير نبهتني على شغله وقالت يمكن فيها دود في بطنها وقالت عطيها شوفيه اذا بتتحسن ولا لا

رحت الصيدلية وشريت دواء الدود وعطيتها الدوا لمدة 3 ايام .. وطبعاً في اليوم 3 جرعات تاخذهم

من عقبها البنت ما قامت تشتكي الحمدلله وتحسنت .. وتكرمون شفت ديدان عقبها

فالظاهر حالة ولدج شرات بنتي .. عطيه الدوا وشوفيه اذا بيتحسن او لا

عطيه دوا للدود
للانه بنتي نفس الحالة وسولها تحاليل
وقالو مافيها شي
ويوم عطيتها دوا الدود ما قامت تتشكى الحمدلله

ربيعتي بتموت خلاص والسبب ريلها راح ما رجع

بنات ربيعتي يتها حاله هستيريه اخاف تموت والا تسوي بعمرها شي شو الحل ريلها سافر من 3 ايام لمهمه عمل رسميه ولين الحين ما شي اخبار عن ريلها اتصلت بالدوام قالو انه سافر هناك بس ما يعرفون عنه اي شي والمفروض يكون واصل البلاد دقو للفندق قالو ما في حد بهذا الاسم شو تتوقعون صار فيه قلولي علشان اريحها هي تقول ريلها كلمها من هناك اول ما وصل المطار ومن عقبها انقطعت الاخبار

اول شي خلي تستهدي بالله .. وتحط ثقتها بالله ثقه عمياء
مب كل شي اييها تييها حاله نفسيه

يمكن الريال ما راح الفندق اللي تتصلون فيه
يمكن سافر لدوله ثانيه ..
يمكن شرد …
مليون شي وشي
فخليها تسدهي بالله .. وتؤمن ان ريلها … ان شاء الله بيرجع لها

خليها تسهدي بالله يمكن سبحان الله غير الفندق لظروف و يمكن سبحان ما شي أرسال ويمكن ويمكن خليها تحط أحتمالات بعدين ثلاثة أيام يعني مب اسبوع او اسبوعين ع العموم الله يطمن قلبها ع ريلها ويرد لها سالم

المشاركة الأصلية كتبت بواسطة za3franah
اول شي خلي تستهدي بالله .. وتحط ثقتها بالله ثقه عمياء
مب كل شي اييها تييها حاله نفسيه

يمكن الريال ما راح الفندق اللي تتصلون فيه
يمكن سافر لدوله ثانيه ..
يمكن شرد …
مليون شي وشي
فخليها تسدهي بالله .. وتؤمن ان ريلها … ان شاء الله بيرجع لها

هي كلمت الدوام وخبروها انه اسمه ضمن الموجودين في الروحه بس في الرجعه اسمه مش موجود وحتى الفندق وهو مب من عادته يغلق تيلفونه وحتى الدوام مستغربين ويقولون لها اتريي بس تعرفين الوحده في الحاله تكون على اعصابها ؟؟؟

الله يطمن قلبها

خليها تكون قويه

يمكن الريال غير الفندق

يمكن سافر مكان ثاني

الله يعينها الصراحه بس خليها تدعي ربها وهو بيفرجها عليها
استغفر الله واتوب اليك

الله يطمن قلبها ويرد ريلها إن شاء الله يارب

لحقووووو ريلي تبـــــــرأ من اخــــوه والسبب

طبعا قريتو العنوان

ربيعيتي امس تخبرني انه ريلها تبرأ من اخو في مركز الشرطة جدام الضباط والمسؤولين قال انا واهلي متبرين منه لين يوم القيامه نزل روسنا في التراب ومايشرفنا انه يكون اخونا

والضابط يقول نحن دوم انجكهم وايي واحد من ربعه الرياييل يكفلونه ويضهرونه بس هالمره قلنا بنشوف وين اهله لان مب اول مرة تصير هذه السالفة حتى عالبحر زاخينهم مرة زاخينهم في باريس غاليري يتمكيجون

وريل ربيعتي توه بيدش المسجد يصلي الفجر اتصلو فيه تعال مركز الشرطة

وسار
وانصدم

وقال:هذا سود ويوهنا ونحن عيال ناس وقوم فلان ومافي حد مايعرفنا

وهم 10 اخوان 9 معرسين وريايل والنعم فيهم وعندهم عيال وناس معروفين من ناحية الدين والعبادة والسمعه الطيبة

تعرفون ليش تبروووووو منه

عشان هو

شـــــــــــاذ والعياذ بالله يعني الريال صار حرمه وجكوه التحريات في شقة ومعاه شاذين ولابسين لباس حريم وفوول ميكيب

يوم اخوه شاف المنظر تبرا منه وياريت الشاذ صغير او مراهق لا عمره 35سنــــــه اعوذ بالله

المهم قلت لربيعيتي ادعوله بالهداية يمكن يتغير ليش تتبروون منه مهما كان هذا ولدكم

قالت :مايشرفنا يكون عدنا ولد شرا هذا منزل روسنا في التراب

المهم حرمته تخبرني اتقول اخوانه مهمومين ضاربتنهم غصة في قلوبهم من السالفة

مااقول غير الله يحفظ عيالنا من بلاوي ومصايب وفتن هالزمن المعفن

يوم انع 35 سنه تاثر فيهم وين المراهقين والاطفال؟؟

بسم الله على عيالنا والله يعز رياييلنا اذا واجهتنا هذه المشكله شو الحل برايج

؟؟؟

بس نتبرأ

؟؟

ولا في حلول جذرية

لا حول ولا قوة الا بالله

35 سنه شو خلاا حق اللي اصغر منه
الله يهديه ياارب

@@

صدمه

الله يهديه ان شاء الله ..

ياربـــــــــــــــــــــــــــي
اعـوذ بـ الله منهـــم عفـان الله عفـان الله
مـااعرف شـ قـول بـس اكيـد مـن القهـر طلعت الكلمـه مـن يل اربيعتـج
الله يهديهم ويـردهم لطريـق الصواب !

صددددددددددددددددددددددمه قوووويه

أريد أستقيل من وظيفتي و السبب .

السلام عليكم
بدش في الموضوع ع طول ..
انا اشتغل صارلي اكثر عن سنه في هالمكان
والمشكلة اني اتنقلت من قسم لأخر في خلال هالسنة
يعني خبرتي في قسمي الحالي لا تتعدى اشهر قليله

بخبركم سالفتي و قولولي لو كنتوا مكاني بتستقيلون ولا ؟
مديرتي حرمة و موظفين قسمي كلهم حريم و كل و حدة العن من الثانية
انا عادتي شوي اتاخر في الشغل و احاول اخلصه بسرعة بس لاني وايد دقيقة و ابا اسوي الشغل متقن بس هم ما يعيبهم
تخيلوا فيه شغل يبوني اخلصه في وقت معين ولا خبروني الموعد النهائي له وانا على بالي باقي وقت
ماخلصته جان تحتشر عليه المديرة و خبرت المدير العام و عطاني انذار و سووا اجتماع و نادوني..

حشى الحين الي يشوفهم يقول سويت جريمة وتحقيق ..مايباله كل هذا بصراحة مقهورة
اوكي ما خلصت الشغل في الوقت المناسب المديرة تروم اتقولي في ويهي بس مب اتوصله للمدير العام و س و ج على شي تافه ..و عطوني انذار و صلت السالفة لكل الموظفين

حسبي الله و نعم الوكيل ..والله العظيم متضايقة واااااااايد ولا خبرت حد من اهلي يحليلهم يفكرون اني مستانسة في شغلي وانا اصلا امر في وقت صعب و هم ما يدرون ..ما ابغي اخليهم يستهمون علي ..

والله من دشيت هالإدارة عمري ما ارتحت لأي بنت فيها ولا اندمجت معاهم ..شكلهم يبون يطلعوني من المكان

شو اسوي خبروني ..فيني ضيييجة فضيعة ما اقدر حتى افكر

حبــوبة هآي أول مشكلة اتواجهج واضآيجتي!

في نآس يعيشون كل يوم هزآب ومشآكل ويآ الموظفين بس صآبرين عشآن لقمة العيــش

انتي استخيري وكملي في الدوآم .. واتجنبي الكل..

وان شاء الله هآي المشكلة اللي وآجهتيها اتقويج أكثر وأكثر واتخلي شخصيتج أقوى

والله يوفقج وييسر لج أمورج ..

ملآحظة: اذا انتي مب محتآجة للوظيفة .. استقيلي ولآ انج اتعيشين مذلولة

^
^

هذا رايي لأني مآحب الشغل هههههههههههه

مجرد رآي وتقبلي مروري ^_^

حبوبه الحل عندج
لا تتاخرين حاولي اتخلصين ابسرعه
الله يوفقج
حاولي تكسبينهم واتغيرين نظرتهم لج
الله يعينج

الغالية اعطيج نصيحة

صبري واثبتي انج عكس اللي يقولونه عنج

وحاولى دوم تكونين ايجابيه ومتعاونه خاصه مع المدراء عشان مايخذون عليج بويت سئ فاهمه

الله يوفقج وصبري هذي اهم صفه صبري

فديتج واااااااجهي

واحلى اسلوب للمواجهه هو التطنيش

حتى لو من داخلج ناااار ومقهوورة

حاولي تمتصين الغضب

وحلو انج مقتنعه بنفسج

اهم شي ثقتج بنفسج تكون دايما توووب
ولا تخلين حد يخرب عليج يومج و فرصتج فالشغل

ما انصحج تستغيلين وتحققين مرادهم هم يسوون جي عسب يطفرونج

الشغل هالايام الواحد مايحصله الا بطلعه الروح فلا تتنازلين عن شغلتج

وماعليج منهم طنشيهم وكوني قويه وياجبل مايهزج ريح والي عليج انج مول ماتخلين اي تقصير

او اي غلطة يقدرون يضايقونج فيها حلي كل شغلج اول بأول ولا تتاخرين بالمره عشان مايمسكون عليج شيء

ولو تقدرين تنقلين قسمج عنهم انقلي لو ماتقدرين تم ع جبدهم

هم الي يطلعون انتي تمي وافرضي وجودج بالشغل وماعليج منهم والله يكتب الي فيه خير لج

الاقسام اللي فيها بنات دايمن مشاكل

خلي علاقتج سطحيه معاهم و التزمي بالوقت و خلصي اللي تقدرين عليه

محد بيروم يقولج شي

شو السبب??

السلام عليكم

انا متزوجة من شهرين و دورتي منتظمة وايد قبل الزواج لكن هالشهرين يتني الدورة يومين في كل مرة و توقف و الفحص المنزلي و فحص الدم كله سالب يا ترى شو السبب?? اللي عندها خبرة في الموضوع تفيدني

عادي طبيعي تتغير هرموناتج عقب العرس

لازم تسيرين عياده نساء وعقب بتعرفين شوفيجج

ان شا الله

تغير الهرمون هذا عادي

انا صار نفس الشي بعد الزواج وبعد الشهرين صار حمل

تغير هرمرنات يوم كنتي بنت فرق عن الحين صرتي حرمه

بنات انا متضايقه وايد والسبب .

السلام عليكم ورحمة الله وبركاته
هلا خواتي الغاليات

الصراحه بنات انا متضايقه وايد والسبب اني للحين ماحصلت الصديقه اللي تفهمني وتشاركني افراحي واحزاني .. انا الحمدالله متزوجه وزوجي يحبني وانا احبه والحمدالله هو مب مقصر علي في شي .

بس دايما احس بضيق يوم اتذكر صديقاتي انا بقولكم كل شي بالتفصيل واتمنى القى منكم القلب الوسيع اللي يسمعني ويحس فيني .

كانت عندي صديقه من ايام الدراسه وكنا دايما مع بعض ومول مانستغني عن بعض يعني مكالمات واتصالات بس للاسف بعد فتره اكتشفت انها تجذب وايد الله يهديها يعني كانت تقولي وايد اشياء عنها بس كلها جذب في جذب واللي كشف لي جذبها اهي نفسها تقولي شي وتنسى انها قايلتلي قبل شي ثاني ومرات تقولي اشياء مادش العقل و ماتتصدق ولهذا السبب انا ابتعدت عنها وصارت مكالماتي لها قليله جدا وصرت حتى ما اثق فيها

المهم وفي شهر سبعه سافرت مع زوجي دوله أجنبيه ويلست هناك تقريبا أربع شهور وتعرفت على بنات بعضهم من الامارات وبعضهم من دول الخليج بس في 2 حبيتهم مثل ما أحب خواتي وحده من الامارات والثانيه سعوديه وكنت دايما ايلس وياهم ونسولف ونظحك وخذنا أرقام بعض على اساس اذا رجعنا لبلاد نتواصل . المهم البنت الاماراتيه رجعت مع زوجها قبلي . والله يا بنات اني يوم كنت اودعها هناك كنت احس اني اودع اختي والله العظيم اني حزنت على فراقها المهم بعد مارجعت هي طرشتلي مسج تسأل عني وتطمن وانا طبعا رديت عليها وكنت متشوقه ارجع لبلاد علشان اتصل فيها وشوفها المهم بعد فتره رجعت لبلاد واول مارجعت اتصلت فيها بس ماردت علي طرشت لها مسجات وخبرتها اني وصلت لبلاد وبعد ماردت ونفس الشي البنت السعوديه اتصلت فيها وطرشت لها مسج اسأل عنها وبعد ماردت عاد هاذي لليوم ماردت علي ولا كلفت نفسها تتصل وتسأل .. الصراحه ساعتها حسيت بحزن كبير .. المهم بعد فتره وانا بأحد المراكز التجاريه مع زوجي شفت صديقتي الاماراتيه مع زوجها وسرت سلمت عليها والله العظيم ما تتخيلون اشكثر فرحت لاني كنت احاتيها يوم ما كانت اترد علي ونسيت تطنيشها لي المهم سألتها وينج ليش مارديتي على اتصالاتي قالتلي اسمحيلي الصراحه متلومه فيج كنت وايد مشغوله وطلعت لي اعذار بس كانت اتسولف وتظحك وياي ولا كان باين عليها انها ماتبا صداقتي او شي من ها القبيل المهم يوم ييت اودعها قالتلي ان شاءالله بتصل فيج ولا اتصلت بس طرشتلي كم مسج وانا طبعا رديت على مسجاتها لاني ماحب اطنش حد. وبعد فتره طويله اتصلت وسولفت وياي ومن بعدها مارجعت اتصلت واذا اتصلتلها ماترد والله مستغربه من ها الانسانه هي تبا صداقتنا تستمر ولالا؟ والله العظيم يا بنات اني حبيتها مثل أختي لاني حسيت اطباعها نفسي هاديه وايد وانسانه ملتزمه نفسي الحمدالله بس مادري شو سبب التطنيش؟ والله يا بنات اني يوم تعرفت عليها فرحت وايد قلت اخيرا حصلت الانسانه اللي تفهمني وافهمها لانا كنا نيلس بالساعات نسولف ونظحك بس من رجعنا كل شي تغير.؟
وعندي غير ها الصديقه كم وحده بس بعد نفس الحال مايتصلون ولا يسألون الا نادر جدا كله انا اللي اتصل وسأل انا الحمدالله مانسى ربعي بس هم مادري اشبلاهم جذيه ..
انا الحمدالله انسانه ملتزمه ودمي خفيف وطيبه ومب ناقصني شي هذا بشهادة الجميع بس مادري ليش للحين مالقيت الصديقه اللي أثق فيها. حتى خواتي اللي هم خواتي احسهم بعيد عني دايما انا اللي اتصل وانا اللي اسأل هم مايتصلون الا اذا صارت عندهم مشكله يدورون المنقذه اللي هي انا علشان اساعدهم وحتى اذا صارلي شي حلو وتصلت ابا افرحهم وياي مايعطوني ويه ويكلموني بكل برود وكأن ها الشي ما يهمهم والله يا بنات دايما خاطري مكسور من توفت امي وانا هذا حالي أمي الوحيده اللي كانت تفهمني وكانت تسولف وياي وتاخذ مابخاطري الله يرحمها ويغفرلها ويجمعني وياها وجميع المسلمين في جنة الفردوس اللهم آمين… اسمحولي ادري اني طولت عليكم بس والله ماكتبت ها الكلام الا من الضيق اللي في قلبي لاني مب محصله حد يفهمني …. أكيد بتقولولي انزين تكلمي ويا زوجج بقولكم مب كل شي ينقال حق الزوج يعني في شي ينقال وشي ما ينقال حق الزوج مثل مواضيع المكياج ولكريمات والشعر واللبس ماتنقال حق الزوج هاذي سوالف بنات لان الرياييل مايفهمون في ها الامور وللاسف مب محصله ها البنات اللي اتكلم معاهم في ها الاشياء لاني انا احب ها الاشياء موووووووووووووت احب اهتم من نفسي واشتري كريمات ومكياج بس ابا حد يشاركني اهتماماتي بس مب محصله .

حبيبتي تبيني اكون صديقه لج انا مستعدة.
راسليني على الخاص.

الله يعينج حبوبه وكلنـآ خواتج ..

يالله عاد اضحكي الدنيا ما تسوى والله اتزعلين عمرج على ناس باعتج ..

الغاليه لا تزعلين و لا تحطين في خاطرج

في هالزمن الصداقات اتشتت

والله عني انا وحده كنت امكونه مب شله شلل

قروبات قروبات

تعالي شوفيهن الحين

الدنيا لهت كل وحده فينا

الي نست ربعها

و الي اكتفت بوحده من الشله بس و لا تبا غيرها

و الي اذا بتسولف بتسولف وياي بالمسجات بس أو بالمسنجر

و الي تتصلفي المناسبات بس

خليها على الله

ترا هاذي مب بس شكواج انتي و بس

لا الكل يشكي من ندرة الصداقات في هالزمن

حبوبة والله لو تبين بكون امج و صديقتج واختج راسليني
الله يحفظج

الله فيه خير بيتم يتصل فيج ويحاتيج حتى لو بمسج ، لكن في بعضهم ما يحبوا يتواصلوا، خلاص اقطع صلتي فيها
انا عندي ربيعتي دوم انا وياها حتى مره بالشهر ما نتصل بسبب الانشغال لكن مسجات بينا مو شرط الصداقة تتم وياج على طول سوالف، المهم انها تحاتيج وما تنساج حتى لو بمسج

انا قبل لا اتزوج وببداية زواجي كنت اجتماعيه حياتي هم صديقاتي حتى اهلي يتضايقون كل وقتي طلعات وعلى التلفون

تعالي شوفيني الحين ام وعيالي ماخذين كل وقتتي ودي احصل فرصه لصديقه

اقصد الدنيا مشاغل حبوبه ماحد فاضي لاحد بشكل كامل

عندي صديقات اكلمهم واحبهم وعلى بالي دوم بس يمكن مره بالشهر او كل كم شهر والله بس مكانهم بالقلب

خل صديقاتج خواتج هم الاقرب لج انا اقرب صديقه لي الحين اختي عسى الله لايحرمني منها وان شالله لا صار عندج عيال وشغلج الدنيا مثلنا بتعذرين الناس على مشاغلهم وتركزين وايد على هالسالفه

وصدقيني فيه صديقات بهالدنيا ماتبين تتعرفين عليهم وايد ناس بهالزمن قلوبهم مب صافيه والبعد عنهم غنيمه

شو السبب

خواتي انا صار لي مربيه من 7 شهور ونزلت دورتي بعد الولادة بتاريخ 4/2 ولحد الحين ما نزلت وسويت تحليل حمل منزلي 3 مرات وطلع سالب – وعلى فكرة انا بعد ما ارد من الدوام ارضع طبيعي فهل الرضاعة الطبيعيه اخرت الدورة مع انها نزلت الشهر اللي طاف ولا لازم ارجع دكتورة لا ني ما ابي احمل الحين – انا محتارة هل هالشي طبيعي-

جاوبوني وريحوني الله يريحكم دنيا واخرة ان شاء الله

مرحبا الغالية
عادي فديتج انا من ربيت ما ياتني الدوره ابدا لين صار عمر ولدي 8 شهور عقب يتني وقبل لتنزلي سرت للدختوره وقالت لي هالشي عادي عسب الرضاعه الطبيعيه
والسموحه منج

انا سمعت ان الي ترضع ما اتيها ادوره عادي

بس اختي انا نزلت لي الشهر اللي طاف 4/2 لكن هالشهر تاخرت وايد عشان شي انا مستغربه

عادي الغاليه

مرات بتيج و مرات بطنش يعني مب منتظمه لانج ترضعين

انا اعرف ان اللي تررضع ما تييها الدورة بس انا نزلت دورتي بعد ما كمل ولدي خمس شهور يعني الشهر اللي طاف لكن هالشهر ما نزلت

مشكورين خواتي

زوج يعشق زوجته والسبب‏

زوج يعشق زوجته والسبب‏

هناك سيّدة عجوز ذكيّة حكيمة يحبّها زوجها كـثيراً
حـتى أنه يـحلو له أن ينـشد لها أبيات الحـب و الغـرام !!
و كلـما تـقدّما في السـن ازداد حـبهما و سـعادتهما… !!
وعندما سـئلت تلك الـمرأة عن سر سـعادتها الدائـمة ؟!!
هل هو المـهارة في إعداد الطــعام ؟؟؟
أم الجــمال؟؟؟
أم إنجــاب الأولاد ؟؟؟
أم غيـر ذلك ؟؟؟
قـالت :

الحـصول على الـسعادة الزوجـية بعد توفيق الله سبحانه بـيد
الـمرأة .. فالمـرأة تستطــيع أن تجعل من بيـتها جـنّة وافرة الظـلال أو جـهنّم
مسـتعرة النـيران !!
لا تقــولي المال! فكثير من النـساء الغنـيات تعـيسات و هرب منـهن أزواجهـن …
ولا الأولاد فهنـاك من النسـاء من أنجبن 10 صـبيان زوجها يهينها ولا يحـبهاأو يطلـقها…
و الكـثير منهن ماهرات في الطـبخ، فالواحدة منـهن تطـبخ طوال الـنهار و مع ذلك
تـشكو سوء معاملة زوجـها و قلة احترامه لها … !!
– إذن ما هو الســر ؟؟؟ ماذا كنت تعـملين عند حدوث المــشاكل مع زوجـك ؟؟؟
قـالـت : عـندما يغضب و يثور زوجــي و قد كان عصـبياً – كـنت ألجأ إلى الصـمت
المطـبق بكل احــترام …
إياك و الصــمت المـصاحب لنـظرة سـخرية و لو بالعـين لأن الرجل ذكـي و يفهــمها !!
– لــم لا تخــرجي من الــغرفــة ؟؟
قالــت : إياك .. قد يــظن أنك تــهربين منه و لا تريديـن سـماعه , عليك بالصـمت
و موافقـته على ما يقول حتى يهدأ ثم بعد ذلك أقول له هل انتـهيت
ثم أخرج لأنه سيتـعب و بحاجة لـلراحة بعد الكـلام و الصـراخ …
وأخـرج من الـغرفة أكمل أعـمالي المـنزلية وشؤون أولادي ويـظل بمـفرده وقد أنهـكته
الحرب التي شـنها علي .
– مـاذا تفـعلين هل تلجـئين إلى أســلوب المـــقاطعة فلا تكلمــينه لمدة أيـام
أو أســـبوع ؟
لا إياك و تلك العـادة السيئة فهي سـلاح ذو حدين،
عــندما تقاطعين زوجـك أسبـوعاً قد يكون ذلك صعباً عليه في الـبداية
و يحاول أن يكلـمك و لكن مع الأيـام سوف يتــعود على ذلك و إن قاطــعته أسـبوع
قاطعك أسـبوعين !!
عليك أن تعوديه على أنك الـهواء الذي يستنـشقه والـماء الذي يشـربه ولايسـتغني عنه..
كوني كالـهواء الرقــيق و إياك و الريح الشـديدة .
– ومــاذا تفعــلين بعـد ذلك ؟؟
بعد ساعتـين أو أكـثر أضع له كوباً من العصـير أو فنـجاناً من القهــوة
و أقول له تفـضل اشـرب , لأنه فـعلاً محـتاج إليه وأكلّمه بشـكل عـادي …
فيصرّ على سـؤالي هل أنت غاضــبة ؟؟
فأقــول لا !
فيبدأ بالاعــتذار عن كلامه الــقاسي و يسمــعني الكلام الجــميل.
– وهل تصــدقين اعتــذاره و كلامه الجــميل ؟؟
طـبعاً … لأني أثق بنفــسي و لست غبـية …!!!
هل تريدين مني تصــديق كلامه وهو غاضــب و تكذيــبه و هو هـادئ ؟؟؟!!!
إن الإســلام لا يقر طلاق الــغاضب …
و هو طلاق!!
فكــيف ما حــصل معي أنا ؟؟؟
– فقــيل لـها …و كرامـتك ؟؟
قـــالـت : أي كرامــة ؟ !!
كرامتــك ألا تصدقي أي كلـمة جارحة من إنسـان غاضب و أن تصــدقي كلامه عندما
يكون هادئــاً ..
أســامحه فوراً لأني قد نســيت كل الشــتائم وأدركت أهــمية ســماع الكـلام المفيــد..

إذن ســر الســعادة الزوجــية عــقل الــمرأة و مــربط تلك السـعادة لسانها .

وصلني عبر الايميل ^^

روووووووعه و اتمنى الحريم يطبقنه

يزااج الله خير حبوبة ^^

up—-up

لللللللللللللللللللرفع

والله العظيم ان يدتي كانت تسوي جي بالظبط الله يرحمها